ملتقى طلاب وطالبات جامعة الملك فيصل,جامعة الدمام - متطلبات ليوم الأختبار "" ادخلو هون للفائده "

السلام عليكم ورحمة الله وبركاته ""

اخباركم ي المستوى الأول ؟؟ عساكم بخير ان شاء الله

ومستعدين ل اول يوم اختبار بنفس حلوه وروح مرتاحه وبعيده عن القلق والتوتر

<<< ايه هين :biggrin:

الشعور الي تواجهونه الحين شي طبيعي وبمجرد م تطلعون من الأختبار بيروح ""

ابي اكتب لكم هالموضوع عشان تستفيدون من المعلومات الي بقولها لكم ""

وش ناخذ معنا بيوم الأختبار ؟؟

ج/ قلم رصاص hb2 & شهاده حضور الأختبار & صوره من بطاقه العائله او الأحوال "

مامعانا قلم رصاص hb2 وش نسوي ؟

ج/ عادي المراكز بتوفره لكم يعني الي مامعاه عادي جدآآ لا يخاف

انا معاي قلم رصاص عادي - روكو - عادي استخدمه ؟؟

ج/ اله التصحيح الخاصه بتصحيح ورقه التفريغ الخاصه بالأختبار م تقبل الا قلم رصاص hb2

غيره م تقبل يعني الي بيحل بغيره يعتبر نفسه - راسب - :biggrin:

كيف نظام الأسئله ؟

ج/ اختيار متعدد فقط "

عادي ناخذ الأله الحاسبه ب اختبار المحاسبه & الرياضيات ؟

ج/ ايه عادي "

لازم نطبع شهاده التعريف ؟

ج/ شهاده التعريف مالها دخل بشي المطلوب منكم شهاده حضور الأختبار وفي بعض المراكز م تتطرق لها انا من يوم م سجلت ب هالجامعه اطبعها واخذها اول يوم وتجلس بالبيت لين اخلص اختبارات

لكن احتياط اطبعوها لان في بعض المراكز تطلبها "

لازم اخذ معاي صوره من كرت العائله او الأحوال ؟؟

ج/ لا مو لازم لكن الشباب مدري يمكن لازم يجيبونها والي معاه الشهاده م يحتاج ياخذ معاه لا احوال ولا كرت عائله "

لكن احتياط ب اول يوم خذو كل شي لأن م عندي اطلاع كامل عل كافه المراكز "

معلومه من عندي ""

(( يجب حفظ ارقام السجل المدني & الرقم الجامعي )) ضرووووري تحفظونهم "

* اثناء تعبئه البيانات الخاصه فيكم اكتبوها شوي شوي وعبوها خانه خانه ورقم رقم اي رقم تحطونه بغير مكانه - ترسبون بالماده -

بالعربي م تطلع لكم نتيجه ابد فيها لين تكلمون الجامعه وحوسه "

في رقم هاتف

وجوال

ورقم crn الخاص بكل ماده (( موجود بورقه الأسئله لا تخافون بس تفرغون ارقامه ))

ورقم السجل المدني و الرقم الجامعي "

اثناء الحل ""

* ابدؤوو بالأجابات السهله اول عشان لا يضيع الوقت شي م عرفتوه اتركوه وكملو ووقت م تخلصون ارجعو له

* انا كنت احل واخلص واراجع وبعد كذا اعبي بياناتي على روقان لأنها تاخذ وقت "

* اقرو الأسئله زين وشوي شوي استعينو بالأدعيه المفيده بوقت الأختبارات "

* الأختيارات واضحه وسهله وهو خيار واحد بس مافي غيره

* مافي سؤال اسمه اختار الأجابه الأصح ابد يعني لا تخافون

امممم وش بعد ؟ اذا عندكم استفسار اخر انا حاضره ""