|
سين سوعال ..جيم جوراب >> قصدي جواب الله يكرمكم
السلام عليكم
كيف حالكم انا جايه لكم بحلتي الجديده ..هع هع طبعاا اناا حطوني بكل فخر تخصص فيزيا حبيب قلبي >> ترى الكلام من ورى ظهري المهم انا رضيت بالامر الواقع بس حبيت اسأل فيه موجود كيميا عامه 2 هل متطلب لكيميا عامه 1 علما بأنني لم ااخذ كيميا عامه 1 >>> :011: ولا ودي اخذه لان اللي بتعطيناا حبيبة الكل :cheese: >> مها ابو الغار :sdfgdsf: } ممنوع الاقتراب { منطقه خطر هع هع بس ابغى الجواب الله يسلمكم |
رد: سين سوعال ..جيم جوراب >> قصدي جواب الله يكرمكم
والله مادري
بس حبيت ارد على جروحهـ الكل والله يوفقك بالتخصص شوفي الخطه الدراسيه لتخصصك اذا فيه ولا ولا تقربين من مها ابو الغار ابدا ابدا ابد |
رد: سين سوعال ..جيم جوراب >> قصدي جواب الله يكرمكم
قولي قسم حطوك فيزياء<<مو مصدقه:cheese:
انا قايله ترى يمدحون التقنيه خخخ :hahaha_2008: انا سمعت البنات يقولون انو المتطلبات تختلف من كليه للثانيه يعني مو حسب الجدول ..حسب الخطه انتي شوفي خطت الفيزياء وتاكدي بعد لاني مو متاكده حيل والله كش برى وبعيد ان شالله ماتجيك مها :hahaha_2008: |
رد: سين سوعال ..جيم جوراب >> قصدي جواب الله يكرمكم
عليكم السلام
ايوه كيمياء عامه 2 عليه متطلب كيم 101 بما انك ماخذتي لاكيم 1 ولا كيم 2 انصحك تخليهم لسمسترات الجايه خصوصاً انك تخصص فيزيا واخذي لك مواد تبع التخصص واهم حاجه تاخذيها تفاضل مو تنسيها يعني انا مدري وش المواد اللي اخذتيها السمستر هذا ولا كان نصحتك بالمواد اللي تاخذيها بالسمستر الجاي بما اني تخصصي فيزياء:000: |
رد: سين سوعال ..جيم جوراب >> قصدي جواب الله يكرمكم
اقتباس:
شفت انا المخطط بس مو مكتوب انه متطلب وحترت والله صدقتي والكل ينصحني من الاقتراب من الاخت ابو الغار هع هع اسعدني تواجدك ..ربي يسعد قلبك ان شاء الله اقتباس:
شفتي ميوووس :bawling: متحديني .. شكلهم عارفين اني مااحب الفيزيا بس يمكن فيني طاقة فيزيائيه مكنونه بطلعها في هالتخصص وشكلهم شافوا اللي كتبت التخصصات ..كيميا .. ورياضيات .. واحياء >> قالوا هالبنت محتارة خلونا نريحها ونحطها بشي غير >> استشيروهم وخالفوهم >> هع هع كلوا سم سيم تقنيه والعلوم واحد ههههههههههه ربي يكون بعوني وانجز لهم بشي مفيد >> بالرغم مااتوقع } يبوني اطلع لهم قوانين جديده { ههههه شفت الخطه مو مكتوب بس ماادري عنهم تسلمين فديتك ع الرد .. ولاتضحكين يمكن اطلع عالمة فيزيائية هههههههههههههههههههههههه وان شاء الله ماتطلع لي مها ابو الغار ان شاء الله تبقى في غارها هع اقتباس:
بس غريبه في المخطط مو حاطين متطلب .. بس انتي اخبر مني وعارفه يالله اصلا خلوني اكرة الكيمياا :bawling: حسبي الله عليهم يعرفون يفرقون بيني وبينه تعبني التفاضل مع التعارض اللي يصير بالجدول بس ان شاء الله اخذ بنصيحتك انا ياطويلة العمر اخذت فيزيا واحياء ورياضيات وثقافه >> والكيميا حذفوة مني :bawling::bawling: بس هذا اللي درستهم تسلمي ع المسانده ياخيتي >> احس ينطبق علينا المثل ياما في السجون مظاليم >>>>>>>> هع هع شدخل تسلمووووون ع الردود حبايبي ربي لايحرمني منكم ان شاء الله ويوفقكم في حياتكم :m22asmilies-com: |
رد: سين سوعال ..جيم جوراب >> قصدي جواب الله يكرمكم
هلا جروحه
تقبلي الأمر الواقع:bawling: معظمنا مثل حالك وخذيني اقرب مثال لاحطيت الفيزيا رغبه اولى ولا ثانيه ولا حتى اخيره:hahaha_2008: وبالذات فيزيا 1 ماخذته اول سمستر قلت مابقرب من الفيزيا بخذه آخر سمستر لي بالجامعه:cheese: بس شفتي الحظ صرت فيه ههههههههههههههههههههه عموما بامكانك تاخذي مادة نجل 101 فيزيا عامه 2 تذوق ادبي تفاااااااضل وحاولي كثر ماتقدر علم الفلك << هذي ان ابخذها هذا السمستر:cheese: بامكانك تاخذين فيزيا عامه 3 << راح اخذه السمستر الجاي :cheese: على فكره فيز 3 ماعليه متطلب بمكانك تاخذيه قبل فيز 2 واصلا فيزيا 3 اهم من 2 بمكانك تاخذي مقدمة في الأحصاء اذا نزلت عند دكتور علي العلوان لاتفوتيهاااااااا خذيها كمان عندك مقدمة بالحاسب الآلي << راح اخذه السمستر الجاي:cheese: افتحي الخطه الدراسيه وشوفي المواد اللي ماعليه متطلب واهم مادتين لازم تاخذيهم بالتخصص عشان ماتتأخري لانه عليهم في مواد كثيره ماتقدري تاخذيه الا لم اتعديهم هما تفاضل 2 يعني لازم تعدي تفاضل 1 و فيز 3 اهم شي هذول معظم المواد متوقفه عليهم:000: انتي جربي تدخلي كيميا عامه 2 يمكن يدخل معك وماعليه متطلب والناس تفكر كذا هههههه |
رد: سين سوعال ..جيم جوراب >> قصدي جواب الله يكرمكم
تسلميـــــــــــــــــــن فديتك تعبتك معي
يمكن لاني كثير اتكلم عنك وانك مظلومه في الفيزيا صار فيني مثل حالك بس ربك كريم اناا راح اخذ ع كلامك بس في التسجيل كنت احاول احط ارقام السي ار ان مو راضين للمواد تذوق والباقي غير متاح للتخصص بس بعد مايأكدون التسجيل راح ارتب جدولي ع نصايحك تسلمين يابعدي بس اهم شي يكونو اغلب دكاترة الفيزيا زينين >> لاني وحده متنحه في الفيزيا ربي يسهل امورنا يارب ويوفقك ان شاء الله ونشوفك عالمة فيزيائية:119: |
رد: سين سوعال ..جيم جوراب >> قصدي جواب الله يكرمكم
شسويتوا بالاختبارات والنتايج >> طلعتوا من الشر وربي يوفقكم باعلى الدرجات يااااارب
اخت القمر >> ادري كثرت اسأله بس تحمليني هع انا بما اني متأخرة ع المخطط ب4 ساعات اللي هي كيميا عامه1 قلت اخذ بدل الكيميا 2 فيزيا3 السؤال عادي اقدر اخذ فيزيا 2 و3 مع بعض والا راح اتعب تسلمي فديتك مقدماا |
رد: سين سوعال ..جيم جوراب >> قصدي جواب الله يكرمكم
up
up up |
رد: سين سوعال ..جيم جوراب >> قصدي جواب الله يكرمكم
بالتوفيق خيتو ،،:119:
ماعندي اي خلفييه ..:cheese: |
| All times are GMT +3. الوقت الآن حسب توقيت السعودية: 10:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه