ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ارشيف المستوى 4 تربية خاصة (https://vb.ckfu.org/forumdisplay.php?f=276)
-   -   للتوضيح فقط .. توصيف لمركز الرياض 19 (https://vb.ckfu.org/showthread.php?t=263600)

قـف و نـاظـر 2011- 12- 14 01:50 AM
للتوضيح فقط .. توصيف لمركز الرياض 19
 
السلام عليكم ورحمه الله وبركاته .. حبيت اوضح لكم الوصف بحكم اني قريب من الموقع والله الحمد

طبعنا حنا يالعيال متعودين على شرق الرياض الاترام الي راحت بس اخيراً غيروا هالمشوار الي كل ترم

الوصف

الرياض 19 بحي بدر .. الوصف وانت جاي من غرب الرياض مع الجسر المعلق يجيك مخرج 28 ثم 27 ثم 26 اطلع مع المخرج الاشارة يمين اول دوار سيده ثاني دوار يسار بتجاه المعارض للي يعرفها .. تجيك اشارة خذ يسار بعدها يجيك على اليمين وقت اللياقة و جافا تايم ومحطة السياري خش بعدها مع الشارع المعارض يمين الي تخلي المعارض على يسارك والبسامي على يمينك اول اشارة سيده وثاني اشارة سيده وثالث اشارة يسار ابتل تجيك صناعية الشفا على يمين اول اشارة يسار وخفف السرعة اول دخله يمين خلها ثاني دخله يمين خش معها بين محلين على يمينك محل اسمه مدينة الكفرات والي على يسارك الراشد للمواد الغذائية ادخل وبتل سيده بالحارة بوجهك مسجد صغير المدرسة خلفه وبعدهـ اسمها ثانوية الامير سلمان

بالتوفيق بصراحة كن اعاني من المشاوين السنواات السابقة لي ثلاث اترام وانا امغط رايح جاي 100 كيلو تقريباً الحين بالتمام من البيت مخرج 30 الين المدرسة 19 كيلو رايح ولله الحمد .. فرحاً بالقرب و خايف من الاختبارات الله يعديها على خير ..

حبيت اوضح المركز للي مو عارف الوصف

الهواوي 666 2011- 12- 14 05:55 PM
رد: للتوضيح فقط .. توصيف لمركز الرياض 19
 
اخوي

دقيقه


بخلي المعااارض على الايمين ونااا رااايح جنواب


اكمل الوصف

قـف و نـاظـر 2011- 12- 14 11:25 PM
رد: للتوضيح فقط .. توصيف لمركز الرياض 19
 
اخوي لو خليت المعارض يمينك اول شيء انت بجي بوقت الحراج وزحمه خلك مع الشارع الي قبله الي تخلي المعارض على يسارك ووجهك جنوب ..

ابومحمدالقحطاني 2011- 12- 15 12:21 AM
رد: للتوضيح فقط .. توصيف لمركز الرياض 19
 
طيب والي جاي من الدائري الشرقي

ابواديب 2011- 12- 15 12:46 AM
رد: للتوضيح فقط .. توصيف لمركز الرياض 19
 
مافهمت ولا حاجه كله ابتل سيده انا ابغا اطلع مع مخرج 30وصف لي زين والاويش رايك اروح معك انا جارك

علي آل بركات 2011- 12- 15 08:37 AM
رد: للتوضيح فقط .. توصيف لمركز الرياض 19
 
بعد حوسة امس الله لا يوريكم مكروه


تدخل شارع المعارض بالشفا طبعا باتجاه الجنوب بعد ثالث اشاره تروح يسار (تصير الصناعية على يسارك )

اول اشاره تروح يسار ثاني دخله يمين المدرسه خلف المسجد الي راح يقابلك ثانوية سلمان


وطبعا الشكر موصول لاخوي قف وناظر بارك الله فيه

موفقين ان شاء الله تعالى

قـف و نـاظـر 2011- 12- 15 06:31 PM
رد: للتوضيح فقط .. توصيف لمركز الرياض 19
 
اقتباس:
المشاركة الأصلية كتبت بواسطة علي آل بركات (المشاركة 5123187)
بعد حوسة امس الله لا يوريكم مكروه


تدخل شارع المعارض بالشفا طبعا باتجاه الجنوب بعد ثالث اشاره تروح يسار (تصير الصناعية على يسارك )

اول اشاره تروح يسار ثاني دخله يمين المدرسه خلف المسجد الي راح يقابلك ثانوية سلمان

وطبعا الشكر موصول لاخوي قف وناظر بارك الله فيه

موفقين ان شاء الله تعالى
لبى قلبك تصير الصناعية على يمينك وقطع الغيار يسارك

آبوو شهد 2011- 12- 15 10:32 PM
رد: للتوضيح فقط .. توصيف لمركز الرياض 19
 
مركزهم موقعه غير واضح ابداً

امس الفجر الساعة ثلاث

قعدت ادور الفجر الين دخت ماحصلت المكان

يقولون فتح مكه طلع مو فتح مكه هو

تقاطع الامام مالك مع (شارع عرفات)

ღ A ღ 2011- 12- 15 11:09 PM
رد: للتوضيح فقط .. توصيف لمركز الرياض 19
 
احسني سافرت من الشرق الى الغرب طفت الرياض كلها

قـف و نـاظـر 2011- 12- 15 11:40 PM
رد: للتوضيح فقط .. توصيف لمركز الرياض 19
 
الله يعين .. احنا اول ثلاث اترام نسافر من الغرب الى الشرق ... هالترم ماتصبرون شوي ..


All times are GMT +3. الوقت الآن حسب توقيت السعودية: 05:10 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه