ملتقى طلاب وطالبات جامعة الملك فيصل,جامعة الدمام - ياربي لك الحمد جبت شهادتي ورسومي وغيرت جو في الشرقيه

ياربي لك الحمد جبت شهادتي ورسومي وغيرت جو في الشرقيه

السلام عليكم ورحمه الله وبركاته

قبل ايام كنت محتاسه مره مره واقنعت ابوي يخلي اشغاله عشان يوديني للشرقيه لجامعه فيصل

المهم مشينا من الرياض وجهزه كل اوراقي وكل شي الا شي واحد وقف لي اللي هو طلب الانسحاب ماطلع لي لان بياناتي ماتحدثت

وكنت شايله هم

مشينااااا الساعه 9 صباح وصلنا 11 وشوي للجامعه

>>>>شوف وش صار عند بوابه الجامعه هع

وقفنا عند البوابه بندخلها بسيارتنا المهم وقف لنا واحد من الامن يقول ((وين يباا وين رايح هاذي جامعه عيال))

هنا تفشلت انا وشوي شوي اسحب نفسي للمرتبه >>صغرت

قال الامن رجع اهلك للبيت وتعال راجع قال ابوي اانا جاي من الرياض وتبيني احط بنتي بالشارع!!!

ضحك رجل الامن قال ادخل المهم دخلناااا وكانوا الطلاب يناظرون فيني ويضحكون ومازلت اسحب نفسي للمرتبه شوي وصرت مرتبه انااااا هع

المهم دخل ابوي لمبني 50ني الانتساب المطور والتعليم الالكتروني وراح يراجع بوراقي ((الله يخليه لي))

ويروح لهم وقالوا لا ارسلناها خلاص ومادري ايش ومن الكلام عصب ابوي عليهم وقال وين ارسلتوها انا باجيبها اي بريد وطبعا كلهم رفضوا يجيبونهااااا لنا المهم نط لبوي واحد قبيلي >>فهمتوا قصدي ههههههههه

قال بجيبه لكم ماتروحون الا وهي والشيك معكم وجابها لنا وذوليك كذابين المهم رجع ابوي لي ومعه اقرار تعهد باني اخذت الشيك والشهاده وقعت عليهم وصرفت الشيك وكان مره البنك زحمه ((من حافز))

بس تخيلوا من الساعه 11 الى الساعه 2:30 وخلصنا وقت طويل بس طلعنا بشي لنا

وغيرنا جو في الشرقيه ورجعنا للرياااز الساعه 1ليل

رد: ياربي لك الحمد جبت شهادتي ورسومي وغيرت جو في الشرقيه

وعليكم السلام

مبروك ألف مبروك المهم خلصتي أوراقك

أنا تبهذلت لحد ماعطوني ملف وروحات وجيات وكمان رحنا لجامعة العيال وفي الأخير

ملفي طلع داشر ضايع بكليه ثانيه مو كليتي ولله الحمد خلصت أوراقي بعد عناء :biggrin:

رد: ياربي لك الحمد جبت شهادتي ورسومي وغيرت جو في الشرقيه

الله يخليلك ابوكى وانشاء الله تفرحينه بالتخرج , وانا ان:119:شاء الله امشي في الجامعة لاني توني مسجل وعندي عمل الله يسهل واقدر اذاكر .بس بغيت اسئل كيف ممكن اتواصل مع دفعتي واعرف اخر الاخبار .لاني تعبت وانا ادفع الرسوم لقيت بنك الرياض رافض يقبل التسديد واخيراً لقيت واحد من الشباب وقالي الطريقة كيف اسدد عن طريق الراجحي .

رد: ياربي لك الحمد جبت شهادتي ورسومي وغيرت جو في الشرقيه

الحمدلله على سلامتكم

:41jg: ليه ما كلمتونا نقوم بالواجب

رد: ياربي لك الحمد جبت شهادتي ورسومي وغيرت جو في الشرقيه

كنت اتمنى ابوك يراجع في الشهاده عموما بالتوفيق