|
أكــبــر قــهــر
أكبر قهر لاجيـت تعشقلـك انسـان واللي تحبه ساهـي ٍ مـا درى بـك وأكبر قهر تحلم وتحلم لـك ازمـان ويطيح حلمـك ميـت ٍ عنـد بابـك وأكبر قهر تبني من سنيـن بنيـان وتشوف بنٌيـك مـا تعـدى ترابـك وأكبر قهر تسقي من الورد بستـان وتموت بين يديـك زهـرة شبابـك وأكبر قهر تارد على البير ضميـان وتشوف بعض الطين حايس شرابـك وأكبر قهر لاحطـوا النـاس نيشـان كل ٍ يزٌهـب وانـت ضايـع زهابـك وأكبر قهر ترهي على حصان خسران يوم السبق لا طحت كل ٍ حكـى بـك وأكبر قهر لاصرت ضايع وعطشـان ونفس الطريق اللي يوديـك جابـك وأكبر قهر صاحبك لا جـاك خـوٌان لابحت له بالسـر راح ووشـى بـك وأكبر قهر تعطـي وتعطـي علشـان تاخذ عقـب كـل العطايـا حسابـك كل ما سبق ذكره على الشوف ما كان حفنة حروف ٍ مـع بعضهـا تشابـك ماهوب هرج ٍ يِعجَـنْ بفـم وللسـان ولاهوب عود ٍ يكسـره حـد نابـك إن كنت فيما قلـت تحتـاج برهـان ناظر وتلقى فـي قصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صوابـك مما راق لي |
رد: أكــبــر قــهــر
صح لسان ناقلها وكاتبها ابيات رائعه جداً يعطيك ربي الف عافيه اخوي :106: |
رد: أكــبــر قــهــر
إن كنت فيما قلـت تحتـاج برهـان
ناظر وتلقى فـي قصيـدي جوابـك وإن كنت فيما قلت مخطي وغلطـان أترك خطانا وأنـت عطنـا صوابـك صح لسانكـ اخوي ,, سلمت يمناكـ على نقلكـ الرائع ,, ومشــكور ولاهنت ,, |
رد: أكــبــر قــهــر
كلمات اجبرتني علي مشاركتكـ لاحساسي بصدقها وايمانا مني بقلم يختار اجود المفردات
قمه في الروعه وانتقاء جميل جدااااا صح لسانك مليون ولا يوفون دمت بسهاده لاتزول :106: |
رد: أكــبــر قــهــر
غروري يميزني
أعذب إحساس بنت الشمري شاكر مروركم العطر اللي زاد الموضوع نور |
| All times are GMT +3. الوقت الآن حسب توقيت السعودية: 01:00 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه