|
لنرتقي
السلام عليكم أخواتي الطالبات أتمنى أشوف طالبات منجزات من كليتنا أتمنى اشوف أنشطة متنوعة بكليتنا كل اسبوعين أتمنى تكون عندنا انشطة فردية وغريبة كمان نشوفها من فترة لفترة أتمنى نرتقي ونرقى بجامعتنا لفووق , أتمنى إني أحقق ولو دافع بسيط يحركنا , أتمنى أشوف بنات يعرضون أعمالهم أفكارهم أفلامهم الوثائقية عن اي موضوع هادف هذي كلها أمنيات وأحلام وإذا ماحققتها وساعدت البنات على تحقيقها بتبقى أحلام وبنبقى متخلفين وأكبر همنا ننجح ودرجات زي الكتاب اللي غلافه حلو ومحتواه فاضي إحنا نبي غلاف ومحتوى غني نبي حاضر إحنا نكون أبطاله , أنا عن نفسي لما طرحت هالموضوع بيني وبين صديقاتي لقيت افكار يبي لها من يتبناها صراحة أفكارنا هذي دامها ما انحطت ولا انكتبت على ورق راح تبقى افكار الهوا يلعب فيها , أنا اللي حمسني وحدة من طالبات جامعة الامام كانت تدور على فكرة لناديها انا استغربت ولما سألتها قالت عندنا بالجامعة نوادي نادي ثقافي , نادي صحية , نادي ..........الخ وهي رئيسة بوحدة من هالنوادي بتنتج بتقدم بتفيد ,, الرقي عمره ماكان بالشكل ولا بالجسد آخر شي هالشي لما إنسان يكون راقي راح يرتقي بكل شي في حياته , الرقي مو إني اتكلم إنجليزي بين شعبي العربي , ولا معنى الرقي إني ألبس افخم وآخر الموديلات ولا عمره كان الرقي شي نشتري أو نسافر له الرقي بمفهومه هو الارتفاع وصعود القمة الرقي الحضاري مواكبة العصر بكل مايفيد المجتمع المطلوب كل بنت عندها افكار تسردها هنا نناقشها نطورها نأسس لها نادي تكون وحدة من الدكتورات او الاداريات مسؤولة عنه هذا الشي ابي اسويه داخل الجامعه ونبي اشياء خارج الجامعة بس شوي شوي وبإذن الله في المستقبل القريب راح أسس صفحة على النت خاصة بإنجازاتنا وإنجازت الشباب والشابات السعوديات صورة + أفكار + نوادي إلكترونية بس زي ماعلمونا واحنا صغار إن اليد الوحدة عمرها ماصفقت وهذا انا أمد لكم ايدي وابيكم تتعاونون معي والله إحنا شعب فينا الخير وعندنا طاقات تحتاج احد يكتشفها او يشجعها عشان تطلع للنور بإنتظاركم خواتي :love080: |
رد: لنرتقي
جميلة أفكارك والطموح الموجود لديك عزيزتي ..
بس تذكري وش آسم هالجامعة ؟ أنا أقولك جامعةة الدمام :(269): ليتنا نسلم على أحترامنا وحقوقنا كطالبات بعدين نفكر نسوي شي للجامعة ذي .. صح ردي صدمةة لك وصريح بس الصراحةة تنفع بأوقات عشان مانعشم أنفسنا بـ سراب .. |
رد: لنرتقي
:biggrin: عادي قبلك كنت متحطمة بالكامل بس ليش لا ليش مانبدا احنا من جديد
ليش نستسلم افكاري ومساعدتكم إذا ماطبقتها بالجامعة راح اطبقها برى بس ما راح استغني عن هالحلم إني أرقى بالمجتمع ككل أبدأ بالطبقة الجامعية وحبة حبة تكون رسالة للكل أنا مو قصدي أقدم للجامعة أنا اقدم لديني لوطني لمجتمعي هذا هو القصد ولنفسي اولاً و أخيراً لأن هالشي راح يعبر عننا |
رد: لنرتقي
كلامج حيل حلو وكبير ويدل على عقلانيتج وماشالله عليج ..
حلو لما الواحد يفكر بهذه الطريقه .. لما يسوي شي ويتسفيد منه الغير ويحس بانجاز وفرحه هذا احسه افضل شعور .. فكرتج حيل حلوة وانا معاج .. وسمعت ان الاستاذه الدكتورة حصه بصراحه نسيت عايلتها بس هي المسؤوله عن الانشطه الي بكلية الاداب والعلوم واحس لو يُقدم لها فكرة مثل هذه ماراح تقصر .. وبصراحه الجامعه هذي السنه احس فيها روح على الاقل مو نفس العام كنت احسها ميته كل الاشياء الي تصير بالعلوم .. بس حمدالله على كثر الاشياء الي تقهر بالجامعه وتنرفز فأنا احبها .. وودي كل طالبه بهالجامعه تفتخر بجامعتها جامعة الدمام لان هذا يساعد على تنشيط الهمه ويطلعون البنات افكارهم ويعني يصير شي جميل << كأني شطحت شوي :biggrin: |
رد: لنرتقي
ههههههههه:biggrin: شوفي هو صدق إحنا متعقدين من كليتنا لدرجة إن الواحد ساعات ماوده الا يتخرج ويفتك واكبر دليل إني هربت زيارة للأحسا ترم بس هالشي مايمنعنا إن نخلي فيه حاجز بيننا وبين أفكارنا وبإذن الله راح تصير دام إحنا نبي نحققها فيه أكثر من فكرة انطرحت وراح اطرحها بأسلوب حلو في موضوع مستقل او في صفحتي , والله إنها أفكار جداً ممتعة وراقية بنفس الوقت وفيه أفكار تخدم الطالبات بدراستهم واشياء كثيرة وإن شاءالله هالترم أقدم شي لو بسيط :love080:
|
رد: لنرتقي
جدا الموضوع قيم وذو فائدة وانا من رايي بدل مانحبط فيما بيننا ونلوم ليش مانساهم في التطوير والبناء لماذا فقط نكتفي باللوم والإحباط دون حراك بعدين إذا بدأنا باشياء بسيطة وتطورت مع الأيام .. راح يكون لنا صوت مسموع ! وتحفيز للآخرين وحماس بمبادرتهم للتنافس فأنا اشوف جدا فكرة رايقة وجديده في ظل إطلاعاتي على المنتدى والإحباطات الزائده .. الا تخليك ِ تهربي من الموضوع نفسه .. وماراح يضرنا طبعا تكوين نظرة إيجابية وتفاؤلية مشرقة بعكس لو نقلنا فيما بيننا طاقات سلبية وبكذا راح نكون من المساهمين في قتل طاقات والإبداعات الخفية الجديدة الا مامرت بأدنى تجربة .. وانا معكم ومتحمسة لإقامة نشاط رياضي للقضاء على السمنة وغيرها ومستعدة اكون مساهمة افضل من تقتصر موادنا على تخصص معين ويسبب لنا ملل ولا شو رايكم :(269): وغير هيكـ اتمنى مايكون الموضوع مجرد كلام :064: |
رد: لنرتقي
بين زحممة الأفكآر السلبيه الناتجه من تأثري بدرجآت الإمتحآن :icon9: والإحبآط اللي خلاني أفكر بلحظظه من اللحظآت اني بسحب ملفي وبدور لي وظيفة وأكتفي بالدبلوم لكن .. كلآمكـ يآقلبي غسسل غضبي وخلآني أشووف فشلي في السمستر هذا دآفع أزيد وأجدد حمآسي وأنتي عآرفـتني زين يآعممري .. أنا من مؤيـدين الطرق الجديده والغير تقليـدية .. وان شآء الله هالفـكره تصير حقيقة على أرض الواقـع ونلقـى مسآحة من الحريـه اللي تحتوي أفكآرنا .. :love080: |
رد: لنرتقي
مساء الخير يا أختي انا تحضيري اول ما جيت للكلية لاحظت كم نشاط ومشروع بعدين خفو :icon9: دخلت ع الفيس بوك شفت أنشطة بالهبل :71:بس بالحرم الجامعي ما أسمع فيها يمكن لضعف الإعلان ، المطلوب :(204): ودي اسوي أنشطة ولا أشارك في أي نادي إذ عندنا :(269): بس ما سمع فيها يا ليت تكثفون الدعايات سواء في الجامعة ولا في المنتدى ولا مطويات توضح مين المسؤولة عن الأنشطة وما يتبعها وما قصرتي يا الغلا موفقة :love080: |
رد: لنرتقي
وعليكم السلآمـ ورحمة الله ..
ماشاء الله عليك كلآمك يحمسسس بقوة ، والله انه اثلج صدري ان فيه بنات همهم مثل همك ، :love080: وع فكرة كنت كذا في وقت(ن) مضى (أياااام المتوسط ) ، كان فيه ناس يحمسونك من جميع النواحي مو شرط تدرسك الكتاب وتطلع حتى يغرسون فيك النازع الديني والله اني للحين ادعي لهم كل مآتذكرتهم :love080:،لكن الحين انا مستغربة جداً من بنات الجااامعة ( مو آلكل طبعآ ) همها الشكل والماركات وفلآنه وش لبست اليوم ، وعلآنه شكلها خقق ~> كممممم اكرهها هذي الكلمة ولما تجين تكلمينها والله احس فيه فراغ داخلي بقووووة مآ احس فيه افكار ، قيم ، والله هذا الشي يضااايقني مرررة ، ( الشكل جميل والمحتوى فارغ !!! ) ، بس احمد الله ان فيه امثالك وانا متأكدة انهم كثيييير بس يبيلهم دااافع لهالشيء الله يوووووووفقك وشكرآآآآآآآآ من أعماق قلبي :love080: |
رد: لنرتقي
اقتباس:
|
| All times are GMT +3. الوقت الآن حسب توقيت السعودية: 09:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه