|
استفسار عن شهادة الدبلوم لأصحاب الخبره
السلام عليكم اسعد الله صباحكم / مسائكم بكل خير وبركه الله يعافيكم عندي استفسار بخصوص الدبلوم هل صحيح اذا اتميت سنتين يعني 4 مستويات اقدر اخذ شهادة دبلوم واذا كان هذا الكلام صحيح هل اقدر اخذ شهادة الدبلوم واكمل باقي المستويات حتى انجز البكالريوس ولا اخذ الدبلوم وخلاص طرد من الجامعه.... انتظر الرد من الي عنده جواب اكيد اسال الله العظيم لي ولكم السداد والتوفيق في الدنيا والاخره |
رد: استفسار عن شهادة الدبلوم لأصحاب الخبره
لا يـا اختي الدبـلوم يفرق عن البكـالوريوس
انتي بكـالوريوس ومجـبورة بـ 8 مستويات اي مايعادل 4 سنوات ودراستك دراسة بكـالوريوس وليس دبـلوم مثل ماتفضـلتي بمـا انك وقعتي كملي وشيـلي من راسك كلمة دبـلوم ... لأن العـالم الحين تبي المـاستر وماراح توقف على البكـالوريوس ... والسبب هو : كل سنة عن سنة تـفرق سابقا كانت الدبـلوم شيء مميز ونـادرا من لديه هذه الشهـادة وبعدها بكالوريوس وكان نادرا من لديه هذه الشهادة اما الآن اصبح الماستر الوحيـد اللي تقدري تقولي عليه نادرا من وصل لهذا المستوى يعني بإختصـار خلي طموحك أكبـر من البكالوريوس ... ولا تفكري بالدبلوم ابد ممكن يكون المقطع الثاني من تعليـقي ماهو مطـلوب من سؤالك .. فالعذر والسمـوحة |
رد: استفسار عن شهادة الدبلوم لأصحاب الخبره
الله يجزاك الجنه يا ابو يزن
انا بالفعل اطمح للماستر باذن الله بس فكرتي عن شهادة الدبلوم ابي اقدم فيها ع وظيفه ومنها اكمل دراسه عندي طموح لدرجة اني ابي كل شي مع بعض وباسرع وقت دراسه وظيفه بس شكل ع قولة المثل من بغاها كلها خلاها كلها الله ييسر لنا دراستنا ويبلغنا التخرج جزاك الله خير ماقصرت .... |
رد: استفسار عن شهادة الدبلوم لأصحاب الخبره
اسأل الله العلي القدير ان يحقق لك مرادك
والوصول الى القمة بإذن الله موفقة اختي |
رد: استفسار عن شهادة الدبلوم لأصحاب الخبره
هلا بك
والله ماعندي خلفيه بس مااتوقع لانك لما سجلتي اخترتي بكالوريوس ^^ حبيت اعقب على كلام الاخ ابو يزن اسمعي كلامه ، انا معي دبلوم من سنتين الحمد لله توظفت فيه بس شهادة مو مثل البكالوريوس او الماستر غير غير بكل شئ حتى لما تاخذين الشهاده وانتي على راس العمل تتاخر ترقيتك ويماطلون فيك غير لما تجينهم والشهاده معك . روقي وكولي البكالوريس على حبه حبه اطعم :biggrin: |
رد: استفسار عن شهادة الدبلوم لأصحاب الخبره
:(107):امممممممممم ما اعتقد ينفع
انا اخذت شهادة جامعية متوسطة ( ثلاث سنوات + سمستر تدريب ) من كلية ينبع.... وتوظفت فيها و بعدين رجعت لهم قلت خلني اخذ السمستر اللي باقي ويصير معي بكالوريوس (مسوي ذيب زي بعض الناس ) :33_asmilies-com: قالو ياحلو تبغى بكالوريوس تدرس سنتين :71:طيب انا دارس عندكم ثلاث سنوات ونص؟؟؟ وجاني الرد المعتاد: النظام يقول كذا و الأمر راجع لك:017: استهدي بالرحمن وخذي البكالوريوس ولا تضيعي عمرك وانا ابوكي :lllolll: |
رد: استفسار عن شهادة الدبلوم لأصحاب الخبره
الافضل أدرسي بكالوريا ع طول
والله أنل تحسفت درست دبلوم كلية تقنية وقعدت سنتين ادور جامعة تعادل لي هااللي درسته ومالقيت الا جامعة اليمامة الترم ب ٩٠٠٠٠ الف من غير تعلم اللغة الانجليزية كل مستوى ب تسعة الآلاف ريال ولقيت جامعة الباحة الاهليه وسعرها معقول وتعادل لي الكليه بس ادرس سنتين بس عشان وظيفتي ماقدرت انقل وبعد سنين من التفكير قررت التسجيل بجامعة الملك فيصل وهذي قصتي وسلامتكم اللي بعدووه :smile: وصراحة ندمت أني ماسجلت من اول عشان أعرفكم من زمان لاني حبيتكم <<<< نصاب لو انك مسجل من زمان كان قابلت غيرهم :biggrin: |
رد: استفسار عن شهادة الدبلوم لأصحاب الخبره
اللي قاهرني في الموضوع يوم رحت لجامعة اليمامة اللي رسومها ب تسعين الف مالقيت سعوديين اللي يدرس فيها سوريين وفلسطنيين عاد تقصيت الامر طلعو يدرسون ع حساب الشركات اللي يشتغلون فيها اوبهاتهم صراحة غبنت وطلعت منكسرا غضبانا يعني هالتجار يأكلون اكل في البلد ولا شفنا منهم اي مشاركة اجتماعية وخيرهم كله بعد الله مننا وفي الاخير يروح يدرس ابو شكيب والله قهر :017:
|
رد: استفسار عن شهادة الدبلوم لأصحاب الخبره
اقتباس:
طيب وين هالشركات اللي تدرس السوريين <<<<مايقبلوا الاتراك :biggrin: عشان تسمينا بتسميه اخرى مثل ابو شكيب :hahahahahah: |
رد: استفسار عن شهادة الدبلوم لأصحاب الخبره
الا كلمتهم انا مثل وضعك
قالوا اذا تبغى تصير حلاق مافيه مشكله :biggrin: |
| All times are GMT +3. الوقت الآن حسب توقيت السعودية: 04:03 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه