|
ممكن مساعدة بالجدول والدكاترة
السلام عليكم ورحمة الله وبركااته ..
صبحكم الله بالخير .. شخباركم ؟ عندي كذ استفسار ماعليكم امر ياليت تساعدوني علشان اعتمد جدول نهائي لي وماباقي وقت ولان كلهم مااعرف عنهم شيء ولا ابغي اختار عشوائي .. جدولي لمستوى ثالث سلم3 2 علم النفس التربوي مهارات التفكير والتعليم مقدمة في تاهيل ذوي الاحتياجات الخاصة مدخل الى تربية الموهوبين التربية الخاصة بالمملكة الصحة النفسية تطبيقات الحاسب ومن مستوى ثاني باقي لي بناء وتطوير المناهج مهارات البحث التربوي الاسئلة .. سلم 3 2 وش اسم مواد السلم ماعليكم امر ومن وين اجيب ارقان crn موجودين وين ماشفت بالجدول مهارات التفكير والتعليم محتارة من اختار من الدكتورات سعاد العرجي او جوهرة الصقر او زينب عبد الرازق او غرامة الاسمري مدخل الى تربية الموهوبين التربية الخاصة بالمملكة الصحة النفسية هالثلاث المواد ماشفتهم بالجدول كيف مابينزلوهم هالترم لنا ؟ وبالنسبة لتطبيقات الحاسب ماشفتها هالمادة وين احصلهاااا ؟؟؟؟؟ واسئلتي لمادتي مستوى 2 مهارات البحث وش الافضل د حوريا سعيد ولد يحيا او سعاد العرجي بناء تطوير المناهج محتارة بينهم ولان مااعرفهم مااقدر اختار عشوائي ليلى الزراعه او عطار حسن كعكي او صباح العرفج وياليت تساعدوني وادري انكم ماتقصرو |
رد: ممكن مساعدة بالجدول والدكاترة
وعليكم السلام والرحمة
سؤال : أنتي انتساب ولا أنتظام ؟؟ ارقام crn موجود في الجدول بعد رقم المقرر يتكون من 5 ارقام سعاد العرجي --> شرحها حلو واسئلتها سهلة بس منهجها طويل زينب --> صديقتي مجربتها السنة تقول حلوه ماعليها كلام واسئلتها الشهري حلوه بعد تطبيقات الحاسب موجوده في هذا الرابط نازلة عند عزة جميل شعبتين http://bannerinb.kfu.edu.sa/KFU/ws?p...&p_sex_code=12 بالنسبة الحوريا يقولون صارت احسن من قبل اسئلتها دائما موضوعية بناء وتطوير المناهج جربت ليلى الزراعة تحب توصل المعلومة بطرق مختلفة تخليك مع مجموعة تسوين عرض وتشرحين للبنات منهجها بسيط .. بس بنهائي ماأحس اخذت حقي صباح البنات قالوا انهم تعبوا معها بس بالنهاية طلعتهم توب اجوبتي تعتمد اذا كنتي انتظام لأن الأنتساب ماأعرف الجداولهم بالتوفيق |
رد: ممكن مساعدة بالجدول والدكاترة
حاليا ا نتظام لاني كنت قبل انتساب ومن الترم الجاي انتظام
وبنتظار جوابك على باقي المواد لان كلش ماعندي خلفية وبالنسبة سلم3 وش اسم المادة ووين احصلها وبنتظارك حبوبة |
رد: ممكن مساعدة بالجدول والدكاترة
اهلا سلم 1 >> عقيدة اسلامية سلم 2 >> قضايا ثقافيه معاصرة هذي الثنتين متطلبات الجامعه الاجبارية اما سلم 3 وسلم 4 هذي متطلبات الجامعه الاختيارية يعطونا 6 مواد نختار 2 والباقي ماندرسهم المواد هي : أخلاق أسلاميه - نظام أقتصادي - نظام أجتماعي - نظام سياسي - الاسلام وقضايا العلم والتقنيه - فقه السيره وهذي المواد تلقينها بجدول كليه الاداب هنا : http://bannerinb.kfu.edu.sa/KFU/ws?p_trm_code=143220&p_col_code=74&p_sex_code=12 اما المواد اللي مانزلولها ارقام CRN هذي مافتحوا لها شعب انا اخذت بدالها مدخل للاعاقه السمعية ومدخل للاعاقه البصرية . ان شا الله المعلومات اللي قلتها صحيحة وشكرا |
رد: ممكن مساعدة بالجدول والدكاترة
اقتباس:
انتي كم مادة ناوية تاخذي.. فقه السيرة انا اخذتها قبل .. زادت حيرتي بالنسبة حق ذول أخلاق أسلاميه - نظام أقتصادي - نظام أجتماعي - نظام سياسي - الاسلام وقضايا العلم والتقنيه ياليت اهل الخبرة يفدونا ويش نختار بين ذول .. |
رد: ممكن مساعدة بالجدول والدكاترة
العفو :119: انا اخذت 8 مواد و كمان درست فقه السيره وسألت قبل عن هذولي المواد قالوا لي اخلاق اسلاميه مرره سهله اخذتها السمستر |
رد: ممكن مساعدة بالجدول والدكاترة
انا هم حطيت بالجدول اخلاق ..
بس حاليا رسيت على 7 مواد .. ومشكووورة ضجكة .. والله يكتب الي فيه الخير .. |
رد: ممكن مساعدة بالجدول والدكاترة
العفوو ويارب يسهل |
رد: ممكن مساعدة بالجدول والدكاترة
بالنسبة المواد الدين
خطتنا الدراسية تختلف عنكم حنا درسنا النظام الأقتصادي في الأسلام سهلة سهلة وبسيطة النظام السياسي والاجتماعي في الأسلام --> مادة وحدة سهله سهله ملاحظة " المادة تكون سهلة أو صعبة على حسب الدكتور الي تختارينه " إذا مادة نازلة عند د / خالد الحصين أخذيه وانتي مغمضة رووووعة هالدكتور شرح واسئلة واسلوب منهجه : تكتبين معه بالمجاضرة كل شي وتذاكرين منه ماتتعداء عشر اوراق إذا انتي نوعيتك غياب وتسحبين على المحاضرات مانصحك فيه :119: ود/عبدالله السماعيل بعد روعة اخذت عنده سياسي منهجه سهل ولا يغير اسئلة الأختبار كل سنة نفسهم ود/ أحمد السلوم روووووعة في النهائي يحذف جزئية الشهري والمنهج قليل وسهل هذا الدكاترة الي اخذت عندهم إذا نازلة عندهم احد المواد لا تفوتينها |
رد: ممكن مساعدة بالجدول والدكاترة
اقتباس:
موجود بالجدول د عبدالله السماعيل .. بس انسب شيء لي مادة الاخلاق لــ د حنان بيردوي ماقصرتي حبااابة .. الله يسهل لك امورك .. ويعطيك العافية .. |
| All times are GMT +3. الوقت الآن حسب توقيت السعودية: 04:12 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه