ملتقى طلاب وطالبات جامعة الملك فيصل,جامعة الدمام

كيف اداوي جـــــرح قلبــــي وانا في حبــي بليت

انتظر قطــــره نـدى تسقـــط علــى القلب الحزين

مابينفعنــــي الرجــــاء بعـــد الندم لـو قلـت ليت

من غيــــــــابك ســـار قلبــي في قسـاوه مايليــــن

ياغناتــــــــي في وصــالك كــــم ترجيتــك وابيت

ضــاع عمـــــري كل عمــــري بين طيات السنين

كان لــــي حبـــك مــــــراره وان تذكــرتك بكيت

ويـش ســوى الحـــب فينــي بيـن حبـــك والحنين

انتي اكثر شي بهــرني كم صبرت وكـــــم رجيت

كنت اشـــــــوفك فــي عيــوني مثل طل الياسمين

انقطـــــــع حتــى اتصــالك بعــــــد ماعنـي مشيت

وانشغل فكـــري وبالي كنت ماخـــــــــذنــي لفيــن

ليه تجفـــــــــاني حبيني يـــــوم عن عينــي اختفيت

اعطنــــــــــي لوبس غلـــطه بـــرر البعــد المشيـن

انا مــــــادورت غيــــــرك ليش ياقلبـــــي جفيــــت

صـرت تلعــــب فــي فـــؤادي من يسار ومن يميـن

كل غـــالــــي لك هديتـــه وانت عمــرك ماعطيت

كيـــف تعطــي وانت انانـــي بكـــــره الخافي يبين

ليـــه تحسبنـــي نسيتــــك وانا عمــــري مانسيت

ميــــر لاتلــــعب بقلبــــي ياالغضي بين اصبعين

كان حبــــك شخص ثانـــي لاتقـــول اني رضيت

يمكـــــن انه يخــــدعك وتعــود لي صفر الليدين

انتبــــه من حـــب غــــادر قبــــــل تهــدم مابنيت

شخــــص مجنــــون النــــوايا كل بسمـــاته ونيـن

قلبه اكبــــر فنــــدقاً في الشـرق الاوسط لو دريت

كل يـــــوماً له حبيـــب وكــل ساعــه له ظنيــــن

ماخـــــذ الدنيــــــا ونــاســـــه والا قامه في ونيت

مـــــــره يحب ابتهـــــال ومـــــره يغــازل حنيــن

انا قـــــدمت النصــــائح فــــي قصيـــدي بيت بيت

وانتـــــي كيفـــك تقبلين النصــح والا ترفضيـــن

اما انـا يـــانور عينــــي اعتـــــذر كانــــي قسيــت

وانتـــــي ارجـــوا تعـــذريني بين كل الحاضـــرين

لشاعر: فلاح عشوي العنزي