|
ابي استفسر منكم
السلام عليكم انا زميل معكم في المستوى الثاني واختبرت معكم مادة العقيدة و المحاسبة واللغه الانجليزي بس يوم الخميس الصباح توفي اخوي الكبير الله يرحمة ولا قدرت احضر اختبار الاقتصاد حتى اختبار بكرا الرياضيات والصحة مقدر احضرها بسبب العزاء هل احد منكم يقدر يفيدني اذا اقدر اعيد اختباري او اي طريقة ثانية لاني معاي عذر رسمي والله لا يحطكم بموقف مثل اللي انا فيه يارب تكفون ابي فزعتكم |
رد: ابي استفسر منكم
الله يحسن عزاك اخوي والله يرحمه ويغفر له
|
رد: ابي استفسر منكم
عظم الله اجرك.... الله يغفر له ويرحمة ويسكنة فسيح جناته ....
لاتفكر بالجامعة الحين انا اتوقع ان موضوعك يدرج من ضمن غياب حسب جميع الجامعات انه يعاد الاختبار للغايبين بعذر.... في وقت تحدده الجامعه لان فيه ناس كثير يتغيبون عن بعض الاختبارات واكيد اللي عنده خبر بيفيدك اكثر مني |
رد: ابي استفسر منكم
الله يرحمه ان شاء الله
وماجورين ان شاء الله والله يجبر مصيبتكم فيه اعاده امتحان للمتغيبين بعذر |
رد: ابي استفسر منكم
عظم الله اجرك ورحم موتاكم وغفر له
:106: |
رد: ابي استفسر منكم
عظم الله اجرك ,,, واللهم اغفر لموتاكم وموتى المسلمين يا رب بالنسبه لغيابك للمتحانات السابقة ,, ادخل على خدمة الطلاب وفيه خانة مكتوب فيها غياب عن الاختبار بعذر ادخل فيها , لما تدخل عليها يطلب منك انك ترفع العذر (اي عذر سواءً ورقة دفن ,, او ورقة من المستشفى انك تعبان ,,,إلخ) يعني ورقة العذر لازم ترفعها بسكنر لجهازك ,,, واذا احتجت اي مساعده ابشررررر ملاحضه: لكل مادهـ عذر ,, يعني لمادة الرياضيات ترفع لها عذر ,, واختبار لاقتصاد كمان ترفع لها عذر وومادة الصحه ترفع لها عذرز الله يهون عليكم يا رب |
رد: ابي استفسر منكم
عظم الله اجرك الله يرحمه ويدخله فسيح جناته تأكد اخي الكريم ارسل رساله للجامعه او اتصل فيهم عن طريق ارقامهم احتمال ما يعذرونك الا لمدة ثلاث ايام فقط والله اعلم لكن انت تأكد منهم افضل لك |
رد: ابي استفسر منكم
الله يرحمه ويغفرله ويثبته عند السؤالله
وعظم الله اجرك بيفتحون ايقونه بعد الاختبارات وترسل صوره لشهاده الوفاه وكلم افضل |
رد: ابي استفسر منكم
typhoon , ريما محمد , اسطوره زماني , عزتي بسمو ذاتي , عالم الوله , اسف , الماسه الله يجزاكم كل خير والله لا يحرمكم الاجر اتعبتكم معاي والله يوفقكم بامتحاناتكم وخاصة الرياضيات سمعت انها كانت شوي صعبة ويارب عقبال شهادة التخريج ياكريم من جد مشكورين والله يعطيكم العافية |
| All times are GMT +3. الوقت الآن حسب توقيت السعودية: 12:42 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه