|
( سالفة عشـآق)
السلام عليكم ورحمة الله وبركاته
اضع بين ايديكم قصيده جميـله لشـآعر فهد المسـآعد اتمنىىىآ آنهآ تنال ع اعجابكم من بغى الفرقا لقـى لـه عـذر واسبـاب ودليـل خـل عنـك العـذر والاسبـاب دام الحـب ضـاع كان ودك بالفراق .. ابشر عسـى عمـرك طويـل لاتـردد وانـت لـك كلمـه ولـك امـر ٍ مطـاع لـي عليـك انّـك تبّـت بكلمـة ٍ تشفـي الغليـل ولك عليّ انـي لأوّقـف وقفـة الرجـل الشجـاع لاتجاملني مخافة ( قال ) مـدري خـوف ( قيـل ) عمر ( هرج النـاس ) مايسمـن ولايغنـي جيـاع كان قصدك ( سر حبك ) .. اوعدك لأصبح بخيـل واحمل اسرارك معي للمـوووت قـدر المستطـاع بس قلها ... قل ما احبك ... وابشر بصبر ٍ جميـل لاتحسب أني مثـل مـن طبعهـم لـوي الـذراع ! صاحبـك ماهـو كـذا ياصاحـب القـد النحـيـل صاحبك طبعـه غريـب وغربتـه غربـه طبـاع فـي الهـوى مايقبـل الحـل الوسـط ولا القليـل مثل ماهو لاشرى يشـري .. ليامـن بـاع بـاع ثابت ٍ لو هـي تميـل الارض حـدره ... مايميـل يـدري ان الفقـر ماهـو عيـب والدنيـا متـاع ماعشـق لـذّة حياتـه كثـر عشـق المستحيـل ولا كـره حتـى مماتـه كثـر كـره الأنصـيـاع كم تعلّم مـن شديـد البـدو وش معنـى الرحيـل وكم تعلّم من غروب الشمس وش معنـى الـوداع وكم تعلّم من سحاب الصيف وش معنـى الحصيـل وكم تعلّم مـن ليـال البـرد وش معنـى الضيـاع ايه انا هذا طريقي ( موحش .. وصعب .. وطويل ) وانت لامنـك تعبـت .. العالـم فجوجـه وسـاع اعتبرنـي فـي بدايـة سكّتـك عـابـر سبـيـل و رح وانا قلبي معك من ويـن وجّهـت الشـراع يكفي اني لاانذكرت فـي سالفـة عشّـاق .. قيـل :عاشر احبابه شجاع .. وفـارق احبابـه شجـاع |
رد: ( سالفة عشـآق)
من بغى الفرقا لقـى لـه عـذر واسبـاب ودليـل
خـل عنـك العـذر والاسبـاب دام الحـب ضـاع كان ودك بالفراق .. ابشر عسـى عمـرك طويـل لاتـردد وانـت لـك كلمـه ولـك امـر ٍ مطـاع :d5::d5:صح لسان قايلها -وتسلم ايد ناقلها--قصيده رووووعه -مو غريبه ع فهد مساعد كل قصايده جنان |
رد: ( سالفة عشـآق)
اقتباس:
صح بدنكـَ ... كل الشكر ع المرور الجميــل كل الودَ |
رد: ( سالفة عشـآق)
ابيااااات في قمه الروووعه
تسلم يمينكـ خيوو تقبل مرووري |
رد: ( سالفة عشـآق)
اقتباس:
الروعــُه هي تواجدك وحضورك كل الشكر على هذا الحضور المميز كل الــوَد |
رد: ( سالفة عشـآق)
يسلموووووووووو على الابيااااااااااااات الرااااااااااااائعه
|
رد: ( سالفة عشـآق)
اقتباس:
نورت الصفحه بمرورك |
| All times are GMT +3. الوقت الآن حسب توقيت السعودية: 05:05 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه