|
لطالبات قسم الادب الانجليزي ...
لطالبات قسم الادب الانجليزي ... حبيت استفسر عن التخصص و عن اعضاء هيئة التدريس .. كيف تعاونهم مع الطالبات |
رد: لطالبات قسم الادب الانجليزي ...
no answer :( |
رد: لطالبات قسم الادب الانجليزي ...
انا سنه اولى
في المقال عندك هيا العجمي ومرام العمري معيدااات قمه بالروعه والشرح وممتازات في النثر دكتوره هاله عويدات انسانه جديه وشرحها تمام اهم شي تكتبين معاها وقت المحاضرة وتستوعبين وش تقوول وتذاكرين اول باول لان اسئلتها الله يهديها صعبه واهم شي وقت الاختبار تكتبين المختصر المفيد بالنسبه للقرامر هي مس تهاني العبدالقادر ممتازه وحاولي تركزين معاها وقت الشرح والله يعينك لان اسئلتها صعب حيل بالنسبه للترجمه مس رانيا الغامدي هذي الله يسلمك تبدع بس بالترجمه واسئلتها مو هينه يبي لك تحفظين قاعدات الي بالكتاب وتعرفين وش تحب وش ماتحب وتخططين معاها اول باول والستدي سكل <<مهارات << فوزيه وععععع كريهه ماتعرف تشرح وماتعرف وش تخليك تذاكرين الدنيا سايبه عندها ووقت الاختبار تتوهقين الله يعينك اني وي واالصوتيات دكتوره وفاء حلوه اسئلتها وحلو شرحها تمشي الحال واخيرن السبوكنق عندك ديما المقله وعهود الدرعان هذولي رووووووووووعه خطيرات بتنجحين بتنجحين عندهمم اما الشعر والمسرحيه ماعندنا دكاتره ماقدر احكم لك الله يوفقني انشاءالله وانجح واعدي هالسنه على خيير :Cry111: |
رد: لطالبات قسم الادب الانجليزي ...
مآ شالله أختي نايفه كفت ووفت بس انا اختلف معها بنقطة مس فوزيه انا بالنسبه لي مس فوزيه شرحهآ ممتآز بس اهم شي يكون عندك دكشنري ممتآز .. ويكون عقلك معهآ بالكلآس ومن نآيحة الاسئله صرآحه هي تضيعك نوعا مآ بس اذا ركزتي معهآ تمشي اما للقرمر :011: فصرآحه انا وحدهـ ماافهم ولا شي على مس تهآني :Cry111: ومن جد اسئلتهآ صعبه بالنسبه لشرحهآ :bawling: والله يكون بعون الجميع ولكن بصفهـ عامه الانجليزي ممتآز جداً بكليتنا واتمنى ان حنا افدنآآك |
رد: لطالبات قسم الادب الانجليزي ...
وشو فوزيه ممتاز لاوالله حرام عليك انها ماتعرف تشرح ولا تعرف شي مادري وش مخليها معيده
هههههههه محسوبه علينا مدرسه على الفاضي وبالنسبه لمس تهاني لا بلعكس روحي قدام واستوعبي معاها انا اذكر وقت الامتحان كل الاشياء الي تعيد عليها وقت المحاضرة جابتها يااارب توفقنا وتسهل علينا وتشرح صدورنا:Cry111: |
رد: لطالبات قسم الادب الانجليزي ...
عزيزتي ( نايفهـ ) يعطيكـ ألف عافيهـ و يوفقكـ يارب .. :119: لساتكـ بأول الطريق اللهـ يعينكـ ( بنت ابوها ) يو تو يوفقكـ .. بس ما قلتي أنتي بأي سنهـ !! انا بسنهـ ثالثهـ و ناويهـ أكمل ان شاء اللهـ بالجبيل .. و ياريت حد يخبرني كيف اتواصل مع ادارة الكليهـ .. سواءا رقم او ايميل او اي شي .. |
رد: لطالبات قسم الادب الانجليزي ...
والله صادقه نايفه شرحها يرررررررررررررررررررفع الضغط واذا قلنا اشرحي
قالت هو بالعقل<<<<<<اذتنا بهالعقول والله لو هي تحسب انه ماعندنا عقول وتشرح زي الاوادم ابرك وبالنسبه لمس تهاني فوالله حبيبه بس القرامر مايناسب شرحها ماحسها تشرحه بذمه الله يهديها مافهمت شي عليها طووووول الترم بديت احس اني غبيه من جد ههههههههههههههه الله يوفق الجميع ويكون بعونا:Cry111: |
رد: لطالبات قسم الادب الانجليزي ...
السلام عليكم انا سنه ثانيه انجليزي اول شي انك لازم تحبي القسم وترتاحين فيه وتذاكرين بجد ويكون فيه حماااس اقولك شي عن القسم اولا" الاساتذه : طبعن البنات قالو لك عن معظمهم , بس في طتوره ناظمه هذي تعلم شعر ماكانت موجوده هذا الترم لكن درستنا السنه الي فاتت طبعن هي هنديه ! يعني مو كل البنات يفهمون على شرحها لكن بالنسبه لي انا حبيتها وحبيت شرحها بس لازم تكتبين معها وتركزييين وماتفويتن ولاااا كلللمه !! بالنسبه الى فوزيه السنه الي فاتت عملتني study skills ولا حبيتها لان شرحها كان مره مو اوكي وماستفدت شي في النهايه لكن السنه هذي درستنا Spoken وشرحها مره حلو بس اذا انتي سنه ثالثه وبتحولين فمارح يكون عندك study skills ارتحتييي لانها مالها داعي ! بالنسبه الى انك رح تحولين وماتعرفين وين تروحين انا صديقتي كانت بالخفجي وحولت للجبيل لكن هي المفروض تكون سنه ثالثه بس في بعض المواد عنا هي ماخذتهم لما كانت بالخفجي او كان منهجهم غيير مثل الحضاره والشعر والترجمه فـ اضطرو انهم يرجعونها سنه ثانيه وتدرس هذولا المواد انا مانصح بالتحويل لان ممكن يسبب مشاكل لمستقبلك لكن اذا هذا شي انتي مصره عليه وفيه ظروف فـ الله يوفقك وانشالله كل شي يكون تمام Good Luck :love080: |
رد: لطالبات قسم الادب الانجليزي ...
انصحك ماتجيييييييييييييييييييين كليتنا ممله .. ولا تحسين انك طالبه جامعيه .. الاساتذه عندنا اهم شئ يكرفووونك مو يفهمونك وتتخرجين صح .. ان شاءالله اتخرج وافتك .. |
رد: لطالبات قسم الادب الانجليزي ...
انا سنه رابعه ..اذكروا الله:119:
طبعا خلاص حفظنا اسلوب كل استاذه وعرفناه اول شي د. هاله احسن وحده تشرح واحسن وحده تسقط:g10: .. في مادتها اكتبي المختصر المفيد the theme is,the technique is ,the speaker is لا تطولين وتشرحين وش صار بالاحداث .. بس الزبده.. ولا تنادينها اذا جاء الامتحان ما تساعد .. د. منى .. هذي عسوله بس اسئلتها احيانا تكون صعبه ..بس اهم شي انها تنجح وتمشي البنات .. د. وفاء رئيسة القسم .. هذي ركزي معها فالمحاضره زين وخليها تحفظ وجهك وتعرف اسمك اطلعي لها بكل مكان حتى لو بالحلم:cheese: المهم بيني لها انك حريصه ع الحضور وشاركي معها واذا جاء الامتحان ناديها واسأليها ترا تساعدك وتقول لك اذا اجابتك غلط او صح .. هيا و مرام عسوووووووووووووووولات وحبوبات ركزي معهم .,.. عهود اهم شي ماتتكلمين بمحاضرتها .. اما الدكاتره الرجال فالدراسه معهم اسهل واوضح .. طبعا شي معروف ان الرجال يرحمونك كطالبه اكثر من الدكتورات :cheese: .... اي سؤال انا موجوده |
| All times are GMT +3. الوقت الآن حسب توقيت السعودية: 07:01 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه