|
بنت وثمان رجال ..!
بسم الله الرحمن الرحيم وصلى الله وبارك على سيد خلقه ونور قلوبنا نبيناً محمداً عليه افضل الصلاة واتم التسليم وعلى اله وصحبة الكرام ... ماحبيت اذكر هذه الحادثه ولكن ربما مازال البعض يعيش احلام ورديه يجب ان يستقظ منها ويعيش الواقع بحلوه ومره ... قبل فتره من الزمن كان الاهل يعملون في مستشفي خاص وكعادتي بعد دوامي اذهب اليهم لاخذهم معي للبيت ولما خذيتهم هذه المره كانت النفسيه مش طيبه والحزن والصمت مخيم عليهم وليس كالعاده فلزمت الصمت حتى الوصول الى المنزل والحديث عن السبب الذي كدرهم ولما جاء وقت الحديث قلت عسى ماشر وش فيك اليوم متكدره قالت والله كسرت خاطري وحده بالمستشفي قلت اكيد يكسرون الخاطر مدام في مستشفي محد بيزوركم الا يكسر الخاطر ونسئل الله لهم وللجميع الشفاء والصحة والعافية قالت بقولك وش شفت ولا تلومني اذا بكيت من قهري فقلت حشاك القهر وانتي مؤمنه اتفضلي قالت اول مانزلتني بالمستشفي يعني الساعة 7 ونص الصبح تقريبا كانت في وحده جالسه بالانتظار وفكرتها من مرضى السكري والتحاليل الصيام ومن هذه الامور ولكن اول مادخلت سئلتني وقالت في دكتورة عامة قلت لا والله مافي الا دكتور عام شوفي الاستقبال يفيدونك فردت قالت سئلتهم قالو مافي الا رجال فقلت لها طيب وش مشكلتك قالت انا عندي سخونه وكحه قويه لها شهور فقالت زوجتي بنفسها ان هالبنت ملتزمه ولا تقبل ان يمس جسدها رجل لان هذا من حقها فقلت لها شوف الدكتورة الفلانية اخصائية باطنية راح تفيدك فردت البنت عليها قائله لا انا معاي عشرين ريال حق العام بس قلت لها ليش ماتروحي المستشفي العام قالت لا اخواني مايرضون ...!! المهم طال الحديث بينهم وقالت لها تفضلي معاي الحين لعيادتي وانا بشوف الوضع بنفسي قامت زوجتي وطلبت لها ملف وحجز عند الدكتورة الخاصة بالباطنية المهم كشفت عليها واخذت علاجها ورجعت لزوجتي وشكرتها وقالت زوجتي لولا الزحمه كان دردشة معاها بس كانت باين انها بنت بدوية حيل وطيبه حيل المهم خلصت القصة والحزن معاها طبعا انا خذيتها من عملها الساعة 2 ونص تقريبا الظهر الساعة 11 في الليل اتصلوا عليها قالو في حالة ولادة وفي حالات كذا طفل تعالي ركبت السياره وخذيتها تقريبا وصلنا الساعة 11 و40 دقيقه نزلت ورجعت البيت الساعة 5 الفجر بعد الصلاة اتصلت وقالت اوكي تعال خذني وصلت الدكتوره الثانية رجعت وخذيتها والا هي منهاره منهاره منهاره بكاء طبعا انا متعود على هذه الامور قلت يمكن الطفل المولود توفى لا قدر الله او الام او شئ من هالامور لانها سبق وحصلت لا حول ولا قوة الا بالله المهم هدأت من روعها وهديتها وبعد ماوصلنا قالت لي الحين الحين الحين تكلم ابوك وتروح تتزوجها خذ خذ هذا عنوانهم سجلته لك يابنت الحلال وش فيك انتي صاحية وش اتزوج ووش تقولين انتي قالت شفت البنت البدوية اللي قلت لك عنها قلت اي اشفيها قالت للحين بالانتظار تنتظر اخوانها وصارت تقولي هذي مو متعلمه واخوانها يعاملونها معاملة راعي الغنم بالبر وحارمينها من كل شئ روح روح تزوجها الحين ومهرك عندي بس روح وارحمها من العذاب معطينها عشرين ريال يقولون لها تعالجي فيهم ورافضين تروح للمستشفي العام لان بعض جماعتهم شغالين فيه اقولك روح روح تزوجها الحين وكلم هالوحوش وقل لهم بتزوجها او تدري انا بخطبها لك يلا روح كانت حالاته صعبه جدا جدا ولكن صحيح ان زوجتي حضرية بس لو اخذها زياره لتلك المدن وتلك الامكان التي اعرفها لتعرف ان ماشاهدته لا شئ من ما سوف تشاهده كنت اقول بقلبي ماشفتي شئ لو تشوفين بعض النساء عندنا بفيزة عامل غنم وبعضهم يعتبر المرأه مكسب يزوجها متى ماحب ويستفيد من ورها وبعضهم شوارب وعلوم رجال ويركض في حريمه من تاجر لتاجر وكحل عيونك يا شيخ القبيلة قبل ايام زمان لما كانوا البعض يدندنون على ان المرأه من ضلع اعوج واصحاب المنابر جعلوا منها قصص مع انها والله مكتوبه في كل كتب المجددون الاسلاميين وواضحه مايبي لها فتوى وتفسير واضح ولكن لاننا امة لا تقرأ صحيح شهرتنا كانت بأقرأ ولكن نحن لا نقرأ نجعل انفسنا مجرد كالوعاء يسمع فقط ويردد صحيح البعض يقول بالغنم احسن ماتنحرف ...!! مع انه منطق غير منطقي وغير سوي ولكن لان مجتمعنا ذكوري ورجولي يجب استخدام العضلات انا بكون صادق معاكم الرجل لا يعيبه شئ الا اذا كان عاجز عجز مقعده او كبر بالعمر مقعده ولكن لا يعيبه شئ ممكن يشتغل حمالي في المينا ولا يمد يده لاحد ولكن المرأه مع الاحتكار اليوم لها المطلقه والارمله والعانس وغيرهن ...الى من يذهبن ... البعض يقول الدولة الدولة هي السبب مين قالك الدولة عندها ملائكة في كل مكان يخبرونها بكل شئ ولكن وين دور المجتمع وين دور من يربي هذا المجتمع...!! هل تعلم ان حافز يسرق :mh35: هل تعلم ان الضمان الاجتماعي يسرق :mh35: هل تعلم ان استغلال النساء عندنا اصبح خطره شديد جدا :mh35: هل تعلم ان بعض رجالات الجمعيات الخيرية همومهم في سوق الاسهم :mh35: هل تعلم ان بعض المسؤولين المتنفذين الحرامية والتجار الحرامية يضع في مكتبه صوره له مع شيخ مشهور :mh35: هل تعلم ان كلمة هذا من فضل ربي اصبحت ديكور :mh35: هل تعلم ان مؤسساتنا الحكومية والخاصة لا تخدم الا الرجال فقط :mh35: هل تعلم ان دور المرأه اصبح محدود جداً وشئ هامشي :mh35: هل تعلم ان في احدى السنوات خرجت علامة وعباره من احد المشائخ يقول احذروا التدخين والمخدرات والنساء :mh35: كل هذا مزح وكله نوم بالعسل والمجتمع في اليوم الوطني عمل العمايل :mh35: مجتمع لا يحترم دينه ماذا يفعل :mh35: امزح امزح ولكم الشكر والدعاء |
رد: بنت وثمان رجال ..!
انتوا في اي منطقه عايشين :(107):
|
رد: بنت وثمان رجال ..!
اقتباس:
ياهلا وسهلاً بأختنا الكبرى لمووووووس اخبارك اختي عساك بالف خير لله درك يا ايام الاختبارات كنا نشوفك بشريني وش صار معك عساك ناجحه وبالنسبة للمنطقة الشرقية :(107): وشاكر لك مرورك ولك الشكر والدعاء |
رد: بنت وثمان رجال ..!
الحمدلله ناجحه :mh001: طيب في الشرقيه معقوله فيه أحد كذا امها وينها وابوها واحس الناس تطوروا اعرف ناس عايشه في قرى كانهم تجار على قولتك بدويه الحين البدو احسن من الحضر
|
رد: بنت وثمان رجال ..!
اقتباس:
مبروووك مبروووك ومن نجاح لنجاح يارب وبيني وبينك انا كنت واثق انك ناجحه:biggrin: ماشاء الله عليك والله مدري عن امها او ابوها لا مش مقصدي البدو البدو اكيد في الزين والشين هنا وهناك سواء بدو او حضر ولكن مشكلتنا اختي ان المرأه مازالات تعتبر بفيزة عامل يعني حتى بالجنوب بصراحة كثير انا شفتهم وبالشمال وفي المناطق بين المدينة المنوره وانت رايح للقصيم انا بالاساس احب السياحة بربوع بلادي بس اغلبها عادات وتقاليد مش مشرط يكون بدوي حتى عن اهل القرى الحضر والمشكلة اختي في من يقدر يحارب هذه الامور يعني مين يقدر غير الدين الاسلامي وغير الدعم لتكوين لجان توعية للمجتمع والبحث عن هؤلاء لانهم من المجتمع مش في زحل او عطارد بس للاسف موجودين وبكثره والله يرحمنا برحمته يارب ملاحظة : ناس تقول هذي عادات وتقاليد ولكن انا اعتبرها استغلال |
رد: بنت وثمان رجال ..!
انا بصراحه اعتبر هذي البنت وحده غبيه يعني محد جاء ياخذها تجلس طيب تتصل على احد اقاربها خوالها عمانها يعني الحين الاتصالات متوفرة بس هذي ما عندها شخصيه امعه وش دخل العادات كل شئ له حل وبعدين زوجتك حساسه بزياده مو لهدرجه تقول تزوجها المفروض تنجلد :41jg::41jg:
|
رد: بنت وثمان رجال ..!
اقتباس:
ههههههههههه بصراحة مش غبيه حرام عليك والله ظلمتيها ترا عندنا وحوش ولكن ماعندنا حقوق لحماية المرأه والا لو تبحثين بتلاقين بلاوي الله يرحمنا برحمته ولهذا تشاهدين بعض الناس اشكالهم غريبه اما مسئلت الجوال وغيره والله اتصور انه بالاساس محرم لدى الكثير بل ازيدك من الشعر بيت هناك نساء لاخرجن من منزلهن ابداً الا لقبرها وهذا شئ موجود وكم من خوال وعمام هتكوا اعراض محارمهم خليها على ربك والله في بلاوي في المجتمع والسوس ينخره الله يرحمنا برحمته وان شاء الله نتلاحق قبل الانهيار اما انها غبيه فمستحيل لان المنطق لدينا يقول القوي ياكل الضعيف هؤلاء اذا قلت له حرام تسوي كذا في بنتك يقولك بأختصار بنتي ( مسكينه ) يعني ناقصة عقل في نظرهم وش تبي تقول لهم اذا هذه نظرتهم اما زوجتي الله يخليها تاج راسي وعسى يومي قبل يومها وهي تبي لي الاجر جزاها الله الف خير ولكن اعذر عاطفتها هذه هي المرأه هي الام مهما كانت صغيره وكبيره اما العادات والتقاليد روحي البعض يكتب الارث للذكور قبل وفاته علشان الاناث مايحصلن على شئ الله يهديهم يارب ويصلح المجتمع ونشوفه مجتمع ايماني اسلامي ولا حول ولا قوة الا بالله العلي العظيم |
رد: بنت وثمان رجال ..!
كلامك يجرح .. وماله دوااا
للاسف واقع موجود لا يلمسه الا من تبحر في هذا المجتمع ,, نحن فئات متعدده بعضنا جعل الترف وارضاء الرفاهيه الترفيهيه اقصى اهتماماته ليبني عالما انساه العالم من حوله .. والبعض عاش الالم عاش المعاناة وها هو يستغيث لا يسمعه سوى من لا يملك حول ولا قوة ويسمعه من ملك سلطة ولكن اعماه المال .. كان مزاحك كصفعه كف بعد ما اصابتني تلاها اعتذار لم يزيل حمرت يصماتها .. هذا ما نحن عليه .. الكثير منا تنقصه الثقافه والوعي والكثير منا يرى الثقافه امامه لكنه لا يعيها .. وهناك من استوعبها امثالك ليبني معرفته على مايراااه ولنتقد عالم لا يرضاه لنفسه .. ولكن نحن في وقت قد لا يغير ملامح مصائبه شي فنلجأ للحرووف لنعبر عما ألمنا من هذا الواقع .. عندما اطيل بالتفكير والتمعن .. هذه الدنيا ستزول .. وسنذهب لخالقنا الذي سيحاسب كل ذي عمل على عمله .. والمظلوم وعده الله خيرا .. تحيه لك لزوجتك .. ولعلها تاخذ الامور بانفعاليه اقل .. فهذه هي الحياة كل ما تعمقنا في دهاليزها ستقشعر ابداننا من خفاياها .. اشكر لك رقي اسلوبك وطرحك .. |
رد: بنت وثمان رجال ..!
حدد القريه الي انتوا فيها بصراحه اول مررة اسمع كذا :(107):
|
رد: بنت وثمان رجال ..!
....
ي ّ الله معقول حذفوهآ وراحوآ كيذآ جد ّ في نآس للحين همج ..! في وآحد ساكن ب البر ّ طول العام تجيلوآ ومع طقس المملكة ومتزوج مصرية وهم قبيلين بس قرونـــة ومع شوية همج وتخلف ولا من يعيش ب ّ البر الموهيم بنتة داومت معنآ بزي منطقتنآ وشكلهآ يرثآ لة جدآ تخيلو جآية المدرسة بملابس آمها النوم وكعب !!!! شي عجيب وسيارتهم جيب غمارة وحدة مافيهآ كراسي وآخوانهآ اربعة وامهم وابوهم بزي السيأرة !!! المهم صآرو حدث ب المنطقة عاد الوالد كلم ابوهم ليش انت كيذآ واهلكـ وسآكنين بر ّ قال مآعندي الاغنمات وبس ماعندي فلوس ابني بيت ولا عمري سكنت بيت عطآة الوالد بيت آيجار كان عندة وسكنوآ بس قلق يبيلهم 20 عآم يصيروآ بشر وبنتة ب 2 متوسط زوجهآ شايب اماراتي مآبينة وبين الموت الا شعرة !!!! وعآدي عندة ّ وامهم مرة ّ دخلت ب المسدس ب المدرسة قسم يمكن مآتصدقوآ تهور المصري لية / تسقطون بنتي بنتك، همج الله يصلحكـ للاسف انو ب ّ السعودية كذآ قصصة ^ ــــــــــــــــــــــــــــــــــــــــــــــــــ ـــــــــــــ * سوال الحين / متآ ارجعت هالحرمة لاهلهآ !! |
| All times are GMT +3. الوقت الآن حسب توقيت السعودية: 12:23 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه