ممكن شرح المحاضره العاشره لمدخل الى اللغويات (السهل الممتنع)
 

السلام عليكم




ياليت من فهم المحاضره اللي فيها عن العباره الاسميه والعباره الفعليه والخ يشرحها لي هنا (اتوقع انها المحاضره العاشره او اللي قبلها او اللي بعدها):cheese:


وله دعوه من قلب صادق :love080:
حقيقة انا فاهمه العبارات لكن بالمحتوى تلخبطت مدري خطأ من الدكتور أو سوء فهم مني


ودمتم بود احبتي

رد: ممكن شرح المحاضره العاشره لمدخل الى اللغويات (السهل الممتنع)
 

up

:tongue::106:

رد: ممكن شرح المحاضره العاشره لمدخل الى اللغويات (السهل الممتنع)
 

نقول ياليت





والله يحرم وجيهكم ع النار

رد: ممكن شرح المحاضره العاشره لمدخل الى اللغويات (السهل الممتنع)
 

انا سمعت محاضرات مدخل الى اللغويات قبل فترة مااذكر انه فيه شي غلط من الدكتور تاكدي من رقم المحاضرة اللي تبين وابشري اكتب لك على الاقل الافكار العامة بالعربي

دمتم بوافر الصحة والعافية

رد: ممكن شرح المحاضره العاشره لمدخل الى اللغويات (السهل الممتنع)
 

يعطيك العافيه اخوي موفق


بتأكد من رقم المحاضره واقول لك

رد: ممكن شرح المحاضره العاشره لمدخل الى اللغويات (السهل الممتنع)
 

يعطيك العافيه اخوي



هي المحاضره العاشره


ياليت تعطينا ملخصها باختصار ولك كل الشكر والتقدير


موفق ان شاء الله

رد: ممكن شرح المحاضره العاشره لمدخل الى اللغويات (السهل الممتنع)
 

طيب بسيطه ان شاء الله

المحاضرة العاشرة بدات بالحديث عن دراسة علم معاني الكلمات والجمل وليش احيانا نطلق بعض الاسماء على اشياء لا تحمل نفس المعنى الحقيقي للكلمة وكان جايب مثال عن fire department ليش اسمها كذا مثلا ليش ماكان اسمها extinguishing department

ثم تكلم عن المعنى الظاهر للكملة والمعنى الباطن


تكلم عن خصائص معاني الكلمات وانه الجملة مثلا ممكن تكون صحيحة نحويا لكن ماتكون صحيحة المعنى


تكلم عن دلالات المعاني ويعني ايش فعل او فاعل او مفعول يعني اش مكان خبرة جهاز

يعني ايش مصدر وهدف

تكلم برضه عن انه الكلمات مش بس لها معنى برضه فيه شي ابعد وهو علاقتها مع بعضها البعض وانه ممكن نستدل باسم على مجموعة او بنوع على جنس معين كالنرجس من الورود


تكلم عن المرادفات وانه فيه كلمات كثير تحمل معنى واحد

تكلم عن المضادات وانه فيه كلمات تعني عكس الكلمات الاخرى

من الاشياء اللي تكلم عنها في المحاضرة العاشرة

synonymy كلمات لها نفس المعنى

antonymy كلمات لها عكس المعنى

hyponymy معنى الكلمة متظمن لمعنى اخر واورد مثال عليها انه النرجس يتظمن معنى الورود



تكلم عن prototypes النوع الاشهر الدال على جنسه


تكلم عن homoghones كلمات لها نفس النطق لكنها تختلف في الكتابه too to two

تكلم عن homonyms كلمات لها نفس الحروف لكنها تختلف في المعنى bank البنك bank حافة النهر

تكلم عن polysemy الفاض تستخدم في اكثر من معنى ضرب مثال عليها في الكتاب foot

تكلم عن metonymy كلمة مستبدلة عن كلمة اخرى مثال شرب الكاس كله والمقصود انه شرب الماء كلمة كاس المقصود فيها الماء


واخيرا collocation كلمتين دائم تكون مع بعض غالبا ما تقال كلمة الا تقال الاخرى معها


انا اعتذر اذا كتبت شي غلط عن سوء فهم مني لا تعتمدين علي كثير انا برضه طالب اتعلم لكن لو قرأتي كل ماكتبت واعدتي سماع المحاضرة باذن الله تفهمينها ويمكن تتلافين الاخطاء اللي انا وقعت فيها

تمنياتي لك وللجميع بالتوفيق

رد: ممكن شرح المحاضره العاشره لمدخل الى اللغويات (السهل الممتنع)
 

الله يجزاك كل خير اخوي

شرح رائع ومختصر

ماقصرت


الله يجعلها بميزان حسناتك

بس مو ذي المحاضره اللي قصدت معليش تعبتك معاي شكلي غلطت برقم المحاضره من الاستعجال :71:


برجع لمحاضرتي واسمعها من جديد

والله يوفقنا واياكم