|
بنات .. يصير هالشيء أو مايصير ^^
السلام عليكم ورحمة الله وبركاته حيــاكم الله بنات أفضفض لكم شوي :$ أدرس رياضيات مو عن رغبة ولا حب فيه حتى ميول له مافي للأسف وكل تخصصات الكلية فيزياء / كيمياء / أحياء .. مافي بيني وبينها أي صلة للأسف برضوا والرياضيات دخلته على أساس أهون من التخصصات الباقية بالنسبة لي أنا ألقاني في حاسب / أنجليزي .. هذول أبدع فيهم ^^ المهم يا بنات ولا أطول عليكم لي في الرياضيات 3 سنوات .. مستواي الدراسي نظراً لظروفي الصحية سيء جداً وللأسف ماراح أتخرج السنة القادمة .. يتطلب أدرس سنة خامسة .. والحمد لله على كل حال - السؤال الآن .. يصير بعد 3 سنوات في هالتخصص أحول للآداب ..؟ أنا تو أدري أن عادي طالبة علمي تدرس أنجليزي ! وللا مايصير ..؟ |
رد: بنات .. يصير هالشيء أو مايصير ^^
يصير اذا عندك واسطه :biggrin:
|
رد: بنات .. يصير هالشيء أو مايصير ^^
^
صادقه :biggrin: يصير :106: بس تأكدي من الشروط أن أتميتي عدد ساعات معين ومعدلك ما يقل عن المعدل المطلوب للتحويل وتقدمين طلب تحويل وتشوفين يقبلونك أو لأ وبالتوفيق :love080: بس على فكره شهادتك مرره حلوه رياضيات ما بقا لك غير سنه وخذي بعدها دورات إنجليزي/حاسب لأنو زي ما سمعت لازم تدرسين مواد التحضيري حقت الأداب وبعدها بناء على معدلك ممكن يحطونك في أي تخصص عربي أو جغرافيا وتصيرين لا نلتي عنب اليمن ولا بلح الشام :biggrin: |
رد: بنات .. يصير هالشيء أو مايصير ^^
^
نفس كلآمها :(204): بس في طلب التحويل تقدرين تختآرين التخصص اللي تبغينه و اذا وآفقو و حولوك له .. بيصير لآزم تدرسين التحضيري للآدآب كآمله .. و من بعدها تمشين بتخصص الانجليزي |
رد: بنات .. يصير هالشيء أو مايصير ^^
حراااااااااااااااام ترجعين تدرسين انجليزي من اول
صعبه خلاص باقيلك سنه والله يوفقك وماتدرين يمكن خيره وبكره تتخرجين وتتوظفين |
رد: بنات .. يصير هالشيء أو مايصير ^^
لاتحولين !! انا نفسك احياء وكان ودي احول انجليزي .. بس حرام يضيع من عمرك ومابقى الا الطرف الاخير .. شدي حيلك ولاتحطين ببالك افكار زي هذي .. انا هالترم بغيت ما اكمل<< احس ودي افضفض بقلبها مواجع آهـ بس =( الزبده لاتحولين :Cry111: جد قهـــر يآ بت :biggrin: |
رد: بنات .. يصير هالشيء أو مايصير ^^
لااتحولييييين ماابااقي شي :Cry111:ونفس الي قالت تقدريين تااخذين دورة انجليزي
وان شاء الله خيره:love080: |
رد: بنات .. يصير هالشيء أو مايصير ^^
وعليكم السلام ورحمة الله
قبل 3 سنوات فكرت احول >< استهديت بالله وقعدت في الرياضيات مثلك تماما لا احبه و لاشي بس لو ما خلصتي ما راح ترتاحين فرق لما يكون معك شهادة وبعدها تدرسين اللي تحبينه لغات او حاسب او اي شي ثاني ولما تبدين كل مره في شي وتضيعين عمرك من جد وترى الانجليزي ما يكفي فيه ان عندك لغه والله متعب جدا المنهج اللي ماشين عليه عندنا تكرهين عمرك خير 10 مدري كم مادة وكلها حفظ وغثا تقدرين تضغطين على نفسك بالرياضيات وحاولي تاخذين صيفي وعادي لو زادت سنه وين المشكله يعني وعقبها تبين بكالوريوس انجليزي عندك الجامعة العربية خذي فيها او باي معهد دبلوم انجليزي وخلصنا على فكره لو مرتاحه للتحويل وحاسه فعلا مافيك طاقة تكملين استخيري و اعزمي لانها حياتك ودراستك انتِ () وكل التوفيق يا رب |
رد: بنات .. يصير هالشيء أو مايصير ^^
انتي استخيري وشووفي اللي يريحك :wink: ما خاب من استخار
واذا ارتحتي تحوولين ابذلي الأسباب واطلبي تحويل وسوي اللي علييك واذا ما انقبلتي او صار في أشكاليه فهذي خيييييره و ربي يعلم الخير لك ممكن الخير لك تجلسين بالماث ومع الوقت بتتعودين عالوضع :(269): وان شاء الله تحبين القسم :love080: :love080: وانتي تفائلي :wink: (( تفائلو بالخير تجدوه )) وربي يووفقك :106: |
رد: بنات .. يصير هالشيء أو مايصير ^^
يمقن ايه ويمقن لا ؟؟؟
بس لا تنسين انك بتبدين دراسة من اول وجديد لان مافي شيء يتعادل من موادك مع موادهم |
| All times are GMT +3. الوقت الآن حسب توقيت السعودية: 03:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه