ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   E3 (https://vb.ckfu.org/forumdisplay.php?f=427)
-   -   الله يوفقكم عندي استفسار عن المواد المستوى الثالث؟ (https://vb.ckfu.org/showthread.php?t=274535)

الشريفة 2011- 12- 29 12:07 PM
الله يوفقكم عندي استفسار عن المواد المستوى الثالث؟
 
الله يجزاكم خير ارجو التفاعل معي فأنا الحمد لله خلصت المستوى الثاني وان شاء الله
على المستوى الثالث:d5:

فأنا محتارة ايش المواد لأختار لأني باقي لي ثلاث مواد من المستوى الثاني,فلو أخذت تسع مواد فحتصير صعبة علي مع مواد المستوى الثالث نظرا لظروفي .وماني عارفة ايش اختار وبالخصوص سمعت انه في مواد مرتبطة مع المستوى الرابع

:mh12:ارجو منكم ان تنصحوني

مـحــمـــد 2011- 12- 29 12:57 PM
رد: الله يوفقكم عندي استفسار عن المواد المستوى الثالث؟
 
هلا اختي الشريفه
اولا تطمني مواد المستوى الثالث كلها ان شاء الله بسيطه
بس هذا راجع لكم ساعة تبغين تسجلين ؟ وايش المواد اللي للحين ما خذتيها من المستوى الثاني؟
واذا انك تفضلين تدرسين مواد التخصص اكثر من المواد الثانيه!!
لو افترضنا انك خلصت مقررات الانجليزي بالمستوى الثاني
فانصح تاخذين اقل شي ثلاث من الاربع مواد في المستوى الثالث واللي هي ( استماع واستيعاب ــ انشاء وتعبير ــ تركيب لغوي ) وساعاتها 7 ساعات مع الثلاث مواد اللي عندك من المستوى الثاني يعني 13 ساعه.
خوذي معهم اما ( حاضر العالم الاسلامي أو الاخلاق الاسلاميه ) وكلها ان شاء الله سهلة
وبكذا يكون عندك 15 ساعه

سمو الإحساس 2011- 12- 29 02:35 PM
رد: الله يوفقكم عندي استفسار عن المواد المستوى الثالث؟
 
وعليكم السلام ورحمة الله وبركاته ،،

بالنسبة لمواد اللغة الانجليزية في المستوى الثالث فمثل ماتفضل الأخ محمد هي سهله وخصوصا الاستماع والاستيعاب وايضا الانشاء والتعبير والتركيب اللغوي اما القراءات والمطالعات فهي سهله لكن صياغة الاسئلة هذا السمستر من قبل الدكتور واجه معارضات كبيره بسبب ان اغلب الاسئلة من خارج المنهج لكن كمادة مااشوفها صعبه ابدا ،، وانصحك تاخذيها وخصوصا الانشاء والتعبير لانها سهله وساعتها 3 ساعات و تخصصك يتطلب تنهين هذي المواد عشان ماتتراكم عليك في المستويات الاعلى اضافة الى ان فيه مواد ماتقدرين تاخذينها مستقبلا الا تكونين انهيتي هذي المواد لان بعضها متطلب لمادة اخرى ،،

تمنياتي لك بدوام التوفيق ،،

عاشق االريم 2011- 12- 30 03:19 AM
رد: الله يوفقكم عندي استفسار عن المواد المستوى الثالث؟
 
نصيحه شوفي كل مواضيع طلاب وطالبات المستوى الثالث وانا منهم مقدمين شكاوي على ماده القراءه والمطالعات والسبب دكتور الماده لان تخصص الدكتور نسف المعدلات يعني نصيحه لك قراءه ومطالعات لاتقربين منها
اللهم بلغت اللهم فشهد
ولحد يقول لك ماده سهله بس الدكتور شالفايده اذا الدكتور يشرح بشرح متواضع والاسئله من خارج المنهج

ربي يوفقكم جميع

وراح تبان النتايج لماده قراءه ومطالعات ونشوف درجه الي يقول سهل

تخطيت السحاب 2011- 12- 30 06:41 PM
رد: الله يوفقكم عندي استفسار عن المواد المستوى الثالث؟
 
السلام عليكم
انا مستوى ثاني وجذبني الموضوع
شكرا لصاحبة الموضوع

لكن ممن تشرحون لنا او تعطونا مخلص قصير او نبذه عن مواد ثالث
علشان نكون على دراية عن تسجيلها في نظام البانر

بالتوفيق للجميع

English lun 2011- 12- 30 09:50 PM
رد: الله يوفقكم عندي استفسار عن المواد المستوى الثالث؟
 
بالنسبة لعدم تسجيل مادة قراءات ومطالعات بكون سبب للتأخير الدراسي اللي أساساً مهو من مصلحتنا ، خصوصاً لما يظل الدكتور مكانه .. هل من حل بديل ؟ >>>> قصدي ليه مايطردوا الدكتور ويفكونا :lllolll::(284):

Kadi li 2011- 12- 30 11:27 PM
رد: الله يوفقكم عندي استفسار عن المواد المستوى الثالث؟
 
اقتباس:
المشاركة الأصلية كتبت بواسطة سمو الإحساس (المشاركة 5348883)
وعليكم السلام ورحمة الله وبركاته ،،

بالنسبة لمواد اللغة الانجليزية في المستوى الثالث فمثل ماتفضل الأخ محمد هي سهله وخصوصا الاستماع والاستيعاب وايضا الانشاء والتعبير والتركيب اللغوي اما القراءات والمطالعات فهي سهله لكن صياغة الاسئلة هذا السمستر من قبل الدكتور واجه معارضات كبيره بسبب ان اغلب الاسئلة من خارج المنهج لكن كمادة مااشوفها صعبه ابدا ،، وانصحك تاخذيها وخصوصا الانشاء والتعبير لانها سهله وساعتها 3 ساعات و تخصصك يتطلب تنهين هذي المواد عشان ماتتراكم عليك في المستويات الاعلى اضافة الى ان فيه مواد ماتقدرين تاخذينها مستقبلا الا تكونين انهيتي هذي المواد لان بعضها متطلب لمادة اخرى ،،

تمنياتي لك بدوام التوفيق ،،
المشكلة في القراءات والمطالعات مش انها من داخل ولا خارج المنهج.. كتبت موضوع شرحت فيه المشكلة وانحذف.. المهم المشكلة في انه الاسئلة صعبة نوعا ما لذاتها خاصة القطع ومصطلحاتها.. وان الوقت لا يناسب الموضوع موازنة... وكل الطلبة اللي اخذوا عنده مادة بغض النظر عن المستوى..لنفس السبب.. اقترح انك لا تاخذين عنده ..حتى نرى ما يحصل

Kadi li 2011- 12- 30 11:29 PM
رد: الله يوفقكم عندي استفسار عن المواد المستوى الثالث؟
 
اقتباس:
المشاركة الأصلية كتبت بواسطة english lun (المشاركة 5358284)
بالنسبة لعدم تسجيل مادة قراءات ومطالعات بكون سبب للتأخير الدراسي اللي أساساً مهو من مصلحتنا ، خصوصاً لما يظل الدكتور مكانه .. هل من حل بديل ؟ >>>> قصدي ليه مايطردوا الدكتور ويفكونا :lllolll::(284):
تسجيل المادة او عدمه ليس له اي ضلع في تاخير الدراسة.. تستطيع تسجيلها حتى لو كانت اخر ترم... لانها لا تحتاج الى متطلب وهي من مواد التخصص..وليست متطلب لمادة اخرى

English lun 2011- 12- 30 11:47 PM
رد: الله يوفقكم عندي استفسار عن المواد المستوى الثالث؟
 
اقتباس:
المشاركة الأصلية كتبت بواسطة sure li (المشاركة 5359043)
تسجيل المادة او عدمه ليس له اي ضلع في تاخير الدراسة.. تستطيع تسجيلها حتى لو كانت اخر ترم... لانها لا تحتاج الى متطلب وهي من مواد التخصص..وليست متطلب لمادة اخرى
يعني مهي متطلب لمادة " الأدب الانجليزي " ؟

lluvia 2011- 12- 31 12:12 AM
رد: الله يوفقكم عندي استفسار عن المواد المستوى الثالث؟
 
مواد مستوى ثالث حلوه وسهله بس لاا تثقلين بالمواد يعني ثلااث من مواد التخصص وثلااث عام اعتقد يكفي وزياده ..:)
بالنسبه للقراءات العيب مو بالماده ولاا بالأختبار العيب كان بالدكتور نفسه مااوضح ابدأأ كيف راح يكون الأختبار
بس كماده الماده سهله ..

اذا تبغين نصيحتي فأنا مثل ما تفضل اخ محمد .. :(204):


All times are GMT +3. الوقت الآن حسب توقيت السعودية: 08:38 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه