ملتقى طلاب وطالبات جامعة الملك فيصل,جامعة الدمام

صفحة 1 من 3

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى المواضيع العامة (https://vb.ckfu.org/forumdisplay.php?f=3)

- - وقفه ونخوه من الجميع (https://vb.ckfu.org/showthread.php?t=279629)

دار الأمل

2012- 1- 13 02:42 AM

وقفه ونخوه من الجميع

كيف حالكم شلخبار انشالله اتكونواابخير بما ان احنا في حالة من الإنتظار الممل للنتائج ابصراحه انا عندي مشكله كبيره تاعبه اعصابي موعارفه كيف اتصرف عاد يوم ضاقت بي الوسيعه قلت مالي غير اخواني في الله اولا وزملائي في التعليم ,,,المهم اشتريت بيت جاهز جديد من الدبلكسات الحديثه من سبعة شهور تقريبا والى الان ماني عارفه كيف ابتدي خطوات شراء الأثاث اوربي احس ضايعه احوس بالأسواق مو امدبره حالي اوماعندي غير الله معين ولا من يشور علي .
ياليت اللي عندها مشوره طيبه ولا أحد هالفاهمين يدلوني الطريق الله يجزيكم خير او يجعلكم ذخر يارب.

ابو حلا

2012- 1- 13 02:54 AM

رد: وقفه ونخوه من الجميع

الف مبروك

السوق كله صيني الحين

اذا انتي بشوري
رحلة للصين واثثي من هناك وتعالي
عن تجربه
ماراح يكلفك نصف قيمة الاثاث من السعودية
وقطع ممتازة جداً

والا روحي ايكيا والله يعينك على غلا اسعارهم
وبالتوفيق

دار الأمل

2012- 1- 13 06:08 AM

رد: وقفه ونخوه من الجميع

السالفه اخوي اني موعارفه اصلا كيف ابتدي من الكنب ولاالستائر وكيف أنسق في اختيار الألوان يعني احتاج الى وحده او واحد عنده خبره فاهمه علي ؟؟هذي المشكله اما بالنسبه للسفر بعيد لشراء الأثاث فزوجي رافض هالفكره....
واشكرك اخوي على الرد.

نو1111ف

2012- 1- 13 06:55 AM

رد: وقفه ونخوه من الجميع

اولا الف مبروووك انشاء الله منزل السعادة
ثانيا ابداى بالمطبخ اذا من الرياض على طول مطابخ الرشيد في شارع التخصصي قريب من الطيار للسفر
ثانيا سفرة الطعام من محلات غرفتي على طريق خريص وعندهم غرف نوم حلوه بعد وعندهم تحف رايقه ولفي على مفروشات المطلق والاثاث العالمي
ثالثا المجالس فصلي كراسي كلاسك تحصلين الخشب حقها في صناعية الشفاء اشكال كثيره و دخلى عليها كنب امريكي طبعا قطعتين كبيره 3 مقاعد ومقعدين وتلبس كلهاا بقماش واحد اللى تختارينه وبعد كذا فصلي الستاير من محلات الستاير وهذي الاساسيات وبعد كذا تجي الكماليات
وبالتوفيق ياااااارب

محمد الشلاحي

2012- 1- 13 11:25 AM

رد: وقفه ونخوه من الجميع

الف مبروك المنزل وان شاء الله يكون منزل السعادة

دار الأمل

2012- 1- 13 12:00 PM

رد: وقفه ونخوه من الجميع

طبعا انا من سكان الخبر.
مشكورين على نصايحكم يجزيكم الله الف خير ويجعلها جمعة مباركه...

حــرامـــى

2012- 1- 13 12:53 PM

رد: وقفه ونخوه من الجميع

مبروك عليك المنزل و منزل مبارك عليكم

اماا الاختيار كل غرفه خليها ذوووق لحاله يعنى يعنى امشى غرفه غرفه صاله صاله زنقه زنقه

الشاحن

2012- 1- 13 01:21 PM

رد: وقفه ونخوه من الجميع

اول شي مبروك البيت وجعلة بيت هناء وسعاادة

ثانى شي روحى محل ديكور وستشيرى خبيرى الديكور مع طرح افكااارك
الى ترغبين فى وضعها

ثالث شي 00 احد يحصل بيت وحد يطاردة المستااجر من داعوس فى دااعوس
لدرجة انى حطيت على الشقة لوحة وكتبت عليها
مستودع موااد كيمياائية

واليوم الى بعدها البحث الجناائى مدااهمنى
هههههههههههههههههه
والله حالة بس

ابو حلا

2012- 1- 13 01:30 PM

رد: وقفه ونخوه من الجميع

اقتباس:

المشاركة الأصلية كتبت بواسطة الشاحن (المشاركة 5458639)

اقول ابعدي عن الشاحن ومشورته:24_asmilies-com:

عن تجربه جبت مهندس ديكور وقعد يتفلسف واخر شي قالي كل غرفة اصبغ جدارين منها بلون على ان تأتي شكل زاوية
وقضبته الباب هو وافكارة
الشاحن ماتبطل حركاتك

الشاحن

2012- 1- 13 01:36 PM

رد: وقفه ونخوه من الجميع

ابو حلا
حلو نظام الغرفة باللونين
والطريقة جدا راائعة

All times are GMT +3. الوقت الآن حسب توقيت السعودية: 04:54 AM.

صفحة 1 من 3

عرض 100 مشاركات من هذا الموضوع لكل صفحة

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه