|
هّم فوق هّم .!
بسم الله الرحمن الرحيم اللهم صل على محمد وآل محمد السلآم عليكم ورحمة الله وبعد ..! خوآتي \ طآلبآت قسم الفيزياء .! إنه شئ لـ أعجب منه بشده .! مكثت هنآ طيلة ثلآث سنين ,! ودوماً أرى طآلبات الإقسآم الآخرى في تعآون .! ولآيبخلون على بعضهم شيئاً ,! ممآ أراه بعيني وممآ أراه وأسمعه من صديقآتي ! صديقآتي حين يحتجن .! يجدن من تمد لهن يد المساعده .! وخصوصا [ طالبآت الكيميآء ] ماشاءالله عليهن ,! متعآونات لدرجةٍ كبيره فيمآ بينهن .! وكذاك بآقي الإقسام أعتقد ,! عدآ طالبآت الفيزياء .! فـ حتى بدآخل القاعات .! لآتجدهن الا جموعٍ شتى .! لآيساعدن بعض وإنما إنشغلت كل طالبه بمستوآهآ ,! لآيتلفتون ابدا ! اراهن يدخلن ويجلسن ويخرجن .! وحين تستمحيهن بتوجيه سؤال لآتجد منهم سوى محاولة للشرح السريع منك وأن اردت استعارة شي منهم يعتذرون دوماُ .ّ! وإن وجدوا مرجعاً او اختبار لسنوات مضت يكتمونه بدآخلهم لإجلهم فقط .! إقسم بالله إنها لم تكن مره او اثنتين ولست أن فقط أشكي ,! في كل مرةٍ أدخل هنآ أود المسآعدة أود أن يكون تجمع نسآعد به بعضآ وبإستمرار وتوآصل لآتجد الموضوع حتى يتعد ال 3 ردود و 30 قراءه .! آخرهآ موضوع كتبته وأردت فيه فقط رؤوس إقلآم لآخر محآضرتين للدكتور رآمي للإحصاء ولآحياة لمن تنآدي سوى ( أخت ) سآعدتني فما سبق وأعلم بإنني لو طلبتها لن تكف يدها عني فـ جزاها الله خير الجزاء ووفقها لما يحب ويرضى إنها الاخت رحبة الصدر والخلوقه [ فيزيائيه طموحه ] فهي التي دوما أذكرها بالخير فـ إلى متى يّ طالبات قسم الفيزياء عذراً إن أطلت فهذآ [ فيض من غيض ] فلآ أعلم مالذي سـيخسرنه لو تعآونن وسآندن بعضهن البعض ألآ يعلمو فضل التعآون وثوآب نشر العلم ! تحيآتي |
رد: هّم فوق هّم .!
عذراً على التدخل لكن بكل صراحه ماأعتقد إن بس طالبات الفيزياء هم لوحدهم كذا. هذا يعتمد طبعاً على الدفعه لكن بشكل عام أعتقد إن أغلب طالبات كليه العلوم بالدمام هم كذا و هذا طبعاً في رأيي من طبيعه البيئه اللي هم عايشين فيها. أنا شخصياً واجهت هذا الشي خلال دراستي بالكليه و مثل ماقلتي مايحبوا يساعدوا بالمره حتى لو بشي صغير و أزيدك من الشعر بيت عندهم عيد يوم اللي أخذ درجه مو حلوه. لكن و بالمقارنه مع الجامعات الثانيه اللي درست فيها، يوم اللي كنت مشغوله و ماحضرت الكلاس جات لي الطالبه بنفسها و سألت عني و عطتني المحاضرات اللي فاتتني !!! و هذا طبعاً كان مستحيل يصير لي بالكليه.
أعتقد هذا من نفس طبيعه الكليه و التعامل بالكليه. لو تلاحظي إن أعضاء هيئه التدريس هم يفرقوا بين البنات سواء بالدرجات او غيره مثلاً اللي تجيب درجه حلوه هذي صارت بالسماء و اللي تاخذ درجه مش ولابد هذي صارت ماتفهم مع إن مو بالضروره هذا من ذكاء اللي أخذت درجه حلوه و مو من غباء اللي أخذت درجه سيئه. في أسباب كثيره منها مثلاً تعب او إنشغال تخلي الطالبه تاخذ درجه سيئه و مثل ماقلتي في طالبات عندهم أسئله السنوات السابقه و الدكاتره يجيبون نفس الأسئله يعني شي طبيعي اللي عندها الأسئله راح تجيب درجه حلوه. و بعد بعض أعضاء هيئه التدريس طلعوا بموضه جديده، الطالبه اللي أنا راضيه عنها و داخله مزاجي هذي راح أعطيها درجات و اللي مو حابتنها و شايفه دمها ثقيل على قلبي راح أنقصها. عذراً على الإطاله لكن هذا رأيي و خبرتي من خلال زيارتي في أكثر من جامعه. تحياتي |
رد: هّم فوق هّم .!
مثل ما قالت الاخت خاتم سليمان يعتمد ع الدفعة:(269): احنا دفعتنا بالعكس الحمدلله .. صحيح ما ندخل النت كثير بس بينا بعضنا بعض فيه تعاون صحيح فيه لكاعة مرات بس الخير مايموت والي يحب الخير ينشره ويحاول ينشره مو "أتأمرون الناس بالبر وتنسون أنفسكم" عذرا بس عن تجربتي مع بنات دفعتنا .. اشوف بنات متعاونات جدًا وبنات ثانين مع نفسهم:(269): فـ ما اقدر احكم ان بنات قسمنا مافيهم تعاون وصحيح فيزيائية طموحة عضوة ناشطة في القسم واهنيها على تعاونها وروحها الطيبة .. ههه لدرجة مرات اقول ودي التقي فيها:biggrin: عذرا اذا ردي ضايقكم لكن الموضوع .. اذا اصاب ظني فهو للنقاش واذا اخطأت فعذرا ان اخطأت في حق أحد:119: |
رد: هّم فوق هّم .!
اي والله احسه شي طبيعي بكلية العلوم مع الأسف :cheese:
مآأنكر ان في اقليه قليله تنفع والباقين بس يحبون ياخذون ولاخذت تنسى بيوم اللي عطتها وكنت بنزل موضوع عن التعاون والله يعين لين مانتخرج :smile: |
رد: هّم فوق هّم .!
كلامك ميه ميه
انا عانيت كثير خصوصا اني كنت محوله من كليه ثانيه ومااعرف احد:bawling: وفاتتني محاضرات واروح للدكتورات يقولون لي اخذي من زميلاتك والبنات تكلمينها تسحب عليك وتصرّفك مادري وش يحسون فيه البنات:017: |
رد: هّم فوق هّم .!
شوفي حبيتبي رقاوي < اظن اسمج كذا
الحين محد يضمن احد والله وانا وحده ما عطي محاضراتي لحد ابد ابد ابد يعني تجيج وحده طول الترم تسولف مع صقيقاتها وتجيج بالساهل تقول " عطيني ابي اصور و انا محوله ومدري وشو ,, والي تجيج تقولج انها تعبانه ومدري وشو ومن اكاذيب بنات الجامعة !!!! ما اقصدججْ ابدا حبيبتي بس ابصراحه الواحد ينقهر على محاضراته و المشكلة الكبييييره انها مرتاااحه طول الترم و تصور من عندج في النهاية اهي جايبه فل مارك وانا نص المارك < عشان دفتري مرتب و جذي . |
رد: هّم فوق هّم .!
رقاوي حبيبتي والله لا تزعلي و الله كلام مو موجه لك بس أنا أتكلم عن شيء صاير هالترم :Cry111:
|
رد: هّم فوق هّم .!
حلوه رقاوي:biggrin: كلامك صحيح فيه ناس تقهر زي ماقلتي بس لما اشوف وحده منتظمه واعرف انها مو لعابه وناقصتها محاضره ليه مااساعدها واكسب فيها اجر وفيه مشكله ثانيه ان فيه بعض البنات اذا الدكتوره ولا الاستاذه طلبت احد ياخذ ملزمه ويوزعونها بينهم تنقز لك وحده وتاخذها وبعدها جلسي لاحقي فيها من مكان لمكان اللي يقول مكتوبه بأسمها دامها ماتقدرها توصلها للبنات لاتاخذها رجاوي... |
رد: هّم فوق هّم .!
اسفه حبيبتي رجاوي أخترعت لك إسم مدري شلون :biggrin:
لا والله لا شفت وحده منتظه أقولج هي و الله أعطيها ,,,,,, و الله يعنج رجاوي و يسهلها لج يارب و يقرب البنات لكم و يخل فيكم حب التعاون يارب :mh318: بس أقولج شيء يا صابحة الموضوع يمكن تشفين قسم الكيمياء بالأخص مستوى 3 متعاونين بالمنتدى لكن ككلية ما أشووووفه ابببببببببد :cheese: |
رد: هّم فوق هّم .!
رجااااااااوي أشتهيت الفراولة الله يقطع ابلييييسج
|
| All times are GMT +3. الوقت الآن حسب توقيت السعودية: 05:45 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام