|
الدكتور اسامه كفى ووفى
صحيح ان الصراحه مؤلمه بس لازم اقول الحق مع العلم انه بيتضايق كثير منكم
بس ليه الهجوم على الدكتور اسامه حنفي من الكثير من الاعضاء هنا ووصل الامر للتجريح واللي يقول عنه نذل واللي يقول مصري حاقد علينا ا تبون الحق انتم تهاجمونه لانه ماجاب نفس اسئله العام المااضي مثل دكتور الاقتصاد محد كلف عمره واعطى الماده حقها الدكتور بيض الله وجهه ماقصر شرح وشرحه وافي وسهل دامكم فاهمين بتحلون ياخواني لكن تبون كل شي سهل الفررق ياخواني كبير بين دكتور الاقتصاد اللي مايعرف يوصل المعلومه وما ادري فعلا فاهم او لا وبين هالدكتور اللي شرح وكفى ووفى لكن ماتحلون خلاص الدكتور اكس والاقتصاد بيض الله وجهه كثير عالم تعبت بالاقتصاد لكن ماذاكروا اسئله العام لاختلاف دكتورها وماحلوا وناس مافتحت غير هاالاسئله وحلت هذا مو مقياس المقياس المذاكره مفروض الكثير يوم انها مشت وعدت بالاقتصاد ينتبه ويعطي الرياضيات حقه اربع اياام كامله كان يمديكم تذاكرون اللي هي الخميس والجمعه والسبت والاحد لكن 90 بالميه مركز على المحاسبه وتارك الرياضيات حتى حسيت انا انها اختبار تربيه وطنيه ايام الثانويه اكيد الخيارات متقاربه لكن لو حافظين القوانين ومطبقين ومتدربين على حل كثير من الاسئله كان حليتوا الرياضيات يبي لك تفهم الدرس وتمسك قلم وتحل تمارين وتطبيقات كثيره لان اشاره وحده سالب او موجب تفرق معاك وتلخبط مساله كامله والسلام ختااام |
رد: الدكتور اسامه كفى ووفى
انا معااااااااااك الدكتور ماقصر والله شرحه كان رااااااااااائع بكل ماتعني الكلمه من معنى بس الرياضيات معناته الواحد يشغل مخه عني انا اتمنى انه كل سنه هو يدرسني لانه من جد :(204)::(204):مشكلتنا نبي الاسئله تكون بالضبط نفس اللي بالمقرر بالحرف يعني مانبي نشغل الطبنقه اللي على روسنا :53:
الشي الوحيد اللي ضايق ان الوقت ماكان كافي يعني اتوقع ساعتين قليل و تسبب ارباك نوعا ما |
رد: الدكتور اسامه كفى ووفى
^
كلامك صحيح ما انتقد شرحه ابداً بالعكس احسن دكتور بالشرح لكن الاسئله هي اللي احس انها صعبه حبتين يعني لو اقارنها باسئلة العام حقت العام اسهل بكثير ومفهومه لدرجة اني اختبرت نفسي فيها وحليت 90%صح لكن اختبار اليوم بصراحه ما رضيت عن حلي 100% 4 ايام وانا اذاكر فيها مفروض اكون راضيه عن حلي بس الحمدلله ان شاء الله اكون غلطانه بحكمي على حلي واجيب كويس لكن مايتقارن بدكتور الاقتصاااااااد :d5: بالتوفيق :106: |
رد: الدكتور اسامه كفى ووفى
هنا المشكلة ..!
ان اللي وفقه الله وحل صارت يسقط على الاخرين انهم يبونها سهله او زي اسئلة العام .؟ ما نبي يكون مثل الاقتصاد لكن تكون على الاقل مثل (( القانون والاداره )) اسئلة متنوعه وموزعه ومتوازنه فيها السهل وفيها المتوسط وفيها الصعب اما اسئلة حنفي اليوم كلها صعبة ومعقدة واجابات متشابهه والغالبيه متضايق منها وكلش كوووم وشرحة كووووم هههههههههه يحل لنا الاسئلة والتمارين البسيطة ويقول وانا سامعه بأذني >> اجل سامعه بخشمك :biggrin: ان الاسئلة ماراح تخرج عن التمارين وبصراحة الاسئلة معقدها واجاباتها متشابهه وماهي مثل اللي يحلها لنا بسيطة على فكره كره المصاريه على السعودين معروف ترى خصوصا بعد هياطهم وثورتهم والدليل انهم مسوين مضاهرات على السفاره (( الاسرائيليه والسعودية )) >> شوفي مع مين مساوينا :017: انا ما اقصد حنفي الضحوووك بس صراحة من خلال اسئلته وتعقيده شي يدعي للريبة >> حلوه الريبة :biggrin: ان شاء الله وصلت فكرتي واتمنى من كل قلبي السنه الجاية اشوف كل الدكاتره من السعودين >> يالبى قلب عيال ابو متعب بس :53: >> رغم اني والله ما ابي اظلم دكتور الاقتصاد و الادارة عسى الله يوفقهم |
رد: الدكتور اسامه كفى ووفى
اقتباس:
احلى شرح لأنه يحل لنا تمارين سهله وبسيطة ..! ليه ما جاب لنا نفس نوعية الاسئلة اللي يشرحها ويغير في ارقامها >> لايجي احد يقول تبونها نفسها :biggrin: كل اللي حلها في التمارين بسيطة وحلوه وخفيفه بس اسئلة الاختبار اليوم اعووووووووووووذ بالله عقاب هذا مو اختبار اذا خلصنا من النائج تورطنا في الاجابات المتشابهه:(269): |
رد: الدكتور اسامه كفى ووفى
هالدكتور فهني شغلات كثيرة بالرياضيات ما استطعت فهمها بالثانوي , عن نفسي حتى لو نجت بالمادة مع ان هذا احتمال ضعيف , برجع اشوف كل المحاضرات , يااااااااااااااا ليت انجح
|
رد: الدكتور اسامه كفى ووفى
انا داهمني الوقت :Cry111::Cry111::Cry111: شمي حليته وشلي حقره بقرة وشي تخمين وشي مدري ايش
المهم يارب اعدي م ابي احملها من جد يارب اجيب علامه النجاح بس |
رد: الدكتور اسامه كفى ووفى
الاسئله حلاوه وزي الحلاوه وزي الالف الا ذاكر واعتمد على الاسئله الا نزلتها صدقني تجييييييييب a+ المهم الدكتور بيض الله وجه على هالاسئله عاد نبغى ننسى الرياضيات ونجي على المحاسبه ارجوا منكم متابعت موضوعي في المواضيع لاني باعطيكم مفاجئه حلووووووه ,,,,,,,,, :53::53::53: |
رد: الدكتور اسامه كفى ووفى
:(204): :(204): :(204): :(204): :(204):
يعطييييييك العآآفيه ,,, انا الحمدلله ,,,... هذي ثاني ماده احس اني عارفه وش احل واختبر بعد القانون,,, والدكتور الله يعطيه العآآفيه مآآ قصر ,’’,,شرحه رآآئع ,, واليوم اساسا ما اطالع بالخيارات ابد احل والناتج الي يطلع اختاره ,,, وربي يوفقكم جميعآآ ويسهل عليكم وان شاء الله خييييييير وتعدون المآآده بدرجة نجآآآآآآح ,,. فكروا ببكره ,,<<الله يستر ,,:tongue: بآآلتوووووووفيق ,,, |
رد: الدكتور اسامه كفى ووفى
اتوقع من ذاكر المنتهج كامل قدر يحل اسئلة كثير
لكن عندي سؤال بسيط ويمكن كثير لاحظه الدكتور ما كأنه في سؤالين حاط اجابتين صح :icon9: رهيب يادكتور :tongue: |
| All times are GMT +3. الوقت الآن حسب توقيت السعودية: 02:19 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه