ملتقى طلاب وطالبات جامعة الملك فيصل,جامعة الدمام

- - ممكن مساعده بخصوص التسجيل (https://vb.ckfu.org/showthread.php?t=25600)

ممكن مساعده بخصوص التسجيل

السلام عليكم

اسعفوووني بصرااحه طلعت روحي وزهقت ومليت حياتي
وكلما افتح لي باب يتقفل بوجههي بققوه

والحين اناابي كليه الدراسات ويوم عزمت ابسجل فيه حطولي عراقيل

الحين عادي انا اقدم فيها
تراني قديمه شهادتي بالاحرى طاف تاريخها
وانا ادبي ونسبتي لكم عليها مب نازله للقاع ولا مرتفعه وخير لامور الوسط

فما ادري انا لما دقيت عليهم قالوا على حسب الاولويه وهناك شروط للتسجيل شنووو مادري
انتم تعرفونها ؟؟

علومني والله محتاره ابي مكان ادرس فيه بفلوووسي بس موثوق مو مثل المعاهد :000:

رد: ممكن مساعده بخصوص التسجيل

جروح بارده
و عليكم السلام

أهم شي ما تكون نسبتك في الثانوية أقل من 70%
و فيه أولوية مثل ما قالوا لك ..

بحيث أنهم ممكن يقبلون طلبات القبول ألي فيها نسب أعلى
و لا تنسين أن عدد مقاعد الدراسة محدودة ،،،

برضو لابد شهادتك ما طاف عليها أكثر من خمس سنوات ،،

أنصحك تتوكلين على الله و تقدمين
و إن شاء الله تنقبلين :praying:

رد: ممكن مساعده بخصوص التسجيل

يعني امش بوزي

من ناحية النسبه لا تمام فوق الثمانين

بس المشكله انا سنه ثالثه كليه بادآب الدماااام انتساااب بس نفسيتي تعبت خلاص مفيني قوه اني اكمل ابي حاسب برمجه

المفروووض انا الحين متخرجه بس راحت علي سنتين والسبب مرضت في نص السنه واضطريت الى تاجيل سنه

يعني من رايك اروح اسجل عادي؟؟؟

وهم بعد الى متى التسجيل

وقواك الله وعطاك الله العافيه

رد: ممكن مساعده بخصوص التسجيل

الله يفتح عليك اختي الخير دائما والله فرحت من رد الاخ ابو احمد وكان ودي في هالاجابه من زمان
طيب اخوي ..
انا شهادة الثانويه اكثر من 5 سنوات والنسبه 84
وعندي دبلوم حاسب ماصار لها اكثر من 5 سنوات عام 2004 يوم اتخرج
ماهو الهدف معادلة المواد لان عارفه مافي معادلة لها بس اريد ادرس وتكون عندي بكالورويوس ومثل ماقالت اختي جروح بارده مانريد معاهد مش ثقه
ياليت تقول لنا رد بهذا الخصوص ..
لان جميع الابواب مقفله الا باب واحد هو باب الله ..
نتمنى منك الرد الان

رد: ممكن مساعده بخصوص التسجيل

اقتباس:

المشاركة الأصلية كتبت بواسطة جروح بارده (المشاركة 291820)

جروح بارده
توكلي على الله و سجلي
و إن شاء الله تنقبلين ،،،

حالياً لا تسحبين ملفك و لا تفصلين
إذا صار لك قبول .. اسحبي الملف :g8:

أما بخصوص إلى متى التسجيل .. للأسف ما عندي معلومات
بس أعتقد آخر شي الآن ..

يعني قبل بداية الفصل الدراسي الثاني بشهر
أرسلي ولي أمرك للكلية .. و رايح يتضح لك كل شي

رد: ممكن مساعده بخصوص التسجيل

اقتباس:

المشاركة الأصلية كتبت بواسطة فرحة العمر (المشاركة 291881)

فرحة العمر
إذا كنتي دارسة في معهد أهلي .. ما اعتقد رايح يعادلون لك المواد
يعني لابد تدرسين من جديد .. من البداية

أما بخصوص مضي أكثر من 5 سنوات على شهادتك الثانوية
هم ترا ما يركزون كثير بمثل هالأمور .. لأن الدارسة بفلوس
بس هم يعملون مفاضلة بين طلبات القبول .. و الأفضل يقبلونها

انتي توكلي على الله و سجلي
و بإذن الله تنقبلين :praying:

طلاب و طالبات كلية الدراسات التطبيقية و خدمة المجتمع يدرسون على حسابهم لمدة سنتين .. و بعدين إذا حصلوا على معدل 2.75 من 5 .. بإمكانهم يكملون دراستهم في كلية العلوم الإدارية و التخطيط لمدة سنتين و يحصلون على درجة البكالوريوس .. و برضو يعطونهم مكافأة خلال فترة دراستهم في كلية العلوم الإدارية و التخطيط

يعني مجموع سنوات الدراسة هي أربع سنوات
سنتين على حسابك في كلية الدراسات التطبيقية و خدمة المجتمع
و بعدين سنتين مجاناً في كلية العلوم الإدارية و التخطيط و يعطونك برضو مكافأة ..

هذا هي الخطة الدراسية لكلية الدراسات التطبيقية و خدمة المجتمع
http://buahmed.15.2008.googlepages.com/Prog_COlll_a.JPG
http://buahmed.15.2008.googlepages.com/Prog_COlll_b.jpg

السنة الأولى :
الفصل الدراسي الأول : 17 ساعة = بــ 8500 ريال
الفصل الدراسي الثاني : 17 ساعة = بــ 8500 ريال

السنة الثانية :
الفصل الدراسي الأول : 16 ساعة = بــ 8000 ريال
الفصل الدراسي الثاني : 17 ساعة = بــ 8500 ريال

كل ســاعة بــ 500 ريال
مجموع عدد الساعات : 67 ساعة
يعني 67×500= 33500 ريال

رد: ممكن مساعده بخصوص التسجيل

كفيتِ ووفيت والله
وهذا الكلام كيف اذا كانت الدراسه برسوم وفيه شروط تعجيزيه للبعض
انا متخرجه من كلية المجتمع وهي حكوميه والمعدل مرتفع
والهدف مثل ماقلت ماهو معادلة المواد ماعندي مشكله اني ادرس من البدايه ابدا اهم شئ تكون عندي بكالوريوس لاني تعبت من كثر ما اريد اكمل على الدبلوم وماكو مكان او يكون التكاليف غاليه جدا
لذا راح اسجل في هذه الكلية والله كريم ..
بس لاني اتصلت وقالوا لي مايصير الثانويه اكثر من 4 سنوات وهذا الشئ اقلقني لكن ماخاب من توكل على الله
دعواتكم لنا ..
وشكرا

رد: ممكن مساعده بخصوص التسجيل

ماقصرت والله فيك الخير بو ااحمد وعطاك الله العافيه
عم

فرحة العمر لله يرفجها لك ولي يااارب وللجميع ان شااااء الله

بس ماعندي نسخه للشهاااده فبطر اني اسحبها

وان صار لي نصيب فالف شكر لله وان ماصار فالف شكربعد ونصيب راح ارضى له

وقواكم الله

رد: ممكن مساعده بخصوص التسجيل

اطلبي منهم يعطونك نسخه منها اذا قدرت افضل اختي
والله يوفق الجميع

رد: ممكن مساعده بخصوص التسجيل

مساء الخير
دكتور احمد الشعيبي انا طالبه مستجده ,وجيت ابسجل حق السمستر الثاني
ودخلت الرقم السري غلط وهو بالاصل انا ناسيته ,بعدين منعمني من دخول النظام

ايش اسوي؟

الى دكتور احمد الشعيبي