مراكز اختبارات عشوائيه تزيد الطين بله
 

يعني ما نقول في ها الجامعة وانظمتها الا حسبنا الله ونعم الوكيل والله لا يسامح من وضع واختار هذه المراكز لا دنيا ولا اخره
معقول بجانب منزلي ثلاث مراكز من اليمين والشمال وانا بغرب الرياض ويضعون اسمي في مركز رقم 20 في اقصى الشرق يعني ساعتين على الاقل ذهابا وساعتين ايابا ضياع وقت وجهد وكل هذا على حسابنا ما يكفي ضياع البلاك واللي سبب لنا . لكن ارجع واقول الله لا يسامح من جنى علي وللمرة الثانية حتى الترم الماضي نفس المشكله . الله لا يسامحه الله لا يسامحه الله لا يسامحه .

رد: مراكز اختبارات عشوائيه تزيد الطين بله
 

الله يكون بالعون

هذا وزحمة الرياض ماتنضم ممكن تاخرك زياده

مفروض يحطون المراكز وكل واحد يروح للمركز الي قريب منه ماله داعي يلزمونى بشي محدد

او يتكرمون ويسؤلون عن عناوينى
:(269):

رد: مراكز اختبارات عشوائيه تزيد الطين بله
 

لا والطامه الكبرى صاحب الجوال اللي حاطين رقمه في مركز 20 كانه يتكرم علينا لي حوالي ساعتين اتصل فيه كلمته حوالي 100 مرة او اكثر ويطير رقمي وفي الاخير سكر جواله يعني .............. ماله داعي اقولها

رد: مراكز اختبارات عشوائيه تزيد الطين بله
 

لا المشكلة كلمت اليوم النجار وينافخ ايقول وش دراني عن وين ساكنين في الغرب ولا في الشرق قلت طيب ابي المركز الي جنب بيتى اروح له على رجلى تخيلو غرب الرياض قال مليان قلت طيب بجيب لي بديلة تبي الشمال وانا ابي الغرب قال مالي دخل ليش اتكلموني نسقو مع المشرفين قلت وين ارقامهم ابي اجلطة قال في النت وسكر واخذ ارقام الي في العناوين وادقدق من صباح الله خير قالت مالنا دخل كلمو الجامعة حسبي الله ونعم الوكيل

رد: مراكز اختبارات عشوائيه تزيد الطين بله
 

من حقنا نعترض ...:000:

رد: مراكز اختبارات عشوائيه تزيد الطين بله
 

حسبي الله عليهم:Cry111:

رد: مراكز اختبارات عشوائيه تزيد الطين بله
 

حتى الارقام اللي اسفل صفحة المراكز مشغوله بالساعات واذا مسك الخط اعطاني مشغول ولا ادري ليش حاطينها يعني انا حطينا لكم ارقام
وبعدين انا عنواني وحتى اسم الشارع انا حاطه لهم من وقت التسجيل ولو دخلو على رقمي عرفو اني بالغرب او بالشرق لكن وشهو الشي الزين في انظمة ها الجامعة عشان يجي ها الموضوع زين من بلاك بورد منتهي الا مشاركات كل يوم نعيدها الا محاضرات كل يوم نفتحها والنهايه مركز اختيار على كيفهم تبي والا انطق
لكن فيه رب ما ينسانا بحول الله وقوته ولا تنسي اختي وجميع المظلومين دعاء اخر الليل على من تسبب في ضياع اوقاتنا وتدني درجاتنا حسبنا الله ونعم الوكيل فيهم

رد: مراكز اختبارات عشوائيه تزيد الطين بله
 

اختي عطر الوفاء ادري من حقنا لكن هم عارفين ان بكره الاختبار والناس ماهي فاضية كل واحد بيذاكر والا حنا اتصلنا عليهم وحاولنا لكن ما فيه فايده لان الجلاد والقاضي واحد

رد: مراكز اختبارات عشوائيه تزيد الطين بله
 

رد: مراكز اختبارات عشوائيه تزيد الطين بله
 

مفروض يحطون بالاختيارات ... شرق الرياض
غرب الرياض
جنوب الرياض
شمال الرياض

كذا آحسن حل :biggrin:

لو تشوفون مكاني اللي باختبر فيه تبكون علي :biggrin: