|
استفسارات بسيطه ^^
يعطيكم العافيه عندي كم سؤال وان شاء الله مااثقل عليكم
اول شي انا طالب ثانوي باقي لي ترم واتخرج , وانا بصراحه ميولي حاسب طبعا ياهندسه او علوم حاسب وناوي ادرس بأذن الله في كليه الجبيل الجامعيه سمعت انها صعبه ووو... وانا خايف والله بس حبيب اسأل هل فيها سكن للطلاب ؟اذا مافي كيف اسعار شقق العزاب ؟ واذا تخرجت هل اقدر اتوظف في شركات مثل ارامكو وسابك ؟وش الاحسن هي واللا جامعة الدمام طبعا تخصص علوم حاسب ؟؟ ويعطيكم الف عااافيه |
رد: استفسارات بسيطه ^^
على حد علمي انه فيه سكن طلاب بالنسبة للكلية وترا كل شي صعب بالحياة مافي شي يجي بالساهل الأسعار يفيدونك فيها الإخوان طبعا تتوظف باللي تبيه لأنها اعتمدت جميع التخصصات بالخدمة المدنية وش الأحسن شي يرجعلك صراحة استخير وشوف تقدر تشوف ايجابيات وسلبيات كل وحدة اختار اللي تناسبك استخير وتوكل بالتوفيق |
رد: استفسارات بسيطه ^^
السلام عليكم
مثل ما قالت اختي عبير كل شي في الحياه صعب ومافي شي يجي بالساهل ممكن اللي يصعبها لانها تعتمد على اللغه الانجليزيه بدرجه كبيره هو دايم اللي يكون اول عقبه اما بقية الامور تتسهل طبعاً دايم اللي يصعبون الاشياء بزوود اللي ينطردون لانه سياسة الجامعيه تقبل اعداد كبيره لكن تصفي تصفي و مايبقى منهم الا الناس المجتهده اللي تطور من نفسها وماتيأس - نجي للسكن بالنسبه للكليه الجامعيه مافيه سكن فيها بس فيه غرف للعزابيه سمعت عنها + ابحث بالمواقع - والكليه الصناعيه هي الوحيده اللي عندها سكن للطلبه بالجبيل * اما بالنسبه لتخصص اللي ودك فيه ما اقدر افيدك بمعلومات وافيه عنه وان شاء اللهاخواني وخواتي بهالتخصص يفيدونك اكثر مني فيه والله يوفقك ويوفقنا :love080: |
رد: استفسارات بسيطه ^^
يعطيكم الف عافيهـ
|
رد: استفسارات بسيطه ^^
بالنسبة للتخصص الحاسب الآلي تخصص حلو وممتع لكن لازم يكون عند قابلية للتعلم الذاتي يعني تطور نفسك اول بأول تعرف عالم التقنية كل يوم يتطور والوظائف لاتشيل هم معدل عالي , دورات , لغة = احلى وظيفة إن شاء الله بالنسبة للسكن : نعم يوجد سكن كلية الجبيل الجامعية تقدم سكن للطلابها تبي في السكن حق الصناعية او في حي البحر واذا كنت كنت من خارج المنطفة الشرقية يعطونك على طووول موفق إن شاء الله |
رد: استفسارات بسيطه ^^
الله يسعدكم دنيا وآخرهـ مشكورين ماقصرتوا طمنتوني الله يطمنكم ,,
بالتوفيق للجمييع Dollar Makkah |
| All times are GMT +3. الوقت الآن حسب توقيت السعودية: 07:40 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام