|
أرجوو الأفاده بخصوص التأجيل ..؟
السلام عليكم ورحمة الله وبركاته بدخل بالموضوع على طول أنا أول مانزلت النتائج على طول سويت طلب تأجيل ترم وارسلته لكن قبل كم يوم جاآتني رساله ع الجوال تقول يطلب منك تسجيل مقررات ..؟؟ وبعدهاآ دخلت مره ثانيه وارسلت طلب تأجيل وللحين فعآل وش أسوي يعني ؟ للعلم أنا مَ رآح أسجل مواد هالترم ولا رآح أدفع لأن طلبت التأجيل من فترة اسبوعين ع الأقل فـ هل رآح يحسبونه لي ترم ولا وش سالفتهم بالضبط ..؟ وهالحين مازالو يرسلون ومازلت أنا كل يوم أرسل طلب تأجيل وش هالمسخره هذي مافي نظاآم كفو نمشي عليه ونضمنه كل شئ نسويه نحط أيدينا على قلبنا ونقول يّ رب يقبلونه والله العظيم شئ يرفع الضغط يرحممممممممم والديكم أحد يرد أرجو منكم الأفاده, وشكراً |
رد: أرجوو الأفاده بخصوص التأجيل ..؟
ماعندك اي مشكلة اتصلي على هالرقم المجاني اذا ردوا عليك تمام ولا بكره الصباح 8003030308 راح يطلب منك الرقم الجامعي و السجل المدني وإن شاء الله تنحل مشكلتك لاتحرميني الدعاء تقديري واحترامي |
رد: أرجوو الأفاده بخصوص التأجيل ..؟
اقتباس:
يعطيك العافيه والله يوفقك أن شاء الله |
رد: أرجوو الأفاده بخصوص التأجيل ..؟
اقتباس:
الله يعافيك ماسويت شي حق وواجب الله يؤفق الجميع يارب |
رد: أرجوو الأفاده بخصوص التأجيل ..؟
عفواً أخوي الرقم تبع سكن الطالباآت يّ ليت أحد يفيدني الله يخليكم :000:
|
رد: أرجوو الأفاده بخصوص التأجيل ..؟
اختي بالجامعه قسم " عمادة القبول والتسجيل " او اتوقع اسمه شؤون الاكاديميه للطلاب
هم مسئولين عن حذف الترم او مشاكل تسجيل مواد ومعادلتها والخ بكره الساعه 8 ونص دقي عليهم بتحصلين لهم ارقام بالموقع حق الجامعة او بتحصلين ارقام للدكتور عبدالله النجار عميد الكلية او نائبه الشعيبي اتوقع اسمه كذا وهم راح يفيدونك الله يوفقك |
رد: أرجوو الأفاده بخصوص التأجيل ..؟
نفس الوضع ياليت اذا لقيتي حل تقولين لي
|
رد: أرجوو الأفاده بخصوص التأجيل ..؟
الان موعد التأجيل وينتهي بعد اسبوع من بدايه الدراسه
وبعدها يكون اعتذار وهذا نظامه يختلف عن التأجيل التأجيل يكون قبل تسجيل المقررات بالنسبه للطلبه القدامى ولا يتم دفع رسوم الترم لان اصلا ماسجلتي مقررات ولا يحسب ضمن السجل الاكاديمي يعني لو أجلتي ترم وخلصتي دراسه في 4 سنوات تحسب فترة الدراسه 4 سنوات فقط يعني ما يأثر على سجلك بينما الاعتذار يكون على 3 فترات في الترم الاولى بعد تسجيل المقررات ودفع الرسوم وبعد الاعتذار تستردي الرسوم كامله وفترة اخرى في منتصف الترم تعتذري وتسترجعي نصف المبلغ وفترة اخيرة قبل الاختبارات بشهر تقريبا تعتذري بدون استرجاع اي مبلغ وبكذا يروح عليك الترم والترم الجديد ترجعي تدفعي لو اعتذرتي في فترة متأخرة ولم تسددي الرسوم وفي حال اعتذرتي واسرجعتي المبلغ كامل في الترم الجديد تسجلي المواد من جديد وتدفعي لكن الاعتذار يحسب ضمن سنوات الدراسه بعكس التأجيل فلو اعتذرت ترم وانتهيتي من الدراسه في 4 سنوات تحسب في سجلك مدة الدراسه 4 سنوات ونصف مع العلم انه في حال اعتذرتي او اجلتي ترم لازم مع بدايه الترم تطلبي عودة للدراسه وإلى النظام راح يحتسبه تأجيل واعتذار لترم جديد ونقطة اخيرة فرصة الاعتذار والتأجيل تكون 3 مرات طوال مدة الدراسه فقط ترم منفصل او ترمين متصلين هذي كل المعلومات ومتأكدة منها وانا اليوم اجلت لظروف ولي شهر ابحث عن كل هذي المعلومات ... |
| All times are GMT +3. الوقت الآن حسب توقيت السعودية: 08:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه