ملتقى طلاب وطالبات جامعة الملك فيصل,جامعة الدمام

السلام عليكم ورحمة الله وبركاته

بداية ارحب بكم واتمنى لكم لكم كل التوفيق

مقررات المنهج خمس مواد فقط وهي

1/ مادة الادارة ودكتورها بخوش
2/ قانون ودكتوره الزهراني

المادتين كلها دش ما فيها لا مسائل ولا قوانين

انا بصراحه في البدايه تابعت المحاضرات ولقيت ما منها فايده

فالافضل في المذاكرة الملخص ومشاهدة المحاضرات المباشرة

الملخص اللي اعتمدت عليه ملخص فهد الشمري للادارة و واصف بن برخيا للقانون

طريقة المذاكرة قراءة الملخص بفهم دون حفظ

بعدين اطبع اسئلة الاختبار واقص كل سؤال والصقه في الملخص في الصفحه اللي اجابة السؤال فيها

بعدين اذاكر بفهم وحفظ واشوف الاسئلة موجوده بنفس الصفحه

وهذي الطريقة ساعدتني كثير في الاختبار

3/ الرياضيات ودكتورها حنفي

طبعت ملخص شبيه الريح ولازم مشاهدة المحاضرات

طريقتي في المذاكره

افتح المحاضرة واتابع مع الدكتور والملخص

طبعا هو يشرح مثال افهمه ويكون معي دفتر اوقف المحاضره واعيد حل المثال في الدفتر

وكذا كل الامثلة بعدين اذا خلصت المحاضرة

امسك الدفتر واحل الامثلة والتمارين وبكذا تثبت

واكمل بقية المحاضرات

بعد ما اخلص اجيب اسئلة الاختبار واجرب احل

4/المحاسبة ودكتورها زهران

الملخص ابو موزه

افتح الملخص واتابع المحاضره واذا مافهمت جزء اعيده والدكتور شرحه حلو

واذا باحط اي زيادات في الملخص تساعدني على الفهم

واذا انتهت المحاضرة اذاكر من الملخص بفهم وحفظ

ولا انتقل للمحاضرة اللي بعدها الا وانا فاهمه واذا ما فهمتوا عيدوها التكرار يفيد الشطار

5/ الاقتصاد الجزئي ودكتوره بالقاسم

الاقتصاد وما ادراك ما الاقتصاد

الماده مو صعبه بس الدكتور شرحه يحسسنا انها صعبه

طبعا في البدايه ذاكرت من المحاضرة مع ملخص النزال وزملاؤه لكن ما فهمت شي

بعدين صرت افتح البحث في اليوتيوب واحط عنوان الموضوع اللي ما فهمته

مثل المنفعة الحدية ويطلع دكتور مصري اسمه الظاهر شمشوم

وافهم المنهج وبعدها عرفت افهم الملخص

وبعدها اسئلة اختبار السنوات اللي فاتت

لكل مجتهد نصيب والله كريم مايضيع تعبنا لكن شدوا حيلكم ولا تنتظروا بلاك بورد ولا غيره

ذاكروا اول باول وخاصة المواد الثلاث محاسبة واقتصاد ورياضيات بتلقون المحاضرات في اليوتيوب

نفس المحاضرات اللي في البلاك بورد

وتقدرون تبتدون مذاكره من اليوم لاتقولون بننسى لا اذا فهمتوا وقت المراجعه بيسهل عليكم ولا تاخذون وقت

لا تضيعون نفسكم بكثر الملخصات اعتمدوا على اللي قلت لكم وبتعدون بتفوق

الادارة ملخص فهد الشمري
القانون ملخص اصف بن برخيا
الرياضيات شبيه الريح
المحاسبة ابو موزه
الاقتصاد النزال

واسئلة الاختبار بعد ما تذكرون شوفوها وحلوها بتستفيدون منها لكن لاتعتمدوا عليها وتخلون المذاكرة

وبالتوفيق للجميع