|
تعبت نفسيتي من الاقتصاد الله يرحم والديكم ساعدوني
السلام عليكم مرحبا اخواني واخواتي ان شاءالله الكل مستعد للاختبار يوم الخميس
انا ماني قادره استوعب شي من كثر ماأني شايله هم الاقتصاد اتعب نفسيتي وكرهني بالدراسه لدرجة فكرت انسحب بسببه تكفون اللي حس انه كان موفاهم وفهم يعلمني وش الطريقه وكيف قدر يفهم الله يفرج همكم ساعدوني ختمت كل المواد الحمدالله بس هلاقتصاد استغفرالله مافتحته من اشوفه تجيني غلقه وانحاش منه:Cry111: |
رد: تعبت نفسيتي من الاقتصاد الله يرحم والديكم ساعدوني
والله ياختي انا رسبت بالاقتصاد الجزئي وكان الدكتور بلغرسه ( جاب لنا اسئله مدري من وين )
والحين انا اخذت الاقتصاد مع الدكتور حسان بس ممكن افيدك بخصوص المحاضرة 14 جاب 18 سوال منها بالاختبار وهذا رابط الاختبار السابق http://www.ckfu.org/vb/t188265.html اما المنحنيات والطلب والعرض فانا زيرو فيها >> للاسف |
رد: تعبت نفسيتي من الاقتصاد الله يرحم والديكم ساعدوني
انا قررت ما اذاكرها :)
|
رد: تعبت نفسيتي من الاقتصاد الله يرحم والديكم ساعدوني
|
رد: تعبت نفسيتي من الاقتصاد الله يرحم والديكم ساعدوني
أنا بَعد زيك .. بسَ اختلف عنك بَ شيء .. آآممممم, انتي باقي لك الأقتصاد انا قررت ابداء فيه لأنه صعب ومن كم يوم أفتح اول صفحه و أسكرها ؛ و لما سمعت الشرح سكرته مرتن وحده .. والله شيء يضيق الخلق كلامه مَ فهمته و شايله همه و خايفه اسقط ولا بعد مَ فتحت شيء غيره :mh12: |
رد: تعبت نفسيتي من الاقتصاد الله يرحم والديكم ساعدوني
وعليكم السلام ورحمة من الله وبركاته
إذا وضعنا أصبح على كل مادة ننوح مشكله كبيره لكن الحل نذاكر المواد أول بأول يعني أول مادة علينا إختبار فيها بأول يوم نذاكرها ونمشي بالتتابع مع المواد لأني والله جربت اذاكر الماخوذ الأقتصاد والنفسيه قفلت وكرهت شي إسمه جامعه وأقول بنفسي لو انا جالس على ثانويتي أبرك لي أو بالأصح كل المواد مالنا غير نذاكر المواد حسب ترتيبها بجدول الأختبار لأن بسبب مادة وحده يمكن نفشل بكل المواد الباقيه هذي وجهة نظري الخاصه ونسأل الله التوفيق والنجاح للجميع |
رد: تعبت نفسيتي من الاقتصاد الله يرحم والديكم ساعدوني
ابحثوا عن عن شرح العضو ايزو الله يوسعها عليه دنيا واخره
كنت ميح فيها بس بعد ما شفت شرحه استوعبت الماده وفحواها .... والله يوفق الجميع يارب وييسرها |
رد: تعبت نفسيتي من الاقتصاد الله يرحم والديكم ساعدوني
اخت ميس كات
صدقيني والله انة سهل بس يبي لة تركيز في المحاضرة والكتاب فقط انا مثلك بالاول كرهت الجامعة بسببة بس بعد ما تعمقت فية لقيتة سهل حتى اني ما عاد ذاكرت فية وقلت يومين بتكفية انتي الان ركزي على الادارة واذا خلصنا منها على خير الي ما فهمتية صدقيني رح افهمة لك وبسهل الطرق والمنتدى مليان شروح وتعليم لة وعلشان تلرتاحين لو سمعتي المحاضرة رقم 14 وحليتي اسئلة الكتاب واسئلة العام بتنجحين باذن الله |
رد: تعبت نفسيتي من الاقتصاد الله يرحم والديكم ساعدوني
مرحبا اختي الكل يتفق بان شرح حسن غصان ميح وبنفس الوقت الاجيال اللي قبلنا جربوا اختباره يقولون اسهل اختبار بالمستوى الاول
عندك شرح بالغرسه ممتاز ابحثي عنه في الملتقى من خلال ايقونة البحث كمان عندك شرح لاحد الطلاب اللي قبلنا الله يسعده اسمة اسطورة زماني نزل مقاطع شرح فيها المنحنيات و الطلب و العرض كل مقطع تقريبا خمس دقايق ابحثي عنه في الملتقى وان كنتي تبغين نصيحتي اتركي الشروحات لا تقربينها عشان نفسيتك ما تتقفل اكثر اللي فيك مكفيك ركزي على الحفظ من ملخص سلمان النزال و ذاكري الواجبات و اقري النقاشات باذن الله تعدين بجيد او جيد جدا |
رد: تعبت نفسيتي من الاقتصاد الله يرحم والديكم ساعدوني
الله يجزاكم خير انا اقتنعت خلاص بركز ع الاداره والقانون وهالاقتصاد ببدا فيه بعد ماخلصهم والله لايحرمني منكم كلكم ويارب كلنا نبشر بعض بالنجاح انا بعد ماكتبت الموضوع قفلت الايباد ورحت السوق وتعشيت خخخخخخخ رحت اغير جو اهم شي النفسيه لوووول بس والله رجعت وشفت ردودكم انشرح صدري بسوي كل اللي قلتوه لي وفالنا النجاح
|
| All times are GMT +3. الوقت الآن حسب توقيت السعودية: 01:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام