ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى الفنون الأدبية (https://vb.ckfu.org/forumdisplay.php?f=150)
-   -   قصيده معاق (https://vb.ckfu.org/showthread.php?t=290841)

الكوتش 2012- 2- 2 06:48 PM

قصيده معاق
 
السلام عليكم ورحمه الله وبركاته
حبيت الطف عليكم الجو قبل بدايه الدراسه بابيات من معاق يهمني امره واسمعكم
معاناته ولاتبخلون علينا بارائكم يااساتذه التربيه باذن الله مستقبلا /

واترككم مع الابيات .



صرخــــــــــــــة معــــــــــــاق
وش عاد باقي يا الليال المقابيل
وش عاد باقي غير حزن وتعاسة

طفولتي راحت بليا محاصيل
ما اعرف وش طعم الفرح والو ناسه

عندي تساوت كفة الصبح والليل
دايم وأنا نفسيتي في انتكاسه

إعاقتي صارت عليّه بهاذيل
محروم حتى من حقوق الدر اسه

محجوز في غرفه عن القال والقيل
وفــ عيون أبوي أشوف عطف وشراسه

مثل السجين يكبل الباب تكبيل
لا جا ضيوف يشددون الحراسة

كبرت ما اعرف وش علوم الرجاجيل
وباموت ثوبي ما اعرف وش مقاسه

لو يمنحوني فرصتي فقت هالجيل
حماس من ياسين تأخذ حماسه

ذكي واحلل في أدق التفاصيل
وإعاقتي خلتني أكثر كياسة

مرات من زود العنا والغرابيل
تطيح دمعه رغم قلبي وباسه

ولا مرّ احد مسحّتها بالمناديل
عشان ما يلمح دموع التعاسة:(204):

طمووووحه 2012- 2- 2 07:19 PM

رد: قصيده معاق
 
قصيدة رااائعه وكلمات :Cry111:

الاعاقه إعاقة الارادة وصاحب القصيدة يملك الارأدة
وكم من معاقين<اتمني لو يتغير ها المصطلح> فاقوا الاصحاء بأبداعاتهم
وانجازاتهم التي افادة المجتمع العاجز عن الارادة.:(204):

نور الأصيل 2012- 2- 2 08:08 PM

رد: قصيده معاق
 
قصيدة مؤلمةومليئة بالأحساس ... الله يعين كل معاق ابتلاه الله بأهل معاقين نفسيا.... مشكور ع الطرح ...

ganarohe 2012- 2- 2 11:01 PM

رد: قصيده معاق
 
الله يكون بعون المعاق
يشوف الدنيا بتكون احلى لو انه غير معاق
بالرغم في اصحاء ويعانون اكثر من معانته
لازم يعرف ان كل انسان الله فاته شي في الدنيا الاخره ابقى واحسن
:Cry111:

خوااطر 2012- 2- 3 01:38 AM

رد: قصيده معاق
 
الاعاااقه الحقيقه اعاااقة العقل وليست الجسد
كم من انسااان سليم لم يقدررر هذه النعمه
فقد استخدامهااا فيمااا يغضب الله عزووجل
ولم يستخدمهااا فيمااا يرررضيه:icon9:
وانا مع الاخت طمووحه في انه يغيررر (مصطلح الاعاااقه)
ويجعل التفاؤل والامل قاااعدة ف الحياة:wink:
وكم من اشخاااص فقدوا هذه النعم ولكن اثبتووا وجوددهم المجتمع
بطموحهم:106::106:

الكوتش 2012- 2- 3 06:32 AM

رد: قصيده معاق
 
اسعدني مروركم


All times are GMT +3. الوقت الآن حسب توقيت السعودية: 01:33 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه