ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   إدارة أعمال 4 (https://vb.ckfu.org/forumdisplay.php?f=327)
-   -   بما انكم اعلم مني ياريت تدخلون (https://vb.ckfu.org/showthread.php?t=292802)

المتفائله 3 2012- 2- 6 03:42 PM

بما انكم اعلم مني ياريت تدخلون
 
السلام عليكم ورحمه وبركاته
انا توني مستوى اول دخلت منتدى لقيت وحده انسحبت والحين داخله هذا المنتدى لقيت واحد كمان انسحب :sdfgdsf: فبغيت اسالكم كيف تشوفون الدراسه بما انكم عديتوا كم مستوى :d5:وكيف تقيمون الجامعه سهل الدراسه او صعبه ؟؟ وانا كل ماشوف او اسمع احد انسحب اخاف اقول شكل الجامعه فيها شيء فياريت تطمنوني :Cry111:

زهرة الريف 2012- 2- 6 03:55 PM

رد: بما انكم اعلم مني ياريت تدخلون
 
شوفي يااختي يعتمد على طموحك اذا كان عالي فهو راح يتحدى اي تخوف يجيك.. وبالنسبه للي انسحبو لهم ظروفهم وطريقتهم اللي ذاكرو فيها واللي على اساسها نجحو او لا.. انا جربت الدراسه بالحالتين انتظام وتعليم عن بعد وشفت تعليم عن بعد جنه وفرق كبيير عن الانتظام.. كل ماده لها ملخص واسئلة اختبارات الترم الفائت تكون بين ايديك والدكاتره الله يجزاهم خير متفهمين وضعنا ويجيبون الاختبار قص ولصق من الاختبار الترم الفائت ومو كلهم على هالطريقه فيهم اللي ينزل اسئله جديده لكن يعتمد سهولتها عليك في المذاكره .. شوفي كل ماده ومحتواها وقارنيها مع الملخص اذا تطابق اعتمدي عليه وذاكري اول باول وصدقيني بتشوف الدراسه من احلى مايكون.. وفي بعض المواد ماتحتاج ملخص تكتفين بالمحتوى .. يعني ماعليك الا انك تشدين حيلك شوي وتحفظين كم كلمه عشان تعدين بااعلى النتائج..
وتذكري الشهاده اي شهاده بالدنيا لازم تتعبين فيها شوي ويجي عوائق عليها .. لكن يعتمد عليك وعلى همتك للدراسه في تخطي هالعقبات..
تحياتي..

ابوسند 2012- 2- 6 07:01 PM

رد: بما انكم اعلم مني ياريت تدخلون
 
على حسب فهمك اختي يصير عندك سهل او صعب:(107):

Dr.Rawa8an 2012- 2- 6 08:37 PM

رد: بما انكم اعلم مني ياريت تدخلون
 
اختي اذا كان شفتي 3 او 4 او 10 انسحبو كل شخص منهم له ظروفه الخاصه بالانسحاب ولا تطالعين انسحابهم تقييم للجامعه او لك ،،

وبالمقابل وصل عدد طلاب الانتساب في سنه الى 60 الف تقريبا

شوفي نفسك وين بتكونين واستخيري واختاري ،،

بو فروحه 2012- 2- 6 09:09 PM

رد: بما انكم اعلم مني ياريت تدخلون
 
بلا دلع درسي قمه الحماس :41jg:خاصه مع الزملاء في المنتدي
مايقصرون

KFU STUDENT 2012- 2- 6 10:41 PM

رد: بما انكم اعلم مني ياريت تدخلون
 
دام في المنتدى هذا بإذن الله الدراسه سهله وبسيطه :d5: خليك متابعه للمنتدى والطلاب ماراح يقصرون

توكلي على الله ولاتحكمين على عدد قليل انسحب وكل شخص له ظروفه ممكن يكون التقصير من الطالب مو من الجامعه :119:

ولو ان الجامعه فيها شي كان كل الطلاب انسحبو وتقفلت الجامعه :biggrin:

يكفي ان العميد متعاون معنا الدكتور عبدالله النجار الله يطول بعمره :53:

عذب(m)السجايا 2012- 2- 6 11:06 PM

رد: بما انكم اعلم مني ياريت تدخلون
 
عندي سؤال ايش معنى ماركزتي غير على اللي انسحبوا ؟؟؟

بقول لك شي بما انك مالاحظتي غير الناس اللي انسحبوا هم احد انثين لا ثالث لهم

يا اما المنسحب لديه ظروف قاهرة ادت الى انسحابه

او واحد مايبي يجد ويجتهد بس يبي يتبطح وينجح ولم يحصل على هذا الشي بهذه الجامعة وانسحب


تقريباً 40 الف طالب منتسب وكل سنه يزيدون وماشفتي غير اللي انسحبوا ان شاء الله 10 الآف اللي انسحبوا وخير ياطير انتي مسجله بالجامعة لهدف, ماهو لتنظري كم واحد انسحب وكم واحد باقي .


((بالنسبه لي انا لو مايبقى غير انا بالجامعة منتسب ماراح اتركها وازيدك من الشعر بيت الحمدلله متوظف ومرتاح وماني محتاج الشهادة للوظيفه بس عندي طموح اني آخذ شهادة جامعية وطموحي ابشرك اكثر من كذا عيني على الدكتوراه إن شاء الله تعالى)) .

تقبلي مروري......عذب



المتفائله 3 2012- 2- 7 12:40 AM

رد: بما انكم اعلم مني ياريت تدخلون
 
الله يرفع قدركم يارب اثلجتوا صدري وزي ماقال عذب السجايا ان شاء الله عيوني تكون على الدكتوراة

ǺĽ ẕeeห 2012- 2- 7 07:29 AM

رد: بما انكم اعلم مني ياريت تدخلون
 
^^

ماقصرو معاك الاعضاء ربي يحفظهم "

ي حبيبتي كل واحد وحسب ميوله وظروفه يمكن عندهم ظروف خلتهم ينسحبون "

ما نقدر نقولك صعب او سهل انتي الي تحددين هالشي بنفسك"

سوي جدول منظم ومرتب امشي عليه نزلي المحاضرات اول ما تشوفينها حلي واجباتك ومناقشاتك اي شي ماتعرفين له اسألي لا تسكتين "

كذا بتكون امورك تمام:

:tongue:


All times are GMT +3. الوقت الآن حسب توقيت السعودية: 06:48 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه