ملتقى طلاب وطالبات جامعة الملك فيصل,جامعة الدمام - غرفه شاب >> قبل و بعد .. فهل من داعم لهم ؟؟؟

غرفة شاب سعودي قبل وبعد ،، فهل من داعم لهم ؟

السلام عليكم ورحمة الله وبركاته ،،

احببت ان اطلع لكم على نموذج من اعمال شبابنا السعوديين ،،

مشكلة جامعاتنا وكلياتنا ان مخرجاتها اكبر واكثر من مدخلات سوق العمل ،، مشكلة البعض من شبابنا السعوديين انهم بحاجه إلى دعم وتشجيع من المجتمع اولا وأخيرا ،، فما زال هناك سعوديين ينظرون الى بعض المهن بإحتقار وازدراء ،، ومع التوعية وتغيير النظرة ،، لبقيت اموالنا تدار بالداخل بدل ان يخرج بالمليارات إلى الخارج من قبل البنقال والهنود والآسيويين وغيرهم

تحيتي لهذا الشاب ولكل شاب يسير بخطى واثقه لكسر جمود هذا المجتمع وتحجر عقلية بعضهم ،، فالعمل ليس عيبا ،، وأجدادنا ممكن كان يرعى الغنم ،، وساقيا للقرية ،، وتاجرا للخردة وغيرهم من الاعمال المهنية الشريفة

نقلت لكم موضوع هذا الشاب بدون اي تعديل والمعذره على بعض الصور في عدم ظهورها ، فالسبب راجع لمركز التحميل

أسعد الله صباحكم ومسائكم ( كلن بوقته )
اول مره أتجرأ وافكر اسوي موضوع
حتى ان بعض الصور الي بتشوفونها كنت بنزلها من ضمن صور بموضوعي الجديد
يعني ماكنت ناوي اسويه موضوع وانزله عندكم لني حاس انه عادي أولأني ولد
بس جتني بعض الطلبات والشرهات إني أنزل الموضوع عندكم

الموضوع من بدايته ماكان ع البال اني أغير شي بالغرفه لأن مخططين بعد الصيف ان شاء الله
يكون في ترميم كامل للبيت من الداخل .. ومع العطاله الي مسببه لي وقت فراغ كبير جتني فكره
إني أغير وأعدل غرفتي بشي بسيط وغير مكلف وإذا غيرنا
وماجازت لي راح تتغير بشي احلى بعد الصيف .. لن كل شي سويته بالغرفه بيدي ومن افكاري

دورت لكم صور للغرفه قبل بالقوه لقيت هذي

http://i43.tinypic.com/21ade6h.gif

نبدأ الحين بحوستي فيها

http://img12.imageshack.us/img12/3342/82575862.gif

بدايه الموضوع طلعت كل شي وسحبت الدولاب والسرير بنص الغرفه والتي في معهم
ماقويت اخرجهم

جبت أغراض البويه سطل بويه أخضر فاتح وسطل بويه اسود وسطل بويه بيج خفيف
اخترت الالوان عشوائيه اللون الأخضر احبه والاسود حبيت ادخله بالغرفه لنه يعطي فخامه
وشطرطون ( لزق ) وباقي الشله << ماعرفت إسمها
ملاحظه : البويه يسمونها بوية بلاستك ميزتها مالها ريحه وتنشف خلال 3 ساعات
كل الي تشوفونه بالصوره ماخذها بـ ( 200 ريال )
اللون الاخضر ( 50 ريال ) اللون البيج ( 50 ريال ) اللون الاسود ( 60 ريال )
وباقي الاشياء ( 40 ريال )

http://img706.imageshack.us/img706/5413/64947292.gif

محروستكم الست لمار وقفة معي وقفه ما انساها وساعدتني طول اليوم
الصورة دعايه بس ولا وقفتها معي بالسواليف وسعة الصدر

http://img688.imageshack.us/img688/6362/79873226.gif

بدايتها جلست العب ويوم حسيت اني توهقت اشتغلت صح

http://img191.imageshack.us/img191/1349/57905332.gif

التي في شغال دامنا نشتغل بالجدار البعيد .. طبعا كانت الفكره جدارين باللون الاخضر الفاتح
وجدارين اسوي فيهم خطوط طوليه بالألوان الثلاثه .. اخضر وبيج واسود
كل سطل تضيف عليه علبة مويه ( ابو نص ريال )

http://img718.imageshack.us/img718/3390/37202820.gif

بكل جدار بصمه

خلصنا منه وانتهى الدلع والحين بدأ الجد

سويت نفسي مثل المعلمين وشلت الدريشه ونسيت اغطيها
والناموس دخل وبهذلني بعدين سكرنا عليه يحلفون اني ماخذت جرايد الاسبوع الي راح كله خخخ

http://img706.imageshack.us/img706/5329/45721704.gif

بدينا بالجد
بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق
خاصه اللون الاسود لنه ثقيل
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه

http://img688.imageshack.us/img688/3418/79426892.gif

مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب

http://img718.imageshack.us/img718/8466/41043737.gif

نلعب

http://img706.imageshack.us/img706/4168/28992084.gif

بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار

http://img37.imageshack.us/img37/774/87763790.gif

شوفوا كيف كئيب

http://img718.imageshack.us/img718/9598/29730317.gif

خلصت الجدار الأول ويوم جيت للجدار الثاني وانا ماعاد فيني حيل
فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت
ومن اليسار 3 أعمده نازله من فوق

http://img638.imageshack.us/img638/779/98020008.gif

كذا بس لسى ماكملت راح تشوفون وش سويت

http://img37.imageshack.us/img37/917/42252798.gif

وهذا الجدار الي فكرته جت بالوقت الضائع بس ماطلع خساره هنا بعد ما اكتمل

كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال ) وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )

http://img717.imageshack.us/img717/1165/32398520.gif

http://img51.imageshack.us/img51/83/36248185.gif

هذي نهاية شغلي بغرفتي والشغل أخذ من وقتي يوم واحد بس
حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي

اليس شبابنا احق بالدعم والتشجيع ،، فمواهبهم مدفونة ،، ووالله لو طلبت هذا العمل يقوم به من قبل شاب غير سعودي ،، لأخذ مني مبلغا اكبر من المتوقع

ماشاء الله تبارك الرحمن ...

مشـــــــــــــــــــاهده ممتعه ...