|
وش سويتوا ب الاختبارات اللي مرت
انا بصراحه خبصت بنحو خصوصا المقالي الله يسامح د كتور عطيه:bawling:
الله يستر والحاضر كان فله :g11: والتفسير الحمد لله حلو بس دقيق مرره واللي ماذاكر زين يروح وطي بس استغفر الله الدكتوره واجد واثقه من نفسها ماتعطي وجه وكله مستعجله :s3: الله يستر بعد بتخريج مايندرى وش تبدع لنا ليلي شكري:hush: |
رد: وش سويتوا ب الاختبارات اللي مرت
انا امتحاناتي كلها زفتة أفكر أتوقف عن الامتحانات بلا كلية بلا هم
|
رد: وش سويتوا ب الاختبارات اللي مرت
:love080:دعاء لتفريج الكربه:
لا اله الا الله الحليم الكريم لا اله الا الله العظيم لا اله الا الله رب السموات السبع ورب العرش العظيم الله يسر لكم :love080: والحائره ايش هدفك ؟؟ اذا كنتي بتكملي بس كذا لاتكملي وريحي بالك... وسوي الشي اللي انتي مقتنعه فيه وتحبيه ويحقق اهدافك في الحياة ... لانك اذا حبيتي الشي ابدعتي فيه والعكس صحيح... وحلو تكتشفي قدراتك وامكانياتك من بدري انصحك بدبلوم كمبيوتر(اساس كل عمل ) وبعدها انطلقي باللي تحبيه ... موفقه اينما كنتي (ماخاب من استخار ) :love080: |
رد: وش سويتوا ب الاختبارات اللي مرت
الحائره كنت احسبك سنه اولى ...
حرام ماباقي الا ربع المشوار ... والاخير قرارك بيدك... |
رد: وش سويتوا ب الاختبارات اللي مرت
مراحب بنات انا ماعندي اليوم اختبار قلت اقعد اتشكى عليكم خخخ:cheese:
اولا علو القرآن كان خفيف وحلو مافيه مشكلة:119: لكن امس كان عندي علم معاني وما ادراكم ماعلم المعاني :Cry111:ما اقول الا حسبي الله ونعم الوكيل:011: الاسئلة كانت حقت ناس نابغااات معهم ماجستير والا دكتوراه مو احنا سنة ثانيه وانتساب بعد :000: وربي حرام اللي يصير الاسئلة كانت موحدة والانتظام جابو العيد فيها كيف احنا الانساب!! ليش مايبون يفهمون ان قدراتنا اضعف منهم لاننا نشرح المواد لنفسنا بنفسنا :103: انا بالبداية صابتني حالة ذهول وصدمه يجي نص ساعه:sdfgdsf: مو عارفة وش اكتب بس اتصفح الاوراق ومو مصدقه اقول وشو ذا الحين؟!!:104: مامرت علي اسئلة زي هالاسئلة طبعا هذي الدكتورة منى النصر:017: وينك يادكتورة صيتا :love080:معطية بناتها ملزمة يذاكرون منها بس واحنا هالكتاب اللي كنه قاموس من كبره وكل كلامه دش ببعضه جلست للصبح بس الخص واحط عناوين عشان أفهم:017: لاوكاتبة الدرجات وطبعا احنا انتساب فتتضاعف الدرجات على كل سؤال حول ما ألطم واصيح بصراحه مااقول الا حسبي الله ونعم الوكيل لكن املي بربي كبيييييير دام اني تعبت راح القى مردود باذن واحد احد:praying: |
رد: وش سويتوا ب الاختبارات اللي مرت
مشكورة على كلامك يا الفتاة المخملية والله يوفقك صحيح ما باقي إلا ربع المشوار لكن قدر الله وما شاء فعل
فكري وعقلي ما يتحمل يسمع اي شي مو بعد مذاكرة وبعدين انصدم بالمواد المحمولة وأنا الآن أحس براحة من المذاكرة حتى صحتي عادت مثل قبل ونفسيتي مرتاحة ما أقول:bye: الا الوداع الوداع مع تمنياتي للجميع النجاح والتوفيق إن شاء الله |
رد: وش سويتوا ب الاختبارات اللي مرت
الله يسر لك امورك:love080:
|
| All times are GMT +3. الوقت الآن حسب توقيت السعودية: 12:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه