الدبلوم التربوي
 

السلام عليكم
ودي اعرف كل شي عن الدبلوم التربوي
شلون دراسته يعني المناهج كم يوم بالاسبوع - كم ساعه باليوم - طبيعة المتقدمات(طالبات ولا معلمات) هل تستحق سعرها (سمعت انها عشر الاف ومدتها سنه )
هل يعتبر شهادة الدبلوم التربوي شهادةعليا فوق الشهاده الجامعيه
ولا بس هي مطلوبه فقط لتحويل شهادة الاداب الى تربويه وغير كذا غير مهمه
والسؤال الاهم يعني انا شهادتي غير تربويه لو اخذت هذا الدبلوم بنسبه عاليه وقدمت بعدها على الماستر(حلمي اكمال الماجستير)فهل يصير قبولي بالماستر بعد هالدبلوم اعلى ولا مايفرق


بالانتظااااار

رد: الدبلوم التربوي
 

والله ودي افيدك اكثر ولكن على حسب علمي دبلوم التربوي اول سنه فتح في رمضان الي طاف في الفيصل وكان اتوقع ب 12 الف مدة سنتين ولي اعرفه ان تحول شهاده من غير تروبيه الى تربويه ولكن فكرة معدل يضاف الى شهاده جامعيه وبحيث ترفع المعدل ماعندي علم

وإن شاء الله غيرك يفيدك اكثر مني
موفقه ومسسسسده

رد: الدبلوم التربوي
 

مشكوره على مداخلتك وافادتك الجميله اختي كوكب دري
وانتظرمن الاخوات اي افادة اخرى
والله امس مريت كليه الدمام ورحت المسؤوله بالكلية القديمه بعد مشوره في الكليه الجديده
لكن مالقيت مبتغاي عندها واجابه لاسئلتي لانها كانت مشغوله مع مزيد الاسف وجاوبتني بسرعه وهي تكلم
اتمنى اتمنى منكم المساعده

رد: الدبلوم التربوي
 

ودي اعرف كل شي عن الدبلوم التربوي
شلون دراسته يعني المناهج كم يوم بالاسبوع - كم ساعه باليوم - طبيعة المتقدمات(طالبات ولا معلمات) هل تستحق سعرها (سمعت انها عشر الاف ومدتها سنه )

الدراسه بجامعه الدمام خلال أيام الدوام بالاسبوع وتقدرين تطلعين على الجدول تبعهم في الموقع وموضح فيه الساعات والمواد وكل شي
أما الجامعه العربية وهي تقدم نفس الدبلوم تقدرين تدرسين اربعاء وخميس
بالنسبه للرسوم في جامعه الدمام عشره آلاف وبالجامعه المفتوحه حوالي 12 ألف ويمكن شوي زياده
تستحق سعرها لمن تريد أن تكمل ماستر في التربية أو تصبح مدرسه لأن التعيين أولويه للتربويات



هل يعتبر شهادة الدبلوم التربوي شهادةعليا فوق الشهاده الجامعيه
ولا بس هي مطلوبه فقط لتحويل شهادة الاداب الى تربويه وغير كذا غير مهمه

ما عرفت قصدك من شهاده عليا لكن الدبلوم هذا مكمل فقط لمن تخرج بتخصص غير تربوي
ولا يميزه ابدا عن من تخرج من كليه تربويه من الاساس
شهادة الدبلوم التربوي مهمه في حالتين
تحويل شهادتك لتربويه وتكون لك الأولويه في الوظائف التعليميه
والشيء الثاني ان التخصصات التربويه في الماستر ما تقدرين تقدمين إلا اذا كنتِ تربويه أو معك دبلوم تربوي
وما فيه شيء آخر يميز اللي بيدرس هالدبلوم


والسؤال الاهم يعني انا شهادتي غير تربويه لو اخذت هذا الدبلوم بنسبه عاليه وقدمت بعدها على الماستر(حلمي اكمال الماجستير)فهل يصير قبولي بالماستر بعد هالدبلوم اعلى والا مايفرق

على حسب الماستر اللي بتقدمين عليه
اذا ماستر تربوي حصولك على درجه عاليه في الدبلوم مهم
لأن في بعض الجامعات شفت من شروط التقديم على تخصصات تربويه للماستر مثل ( اداره تربويه _ مناهج وطرق تدريس .....) انه تكونين خريجه جامعه تربويه أو مآخذه الدبلوم التربوي ويكون تقديرك فيه جيدجدا

أما اذا ماستر غير تربوي يعني ماستر بنفس تخصصك أو تخصص اداره أو غيرها
ما اعتقد ان لدبلوم التربية أولويه أو أهميه



موفقة والله ييسر لك وتدرسي ماستر =)

رد: الدبلوم التربوي
 

مششششكوهر