|
طال السكوت
طال السكوت.. وضاق صدر السواليف
والبال.. من كثر الهواجيس عايف.! والليل طااال.. وطارق الصبح ماشيف.!! وانا..وصمت الحزن..صرنا ولايف. اسج..مع هجس الطواريق..واعيف هجسي..وطاروق الضلوع النحايف.! تجوع.. سلمى.! واترك..الكم.. والكيف! واقسم..رغيفي بيننا بالنصايف.؟ اقرأ..وتكتبني..قضيه, وتعريف وتظما. وتشربني ..نحيب, وذرايف!! صمت الشعور.. احساس.. ماله تواصيف أكبر من حروف الحكي, والوصايف..؟؟ ياسيف كيف اشرح لك الوضع ياسيف؟؟ اقلامنا جفت ورفعت صحايف.!! كيف ابتدي يامسندي..وانتهي كيف؟؟ من دون كيف؟ انا مثل مانت شايف.! شفني بقايا انسان والوقت كالسيف.! وحظي كفيف..! وفرحتي.؟ حلم زايف! همي بحر..وضلوع صدري..مجاديف والعمر مركب..بين الأمواج طايف.! وقلبي وطن..وعروق قلبي تجاووويف للحزن.. وهمومي.! شعووب وطوائف..! صوعات بقعا ..والقدر ..والصواديف ورتني اهوال السنين العجايف. أتبع.."خريف العمر" في رحلة الصيف..! وازحف ..على حد السيوف الرهايف.. الليل ..مفتاح السهر والتكاليف. والصبح ..مفتاح القهر والحسايف. والصبر.. مفتاح الضلوع المناحيف.! والحزن ..مفتاح الجروح الرعايف!! والمصلحه ..مفتاح باب المواقيف . والواسطه ..مفتاح باب الوظايف ..!! والفقر..يفتح للوجيه المصاليف. باب الصلافه و الضعايف ضعايف لاصار لك حاجه ولالك معاريف بشت القناعه........,.......,....! ان قلت لك خايف! ترى ماني ضعيف ولاني شجاع !!ان قلت ماني بخايف؟ ياسيف وش عذر المعازيب للضيف؟ لامنها ضاقت صدور المضايف.! قل للسوافي لوتهب العواصيف عنها رقينا عاليات النوايف.. تسفي وحنا فوق روس المشاريف في راس نايف.. والخلايف ..خلايف وقل للضعوف اللي تحسب المصاريف حنا ترانا ماحسبنا الكلايف. لوشحت ..يدين الزمان.. المناكيف نبقى على ..عهد الوفا.. مانزايف وان طال.. بال الليل.. قل للسواليف بوح السهر من ضيقةالصدر عايف..! |
رد: طال السكوت
," همي بحر..وضلوع صدري..مجاديف والعمر مركب..بين الأمواج طايف.! أبيآإت غآيه في ألروعــه يسلم ذوقك دمْت :106: |
رد: طال السكوت
لوشحت ..يدين الزمان.. المناكيف
نبقى على ..عهد الوفا.. مانزايف الله الله عليك اخوي صح لسانك وعلا شانك كما عهدناك شااااااااااااامخ في ماهو راائع انتقاء ولا اجمل منه سلمت وسلم بوح قلبك ونزف قلمك تقديري واحترامي لسموك اااالشامخ:106: |
رد: طال السكوت
.. صمت الشعور.. احساس.. ماله تواصيف أكبر من حروف الحكي, والوصايف..؟؟ تسلم يمنآك على آلآختيار آلذوق :106: |
رد: طال السكوت
[QUOTE=ريــمــا;5442563][center]
," همي بحر..وضلوع صدري..مجاديف والعمر مركب..بين الأمواج طايف.! أبيآإت غآيه في ألروعــه يسلم ذوقك دمْت :106: نورتي - اسعدني تواجدك شكرا لك على المرور |
رد: طال السكوت
اقتباس:
يابنت شمر طـاب فيـك الــقصيد و ثـمـر *** و انتي شامـخـه مثـل النخــيل الـباسقـات جيتـي و فاء وجـيت مـن شانـك شـكـر *** و الخط الاخضر اذا شفته يـنسيني الشتات في حضورك شعر وانتي يزهـاك الشعر *** وفي حضورك قمه الابداع و احلى الامسيات اشتقت للحرف اللي من غرامي سهر*** وانتـي مـا مـرة مـن قـصيـدي مريتي سكات |
رد: طال السكوت
شفني بقايا انسان والوقت كالسيف.!
وحظي كفيف..! وفرحتي.؟ حلم زايف! همي بحر..وضلوع صدري..مجاديف والعمر مركب..بين الأمواج طايف.! يارباااااااااااااه قصيده أكثر من رائعه تسلم يمينك ويسلم ذوقك :106::106::106::106::106::106::106: |
رد: طال السكوت
اقتباس:
نورتي حلم والذوق والله مرورك العذب |
رد: طال السكوت
الشامخ صح اللسانك وتسلم ايديك على القصيدة |
رد: طال السكوت
اقتباس:
برق الحيا لاح واستبشروا خير *** لا حل في ديره (ن) سالت شعايبها |
| All times are GMT +3. الوقت الآن حسب توقيت السعودية: 08:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه