|
سبقتك يا عاجز ...!
بسم الله الرحمن الرحيم وصلى الله وبارك على سيدنا ونبيناً محمداً عليه افضل الصلاة واتم التسليم اليوم لفت انتباهي مواضيع عن عاجز او مايسمى حافز اللي بقوله لكم اليوم هي قصة واقعيه 100% ومنسوبه لي شخصياً قبل عاجز بثلاث سنوات تقريباً تخرج اخوي الصغير من المعهد بصراحة بحث في هالوظائف ودار هالدنيا ولكن ربي ماكتب له رزق في هالوظائف انا الحمدلله موظف ومقتدر ولم ارث عقار ولا مال كما يقال راس مالي الوظيفة ولكن كنت اعلم ان البركه فوق كل مال هي رأس المال الحقيقي كلمت اخوي ومثل غيره من الشباب رفض مسئلت يفتح محل وقالي انسى الموضوع انا اخر عمري افتح محل خضره او غيرها مستحيل وش شايفني اسيوي ... قلت له تعوذ من ابليس انا عندي مبلغ بسيط ليش ماتفتح فيه محل وتجرب نفسك فيه اختار اي محل ... بعد اسابيع من التفكير رجع وقالي انا رافض الفكره وبنتظر وبقدم على وظيفة ..!! رجعت وكررت له السؤال خذها مني ياخوي نصيحه انا مراح اقولك رجع المال ولا شئ جرب نفسك فيه يمكن يكتب لك الله فيه خير وتكسب منه رزقك راح وبعد كذا اسبوع رجع وقالي انا موافق بفتح محل وبجرب بس اذا خسرت لحد يقولي ليش خسرت قلت له انت انسان عاقل اعرف بمصلحتك ...! قالي انا بحثت في المنطقة والحاره وماحصلتى محل مكسرات وحاب افتح محل مكسرات قلت على هالخشم بكرا اجيب لك المبلغ كاش واسمله لك اختار واعمل اللي تعمله ولكن ابيك قبل كل هذا تعلم انك اذا نجحت فراح ترضيني رضا كبير وقبل هذا رضا الرحمان المهم الولد وفقه الله واجتهد وبصراحة هو من الاشخاص اللي صلاة الفجر ما تفوته يمكن انا مرات تروح على نومه بس هو مرات كثيره كان مايصحيني لصلاة الفجر وايضا كان يبعد عن الحرام والشك صحيح هو مو ملتزم بس مبعد عن الاسهم والشكوك اللي فيها احب اوصل رسالة اليوم لجميع الشباب والبنات لاحقهم الدور بعد اشوي ترا العمل مش مرتبط بربح وخساره فقط ولكن هناك توفيق الله اولاً واخيراً وما توفيق الله الا بأتباع الواجبات والسنن يعني مثل اللي يقول تربح الدنيا والاخره بصفقه وحده ان شاء الله اليوم اخوي عنده في منطقتنا 5 محلات وفي مناطق اخره 3 محلات والله العظيم انه تزوج من فلوسه وكون نفسه من فلوسه واشترا بيت من فلوسه ويشهد الله مادفعت هلله وحده في زواجه يمكن بس العنيه الخاصه اللي مني له فقط مع هذا ماقصر معي ويشهد الله في كل مره يشكر بي ويقول ترا كل هالمال لك وبسبب توفق الله المهم خلصنا من الولد تخرجت العام الماضي اختي وقبل حافز .... ولكن هنا الفارق بصراحة بين الولد والبنت في مسئلت التفكير سواء كان عقلي او انفعالي او حركي باين اني متأثر في علم النفس المهم كلمتني وقالت ابي افتح مشغل صغير الخ الخ الخ ..... قلت لها ابشري ومن عيوني وايضا مبلغ صغير هي وصديقتها فتحوا هالمحل وخلال 6 شهور جابت لي المبلغ اللي دفعت بس قلت لها هذا هديه لك مكافئة لاجتهادك فعاد بارك الله لهن في هالمحل وفتحوا قبل كم شهر محل جنب المشغل صالون اسلامي اول مره اسمع انه فيه صالون اسلامي بس شئ طيب انا رسالتي هنا لاخوتي واخواتي هنا ترا التجاره خير وبركة ولكن عليك بالمال الحلال ومرضات الرب سبحانه وتعالى ولا ننسى بر الوالدين والاعمال الصالحة فحرص على كسب دنياك واخرتك .... والله يوفقكم يارب بالدنيا والاخره |
رد: سبقتك يا عاجز ...!
ماشاء الله تبارك الله الله يزيدك من فضله ونعم الأخ
الصراحه أغبط عيلتك لوجود أمثالك بينهم :smile: وكلامك واقعي وصحيح |
رد: سبقتك يا عاجز ...!
ماشاءالله تبارك الرحمن .. احب المشاريع .. وكل يومين وانا طالعه لـ ابوي بفكره بس ما في حد يـ أيد :biggrin: .. الله يهني اخوك واختك .. والله يرزق كل محتاج من فضله :106: |
رد: سبقتك يا عاجز ...!
اقتباس:
|
رد: سبقتك يا عاجز ...!
ماشالله تبارك الرحمن
دعمك لهم بعد توفيق الله اكيد شـي نـاادر.. الله يرزقك على قد نيتك ويوفق الجميع ( ) |
رد: سبقتك يا عاجز ...!
اقتباس:
هلا فيك اختي بالعكس شئ طيب هذا التفكير بالمشاريع والتجاره تبدأ بسيطه جداً وتنميها البركه والتوفيق والتجاره شئ محمود في الدين الاسلامي ومبارك وانصحكم في المطاعم النسائية لحد يضحك والله في كذا مشروع سمعت ارباحه خياليه وانا بصراحة فكرت في هالمشروع بس محد حولي والا جاهز المشروع وعلشان كذا اقول فكروا يا بناتنا في مشروع المطبخ النسائي بدل مانطبخ في مطاعم كلها اسيويين نطبخ في مطاعم تخصص سعوديات واكيد في فرق والله يوفقك اختي ويوفق الجميع واكرر لك حاولي مره ومرتين وثلاث وان شاء الله ربي بيوفقك |
رد: سبقتك يا عاجز ...!
الله يزيدكم ويبارك
يارب ويرزكم الخير ويكفيكم شر الحاسدين وانا عندي بعد بس لسه قابل للدراسه :biggrin: اتشاور مع الوالد بس يقول لي وش لك بوجع الراس لاهنت على طرحك كلام جميل والاجمل انه واقعي موفقين |
رد: سبقتك يا عاجز ...!
اقتباس:
هلا فيك اختي وجزاك الله الف خير وانا اتمنى وخاصة من الاخوان والاخوات اللي سبقونا في التخرج في التربية ونشاهدهم اليوم لا شغل ولا مشغله وينتظرون يفكرون في مشروع الروضة صحيح بتبدأ في مبلغ معين ولكن هي هكذا الحياة بحاجة الى التعاون صدقوني اليوم الروضة شئ مهم وغير متوفره اتذكر صديق لي زوجته صاحبة روضة او رياض اطفال ما ادري بس هو مشروع خاص عباره عن روضة والله يقولي انه المدرسة صارت ممتلئة ويأتونه كثير ونرفضهم بسبب مافي مكان وبصراحة قالي مبلغ خيالي في الربح مع فصل رواتب المدرسات والعاملات والبرامج يعني اتمنى نشوف هالروضات بحكم انها البنيه الاساسية لتكوين الاجيال القادمه وبحكم تغير الزمن العمري للاطفال والله يوفقكم المشاريع كثيره ولكن صدقوني صحيح يحتاج دعم ولكن ايضا هناك من يجد الدعم ولا يتردد في خوض مثل هذه الامور شبابنا الطموح والمتعاون الحمدلله موجود وفتياتنا ايضا الطموحات والمتعاونات موجودات يجب ان نستفيد من الشبكة العنكبوتية وغيرها من التواصل من اجل تكوين مشاريع سعودية 100% تخدم المجتمع وايضا تضيف مردود مالي لشريحة كبيره والله يوفقكم مره اخرى وكل مره |
رد: سبقتك يا عاجز ...!
اقتباس:
هلا اختي وجزاك الله الف خير شوفي اختي مافي شئ يجي بالراحة وخاصة الرزق صحيح ان الله كريم ولكن ثقي تماما ان هناك ابواب رزق تحتاج لتعب راس اشوي انا تعبت في مشاريعهم في البداية من تصرايح وغيرها ولكن بالنهاية وكلها اشهر ومن بعدها تمكنوا من تلك المشاريع ولكن ثقي تماما ان الامر بعد توفيق الله وبعد الدراسة لا يحتاج الا للجهد والتعب قد تحدث هناك عثرات ولكن لا تعني نهاية الطريق بل قد تزيد قوتك في الانجاز ومازلت اقول البلد محتاجة لمشاريع كثيره وكثيره جداً واذا حدث عدم توفيق لا قدر الله من احد فعليه ان يحاسب نفسه ويعيد الكره من جديد واهم شئ معرفتك في واجباتك الدينية هذا اولاً ومراعاة الله في الحقوق وبعدها تقول صدقوني لو تبيع علوك في الشارع راح يرزق ربي من حيث لا تعلم وحسبنا الله وحده سبحانه ولكم التوفيق والسداد |
| All times are GMT +3. الوقت الآن حسب توقيت السعودية: 05:37 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه