|
التقـــريــر الميــدآني ... افزعوا يا ربعي
السلام عليكم ورحمه الله وبركاته صبآح الخير باختصار اللي عنده هالماده يعلمني وش سوى بالتقرير لاني الا انا ما رفعت ولا تقرير سمعت انه تقريرين واحد حق مدرسه وواحد حق مستشفى وكل تقرير عليه 10 درجات يعني كلهن 20 درجه انا طبعت الاوراق وصورتها كل وحده نسخه الحين وش ازين فيها ياليت اللي عنده معلومه كافيه يعلمني لان اخر يوم الربوع بلحق المدارس قبل يجي الخميس والجمعه لان كني سامع ان اخر يوم 5 / 2 مع فيه ناس تقول اخر شي 1 / 2 ولا ندري المهم نبي الافاده |
رد: التقـــريــر الميــدآني ... افزعوا يا ربعي
أخوي سوي لها سكانر على ملف وورد
وبعد مايكون التقرير على الجهاز حول صيغتة pdf وأرفعه على موقع الجامعة بالخدمات الطلابيه وأي خدمه أنا حاضر بلي تبغاه لو ماعرفت ارسلي رقمك خاص وأشرحلك الطريقة بالجوال |
رد: التقـــريــر الميــدآني ... افزعوا يا ربعي
يا رجال هين انا خلني اسويه بعدها فيه مكتبه ياخذ عشره مدري عشرين ويرفعها لي مير البلى ياخوكـ انا ما سويت شي ما غير طبعتها وخليتها معي وين اودي الاوراق الي طبعتها من يكتبها ويختمها لي |
رد: التقـــريــر الميــدآني ... افزعوا يا ربعي
شوف يالغالي
روح لمستشفى ومدرسة وقابل الأخصائي الأجتماعي وعبي الأوراق ترى الموضوع بسيط مره وهذا مثال النموذج بعد التعبئه http://www.ckfu.org/vb/t256415.html بس ترى الختم يقول الدكتور موبضروري وانت افهمها وخاصه مامعك وقت |
رد: التقـــريــر الميــدآني ... افزعوا يا ربعي
بيض الله وجهك يالخالدي كفيت ووفيت بكره بروح لمدرسه وبروح للمستشفى والله يستر ان شاء الله يخلصوني بوقتي وما يطولون علي لاني خايف يروح علي الوقت لكن لا هنت على كل حال |
رد: التقـــريــر الميــدآني ... افزعوا يا ربعي
وجهك ابيض وأنا أخوك وأذا أحتجت اي شي بالخدمه ارسلي رساله خاصه وابشر بسعدك
|
رد: التقـــريــر الميــدآني ... افزعوا يا ربعي
تبي العلم عبى كل شي من نموذج التقرير المحلول واذا انت بالرياض روح لمركز تميم في شارع السويدي العام وهم ينهون الباقين في ثواني ولاتتعب راسك |
رد: التقـــريــر الميــدآني ... افزعوا يا ربعي
للاسف ماسجلتها ماقدر افيدك
موفق وفالك الفل مارك ان شاء الله امورك تمشي على ماتحب |
| All times are GMT +3. الوقت الآن حسب توقيت السعودية: 02:52 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه