ملتقى طلاب وطالبات جامعة الملك فيصل,جامعة الدمام

بسم الله الرحمن الرحيم

وصلى الله وبارك على سيدنا ونبيناً محمداً عليه افضل الصلاة واتم التسليم وعلى اله وصحبه الكرام

اولاً ادعو الله لي ولكم بالتوفيق بالدنيا والاخره

وابارك لكل الاخوه والاخوات الناجحين مقدماً واشد على يد من لم يحالفة الحظ واقوله دائما طريق النجاح مليئ بالاخفاقات يعني لا تتصور انك بتنجح بدون تعب او اخفاق هنا وهناك الا من رحم الله واجتهد وبذل جهده

فالنجاح لا يعترف بالمطبات ابداً يعني لا تقول رسبت في ماده او مادتين او ثلاث او اربع نهاية المشوار ترا هناك مشاريع عملاقة نشاهدها اليوم كانت بداية نجاحها مجموعه من المطبات والاخفاقات فلا تتصور ان طريق النجاح مليئ فقط بالنجاح وحده

وكم من من فشل اصبح اليوم عالم وشخصية مهمه لانه اعتبر الفشل خطوه الى طريق النجاح

فالله يوفقكم يارب وينفع بكم المسلمين

اليوم كان عندنا غدا تمايم وبصراحة كنت الحمدلله مرتاح وصاحي الساعة 10 الصبح وماخذ دوش واخر اختبار صحيح الاختبار جبت فيه العيد والعيد بقوه بس حتى اذا رسبت بعتبر نفسي ناجح :biggrin: قول لي ليش لاني ما افكر بالفشل والرسوب كثيراً دائما عيني على النجاح واما طريق النجاح فأعلم انه متعب وفيه مر وحلو

المهم اليوم لما هممت الذهاب الى الديوانية وانا اسمع اصوات تتعالا هنا وهناك من الشيبان طبعا :Cry111: جائني اخوي بالصدفة وقالي ياويلك :Cry111: قلت ليش ...! وش هالفال على هالصبح

قال الشيبان ماسكين سيرتك ومقطعينك تقطيع ويقولون وين مدرس الخبول ...!!:000: طبعا شيبان اكيد فيهم جهل الله يعافي عنكم وتجاوز

المهم بعد مالبعت ريقي قلت الله يستر

دخلت ديوانية فيها تقريبا 30 نفر ثلثه شيبان والباقي شباب وغيره

وانا اسلم واسمع الشيبان يقولون ( يوووه وصل مدرس الخبول ) طبعا ميانه بس هم ثلاثه من هالشيبان اللي يبي لهم :41jg: لانه راعين لاقافه والا الباقي كويسين

المهم اسلم هنا وهناك والشيبان تعليق والوالد :cheese: يوزع ابتسامات موقف والله ترا صعب :Cry111:

شيبان وش بتقول لهم يعني لازم تصبر

المهم سلمت عليه وجلست والا ينطق احد الشيبان المشاكسين وانا كان عندي احساس انه سوف يبادر :000:

بس فعلا ربك اذا حب عبد انفقذه من مشاكل كبيره وصغيره ومشاكل ما كان يشوف لها حل سبحانه وتعالى

المهم لما نط هالشايب واقسم لكم مباشره طلع قدامي جدي الله يرحمه رحمه واسعه ويسكنه فسيح جناته وتذكرته لما مره قال ابوفلان كان ابوه بخيل بخيل بخيل لدرجة كبيره وذكر لي قصة

المهم لما نط هذا الشايب المشاكس قالي تعال تعال الحين انت تركت كل علوم الرجال والتعليم وخذيت تدرس الخبول انت ماتفهم والا وش فيك

ابتسمت :33_asmilies-com: ابتسامة شر

وقلت له من قالك هذا تدريس خبول هذا يا ابوفلان علم نفس يعلمك بالناس اللي حولك واللي معاك على قولتكم مثل الرجال اللي يبخص الرجاجيل من نظره

ضحك :hahahahahah: بسخريه وقال كلام يعني مش ولابد من الطناز

قلت له طيب تبيني اثبت لك خليني اقربك قال لا لا انا بقربك ولما قرب قلت ايه انت يا بوفلان فيك عرق وعرق قوي من البخل :d5::d5:

فضحك الجميع واستبشرت خير وقال الجميع ول ول ول انفضح خلص خلص استر استر عليه

وش جابك له

والحمدلله قام الشيبان طبعا مالهم صديق بالسخريه منه واخراج مافي البطون من علوم عليه والتنكيت

والحمدلله :mh001::mh001:

نجيت بفضل من الله والا كنت بروح مسخره بالغدا

من الخرعه كنت اقول لاخوي متى الغدا يقول وين ماصلينا الظهر بدري :bawling::bawling: لا تلومني والله كانوا الشيبان ناوين يستفتحون فيني الجلسه

وتغدينا والحمدلله وبعدها رحت اذاكر

واخر دعوانا لكم الدعاء لكم بالصلاح والهدايه والتوفيق وان يجمعنا معكم بالخير والسعاده والصحة والعافية