|
ثـلاث سنيــن بشهــور واعيــــاد ....
وقتي معاندني وانا ابوك ياعـناد ** وقتي تحداني تحدي تحـدي جار الزمان وزود الجور بعناد ** الحظ والايام يا عناد ضـدي لاجاد حظ القوم لي حظ ماجاد ** حظي مخالفني مقفي وصدى صبرت انا عالصبر لاشك مافاد ** خطر(ن) علي اليوم ينباح سدى هذي ثلاث سنين والجور يزداد ** تلعب بي الدنيا على غير ودي هذي ثلاث سنين بشهور واعياد ** يلعب بي الهاجوس صد(ن)وردي هذي ثلاث سنين صبر وتجلاد ** يا وقت يكفي واصل اليوم حدي وياعناد انا يابوك مانيب جحـاد ** من مدلي شبر(ن) له الباع مـدي ومن باعنا يا عناد بعناه بزهاد ** حتى ولو جده قريب(ن) لجدي بدلت انا بعض المفاهيم بجداد ** بعض العرب تدي ولاهيب تدي تدي فقط بالقول يا عناد لاعاد ** قول(ن) بلا فعل(ن) ترى ما يسـدي وعرفت انا ياعناد من دون تعداد ** عرفت انا العدوان واللي مودي من لانشد بايام صعبات وشداد ** من لانشد عني لـه العلـم ودي لانيب لاسائل ولا عنه نشاد ** اخذ الوكاد وحزة الجد جدي / / الشاعر : عايد بن دليم المظفري الهاجري رحمه الله / |
رد: ثـلاث سنيــن بشهــور واعيــــاد ....
ومن باعنا يا عناد بعناه بزهاد ** حتى ولو جده قريب(ن) لجدي
الله عليك مبدع يالغدراء .......... شرف لي اكون اول زوار صفحتك ومن رد تقبل مروري ........:106: |
رد: ثـلاث سنيــن بشهــور واعيــــاد ....
من لانشد بايام صعبات وشداد ** من لانشد عني لـه العلـم ودي لانيب لاسائل ولا عنه نشاد ** اخذ الوكاد وحزة الجد جدي هالبيت ذكرني بقول الشاعر : ان كان مانت مخاويني على الشده *** وقت الرخا واجد ربعي وخلاني القصيده روعه صح لسان عايد شاعرها ومشكور الغدراء على نقلها |
رد: ثـلاث سنيــن بشهــور واعيــــاد ....
.. الله يرحمه البيت هذآيكفي عن القصيده كلهآ .. وعرفت انا ياعناد من دون تعداد ** عرفت انا العدوان واللي مودي آلغدرآء [ يعطيك آلعآفيه على آختيارك آلذوق ] :106: |
رد: ثـلاث سنيــن بشهــور واعيــــاد ....
صح لسان شاعرهاا
وتسلم يدين ناقلها قصيده جزله ولآ اروع |
رد: ثـلاث سنيــن بشهــور واعيــــاد ....
اقتباس:
الشرف لي بمرورك ع موضوعي ،،،:106::106::106: اقتباس:
شكراً لمرورك الكريم ،،،،،:106::106::106: اقتباس:
الله يعافيك ،،،، اتمنى ان اكون وفقت في الاختيار ،،، شكراً لمرورك الكريم ،،،،:106::106::106: اقتباس:
تسلم يمينك اخوي ،،،،، الاروع مرورك الكريم ،،،،:106::106::106: |
رد: ثـلاث سنيــن بشهــور واعيــــاد ....
|
| All times are GMT +3. الوقت الآن حسب توقيت السعودية: 03:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.1 جامعة الملك
الفيصل,جامعة الدمام