ملتقى طلاب وطالبات جامعة الملك فيصل,جامعة الدمام - أسئلة سخيفة بس مهمة << إلي يدخل يجاوب من قلب !

- منتدى كلية العلوم بالدمام (https://vb.ckfu.org/forumdisplay.php?f=62)

أسئلة سخيفة بس مهمة << إلي يدخل يجاوب من قلب !

السلاااااااام عليكم ..

حبيباتي أنا متخرجة من الثانوية من السنة الماضية .. لكني ما قدمت هالسنة بالكلية .. بقدم السنة الجاية باذن الله بقسم الفيزياء ..
بس أبغى منكم تجاوبون لي على هالأسئلة الغبييبة ..ز محتاجة إجابتها والله ..
وتسلمووون :

1- هل الجامعة للبنات فقط .. يعني بس ممكن إلي يدرسون فيها رجال .. لكنها تكون بنات مع بعضهم مو مختلط صح ؟
2- بما ان المدرسين رجال أكيد بنلبس عباية .. وغطا الوجه .. عادي يكون خمار . يعني بس العيون باينة .. وهل لازم نلبس قفازات لليدين ؟؟
3- هل في بالكلية أماكن نفسخ فيها عباياتنا . يعني أماكن بس للبنات .. ولا بنتم لابسينها طوول اليوم ؟؟ طيب وإذا كانت الأستاذة هي الي تعطينا المحاضرة .. نفسخ العباية عادي ولا شلون ؟
4- بالنسبة للدكاترة الرجال .. هل يعطون المحاضرات خلف شاشة معينة واحنا بس الي نشوفهم وهم ما يشوفونا ولا مثلهم مثل المدرسات بنفس القاعة .. وأبغى من البنات إلي يدرسونهم رجال يقولون لي كيف أسلوبهم بشرح يعصبون وكيف أسئلتهم .. وإذا كان في وحدة عندها سؤال أو استفسار عن شي عادي تسأل وهو يتقبل ولا شلووون أحسه صعب يا جماعة ؟؟
5- هل الكلية عندكم فيها أجبنيات .. يعني من جنسيات غير سعودية .. وإذا فيها شلون انقبلوا .. هل بمجموع معين ولا شلون ؟
6- متى موعد التسجيل للسنة الجاية بالضبط ؟
7- الكلية تقبل على أساس اختبار القدرات ولا شهادة الثانوية العامة ؟؟ وخاصة لغير السعوديات .. كيف بالضبط النظام ؟
8- الكلية هل هي برسوم مالية وكم قيمتها للفصل الواحد .. ولغير السعوديات بعد ؟
9- الي تسجل بقسم معين تختار جدولها بكيفها ؟؟
10- أبغاكم تحطولي مواد هذي الأقسام : فيزياء - علم النبات والأحياء الدقيقة -
وبالنسبة لقسم علم النبات والأحياء الدقيقة .. ليش جامعينهم مع بعض .. يعني ما يصير طالبة تدرس بس علم الأحياء الدقيقة لوحده من غير علم النبات أو العكس ؟؟

سؤال أخييييير ,, كل شخص يدخل يكتب شي إيجابي وشي سلبي عن الكلية .. وحزاكم الله كل خير
فطوووومة :)

رد: أسئلة سخيفة بس مهمة << إلي يدخل يجاوب من قلب !

حياك الله اختي..

اقتباس:

المشاركة الأصلية كتبت بواسطة فطومة 2009 (المشاركة 298060)

السلاااااااام عليكم ..

وعليكم السلام ورحمه الله
حبيباتي أنا متخرجة من الثانوية من السنة الماضية .. لكني ما قدمت هالسنة بالكلية .. بقدم السنة الجاية باذن الله بقسم الفيزياء ..
بس أبغى منكم تجاوبون لي على هالأسئلة الغبييبة ..ز محتاجة إجابتها والله ..
وتسلمووون :

نجاوب ليه لا :119:

1- هل الجامعة للبنات فقط .. يعني بس ممكن إلي يدرسون فيها رجال .. لكنها تكون بنات مع بعضهم مو مختلط صح ؟

ايه للبنات بس ما فيه اختلاط اكييييييييييد2-

بما ان المدرسين رجال أكيد بنلبس عباية .. وغطا الوجه .. عادي يكون خمار . يعني بس العيون باينة .. وهل لازم نلبس قفازات لليدين ؟؟

التواص مع الدكاترة الرجال يكون عبر الشاشة فقط لا غير وحتى ما يطلع شكله بس الورق3-

هل في بالكلية أماكن نفسخ فيها عباياتنا . يعني أماكن بس للبنات .. ولا بنتم لابسينها طوول اليوم ؟؟ طيب وإذا كانت الأستاذة هي الي تعطينا المحاضرة .. نفسخ العباية عادي ولا شلون ؟

ايه يا عمري العباية ما تلبسينها في الكلية ابدا

4- بالنسبة للدكاترة الرجال .. هل يعطون المحاضرات خلف شاشة معينة واحنا بس الي نشوفهم وهم ما يشوفونا ولا مثلهم مثل المدرسات بنفس القاعة .. وأبغى من البنات إلي يدرسونهم رجال يقولون لي كيف أسلوبهم بشرح يعصبون وكيف أسئلتهم .. وإذا كان في وحدة عندها سؤال أو استفسار عن شي عادي تسأل وهو يتقبل ولا شلووون أحسه صعب يا جماعة ؟؟

ايه المحاضرة عبر الشاشة فقط
والدكاترة الرجال زي الحريم فيه منهم الشين وفيه الزين بالشرح اقصد
اما يعصبون فكل واحد ونفسيته اذا عصبوه البنات بالازعاج يمكن لكن نادرا ما يعصب على البنات بمعنى تعصيب
اما اذا عندك سؤال او استفسار بالعكس احس سهل التواصل معه خاصة حتى لو ما فهمتي بنص الشرح وقفيه واسألي اما الحريم بعضهم صعبة شوي

5- هل الكلية عندكم فيها أجبنيات .. يعني من جنسيات غير سعودية .. وإذا فيها شلون انقبلوا .. هل بمجموع معين ولا شلون ؟
هم ما يقبلون الا السعوديات لكن يمكن اللي عندها جنسية او امها سعودية يقبلونها مو متأكدة من هالمعلومة
وفيه اجانب لكن نادر

6- متى موعد التسجيل للسنة الجاية بالضبط ؟

ما ادري لكن تابعي النت على نهاية العام موقع جامعة فيصل7-

الكلية تقبل على أساس اختبار القدرات ولا شهادة الثانوية العامة ؟؟ وخاصة لغير السعوديات .. كيف بالضبط النظام ؟
تقبل على اساس القدرات والثانوية مع بعض بس مو بنسب متساوية ما بينهم وما اعرف كم بالضبط القدرات وكم الثانوية8-

الكلية هل هي برسوم مالية وكم قيمتها للفصل الواحد .. ولغير السعوديات بعد ؟
الكلية بلاش وغير السعوديات ما يدرسون عندنا

9- الي تسجل بقسم معين تختار جدولها بكيفها ؟؟
لا الى الحين ما طبقوا هالنظام

10- أبغاكم تحطولي مواد هذي الأقسام : فيزياء - علم النبات والأحياء الدقيقة -
وبالنسبة لقسم علم النبات والأحياء الدقيقة .. ليش جامعينهم مع بعض .. يعني ما يصير طالبة تدرس بس علم الأحياء الدقيقة لوحده من غير علم النبات أو العكس ؟؟

ما عندي خلفية انا رياضيات

سؤال أخييييير ,, كل شخص يدخل يكتب شي إيجابي وشي سلبي عن الكلية .. وحزاكم الله كل خير
فطوووومة :)

شيء ايجابي انا احب مكتبة الكلية احس مفيدة وتزدادين معرفة بعلوم كثيرة يمكن البعض ينتقدها انها قديمة وغيره من هالكلام لكن والله مفيده خاصة وقت الفراغ
اما الشيء السلبي انك تخلين البنات يحطمونك وتسمعين كلامهم عن الدكاترة والمعيدات بأن هذي ترسب وهذي..
يعني خلي عندك هدف ولا يهمك تحطيم الناس

موفقة يا الغالية

رد: أسئلة سخيفة بس مهمة << إلي يدخل يجاوب من قلب !

ماقصرت اختنا الجادـ

موفقهـ :g20:

رد: أسئلة سخيفة بس مهمة << إلي يدخل يجاوب من قلب !

السلام عليكم
جزاك الله خيرا أختنا الجادة كانت أجاباتك أكثر من كافية ولكن أحب أضيف أن الكلية تقبل فقط السعوديات أو من أمها سعودية حتى لو كان والدها غير سعودي
وبالنسبة للنسب كل سنة يكون هناك نظام جديد يعلن عنه بعد نهاية السنة الدراسية
وبالنسبة لقسم النبات والأحياء الدقيقة هو قسم واحد وكان أمل القسم أن يكون هناك تخصص منفصل لكل منهما لكن لم يتم ذلك للآن
وبالتوفيق

رد: أسئلة سخيفة بس مهمة << إلي يدخل يجاوب من قلب !

السلام عليكم ورحمة الله وبركاتخه

اختي فطوم2009

مواد الفيزياء (مبادئ الفيزياء-كيمياء عامه-حساب تفاضل -احصاء- هندسه تحليليه-ثقافه اسلاميه-عربي-انجليزي)

هذا للفصل الاول...

تحياتي..

رد: أسئلة سخيفة بس مهمة << إلي يدخل يجاوب من قلب !

مواد علم النبات والأحياء الدقيقه
(كيمياء عامه "نظري وعملي " _ رياضيات عامه _ حيوان عام "نظري وعملي" _ نبات عام "نظري وعملي"_ E _ ثقافه اسلاميه _ عربي)

هذا للفرقه الأولي السمستر الأول

والاسئله ماقصرت اختنا كانت اجاباتها وافيه