|
تخصص اللغه الانجليزيه ام التربيه الخاصه :s
السلامم عليكم .. صبآح / مسآء الخير ع الجميع =)
بصراحه انا محتاره كثيير واتمنى انكم تساعدوني .. او ممكن احد مثلي جرب هالشي اتمنى يفيدني واتمنى ماينقلب الموضوع شات ><" انا نزلت موضوع قبل وقلت ان كانت نسبتي توب ووقت التسجيل حطيت اداب رغبه اولى والتربيه رغبه ثانيه مع اني كنت اقدر احط تربيه وانقبل .. بس انا احب الانقلش كثييير وحطيت الاداب عشانه .. لكن لما بدت الدراسه الحين الكل يقول لي ليه ماحطيتي التربيه وان لها مستقبل ووو من هالكلام طبعا جاني تحطيييم من كل جهه اني دخلت الاداب ليه مدري ؟؟ وقلت ان ميولي هالتخصص واحبه كثير ودخلت ادبي اصلا لاني عارفه بالاخير بتخصص انقلش اللي حصل الحين اني متحطمه كثثير من الكلام اللي اسمعه وقالو لي هو ادب وش بتستفيدين منه ومن هالكلام لدرجة ان جا ببالي احول للتربيه مع ان ابد مو ميولي لا تربيه خاصه ولا اطفال ومااتخيل نفسي ادرس بروضه او شي من هالقبيل :s لكن كلامهم خلاني ابدا افكر بأشيا كثير والله تعبت من كثر التفكير وصليت استخاره بس ماحسيت بشي الى الان وقلت بنزل موضوع واللي عندها خبره تفيدني هل صحيح التربيه مستقبلها افضل من اللغه الانجليزيه ؟!!! وهل صحيح دراستنا يغلب عليها الادب ؟؟! الشي الوحيد اللي سمعته وعجبني ان بسنه ثالثه نختار ايش ندرس ترجمه او لغه او ادب هل صحيح هذا الشي والا ؟ ياليت احد يفيدني ويريحني .. خصوصا بنات القسم . |
رد: تخصص اللغه الانجليزيه ام التربيه الخاصه :s
و عليكم السلام ورحمة الله وبركاته
طالبه آنتي حطيتي الموضوع وحطيتي إجابتك معه :biggrin: آنتي قلتيها بـٍ لسآنك تحبين آلانقلش كثيييير http://www.ckfu.org/vb/images/icons/icon21.gif وهذا ششيء طيب ومجال الآنقلش حيييل مطلوب , آصلن لو تشووفين الآن الدنيا ككلها انقلبت انقلش اقصاها المولات صاروا السلز بيرسن اجانب يعني يابخت من يدخل الانقلش ويكون بلبل فيه http://www.ckfu.org/vb/images/icons/icon21.gif http://www.ckfu.org/vb/images/icons/icon21.gif أمآ سسالفة البنات الماصخات ذووولي :biggrin: خليييهم صفر ع االشمال في كل آمووور حيياتك :(269): , و قوولي لهم لأن عندي حلم وآبي احققه ومحد عآرف قييمة الحلم هذآ إلا إلي يتمناهـ من سنييين :icon9: http://www.ckfu.org/vb/images/icons/icon21.gif و آهم حاجه حطيهآ في بالك زين التخصص لآزم يككككون عن ررغبه حتى تبدعين فيه آكثر و آكثثثثر :(204): وبخصوص إن حنآ مو تربووويين ( الكلام هذا غلللط :cool: ) بعد مانخلص دراسه ندرس تقريبا 6 شهور أو سنه كامله و نصيير تربوويين زينا زززيهم :wink: يعني خلي عندك قاعده أنآ ومن بععدي الطوووفآن http://www.ckfu.org/vb/images/icons/icon21.gif وسسبحان الله من الأشياء إلي اشوفها صارت عندي مناعه ضد الاشكال إلي تحطم ذي :hahahahahah: وتخصص الآنقلش مو كله آدب , إذا وصلتي للمستوى السادس يخيرونك يً آدب أو تررجمه أو لغات و آنتي وميييولك عاد :tongue: أنآ الآن لو يقولووون لي بندوويك الرياض عشان تدرسين قانون ---> كانت تحبه :biggrin: بقووولهههم طيروآآآآآ بس الآنقلش أغنآني عن التخصصات كل أبووها http://www.ckfu.org/vb/images/icons/icon21.gif http://www.ckfu.org/vb/images/icons/icon21.gif طآلبه يآبعدي لآتسسسمعين آبد آبد لكلام الناس لأنه لآ يودي ولا يجيييب :(177): ! موووفقه http://www.ckfu.org/vb/images/icons/icon21.gif |
رد: تخصص اللغه الانجليزيه ام التربيه الخاصه :s
تسسلمين آرق :love080:
الله يسهلها وادخله =) حلو انه في المستوى السادس اختار .. اذا كذا بختار الترجمه ان شا الله الله يريحك كنت شايله هم والله >< |
رد: تخصص اللغه الانجليزيه ام التربيه الخاصه :s
وعليكم السلام ورحمة الله وبركاته.
مرحبًا أختي (طالبة آدآب). أولًا: شيء جميل أنك تكونين عارفة وش تبين بالضبط, وأنك ما دخلتي هذي الكلية إلا وأنتِ عارفة التخصص اللي تبين. لأن البعض ما يفكر في هذا الأمر إلا بعد دخول الكلية! والأجمل أنك تقولين أنك دخلتي أدبي عشان هالتخصص, وهذا بحد ذاته شيء مهم وجميل فيك. فـ وين المشكلة هنا بما أنك دخلت الكلية اللي فيها التخصص اللي تبين وماشيه صح وإن شاء تدخلين التخصص اللي تبغين؟ المشكلة في كلام الناس! شوفي يا أختي نصيحة مني حطي كلام الناس على جنب مو بس في الدراسة, لكن في كل الأمور, أنا لما دخلت أدبي قالوا لي ليش ما دخلتي علمي, مع أقدر أدخل علمي وأتفوق فيه, ولما دخلت كلية الآداب قالوا لي نفسك: ليش ما دخلتي التربية؟ مع أن نسبي ولله الحمد تدخلني الكلية اللي أبيها, لكن لأن عندي هدف محدد وطريق واضح أنا وين أبي أكون, وكنت متوقعة هذا السؤال, لأن كل شخص يشوف الأمور من وجهة نظر أخرى, يعني يمكن وحدة تقنعك بدخول كلية معينة لأنها تشوف أنها الأفضل بالنسبة لك وماقصدها إلى الخير لك, لكن أنت أعرف بنفسك والشيء اللي تبغينه, هذا ما يعني أننا ما نسمع كلام الناس أبد, لا مايمنع نسأل ونستشير الآخرين ونأخذ آرائهم, لكن القرار الآخير لازم يكون من داخلنا. طيب تعالي نأخذ الأمر من ناحية أكاديمية: اللحين ليش الناس تقول تربية وتربية؟ السبب البسيط: لأن الشهادة التربوية أفض من ناحية التوظيف في المدارس, يعني لو يكون فيه ثنتين كلهم نفس التخصص ونفس المعدل, لكن وحدة تربية وحدة آداب, على حسب علمي يختارون التربية. لكن لو وحدة تخصص انجليزي آداب, وحدة تخصص آخر تربية, وهم محتاجين الانجليزي طبيعي بيختارون اللي تخصصها انجليزي. التربية يدرسون مواد تربوية كثير في كل فصل, ويؤهلونهم للتدريس بشكل كبير, عشان كذا تكون الأولوية لهم في هناك المدارس, لكن يبقى أن هناك المعدل والتخصص المطلوب هو المحك في هذا الأمر. والآداب معروف أنهم يكونون أقوى في العلم والتخصص. طيب تعالي نشوف لو أي وظيفة أخرى عندهم آداب وتربية, وين تتوقعين يختارون اللي مؤهلة للتدريس اللي هي تربية, أو الأقوى من ناحية التخصص وهي الآداب, طبيعي بيكون الاختيار للآداب. طبعًا هنا أتكلم عن جميع التخصصات مو شرط الانجليزي. والتربية مافيها إلا تخصصين تربية خاصة ورياض أطفال, ومجالات العمل فيهم محدودة. هذا إضافة إلى أن هذه التخصصات مش من ميولك. فكيف تدرسين أربع سنوات في شيء ماتحبينه, وحتى لو توظفت بعدين هل تتوقعين أنك راح تعطين في تخصصك وعملك مثل لما يكون شيء أنت تحبينه ومستمتعه فيه؟ لاسيما أن تخصصي( التربية الخاصة ورياض الأطفال) مش مثل بقية التخصصات الأخرى لأنها تحتاج شخص فعلًا داخل هالتخصصات برغبة أكيدة, لأن في العمل لهذه الوظائف أنت راح تتعاملين مع (ذوي الاحتياجات الخاصة + أطفال) فصعبة أن شخص يدخل هذي التخصصين وهو مش راغب فيهم. وبالنسبة لتخصص اللغة الانجليزية في كلية الآداب, كثير ما يعرف الخطة بالضبط وأيش نوع التخصص لأن اللي قبلنا اللي هم التربية كانت دراستهم أدب. لكن بالنسبة للتخصص الآن هو يتبع خطة جديدة تعتمد على الموازنة بين متطلبات (الأدب, اللغة, الترجمة). يعني أحنا اللحين ندرس مواد أدب ولغة وترجمة. ومسألة أننا نختار في سنة ثالثة ترجمة أو لغة أو أدب فغير صحيح. لكن في آخر سنة في مادة اسمها مشروع تخرج, وهذي المادة لجميع كلية الآداب لجميع التخصصات, لكن تخصص الانجليزي طبيعي بتختارين مجال لبحثك اللي هو مشروع التخرج وهذي المجالات اللي هي لغة, أدب وترجمة. وعذرًا طولت كثير كثير, لكن دايمًا كذا ما أعرف اختصر :) المهم أي استفسار أنا حاضرة.. بالتوفيق.. |
رد: تخصص اللغه الانجليزيه ام التربيه الخاصه :s
اقتباس:
هلا ياحبيبتي .. نزلت تحت بدون ماقرى الردود , عشان مااتلخبط :wink: شوفي ياعمري والله ثم والله كلام البنات مامنه فايده يقولون لك ليه مادخلتي وليه يمكن هم رغبتهم الاولى تربية ولاقبلوهم وانتي ياحياتي رغبتك انقلش فخلاص والله بتمشين فيه وعلى قولتهم التربية لها مستقبل هاللحين مافي فررق انا يوم جيت اسجل وحطيت اداب على ان رغبتي الاولى انقلش . راسي عورني من كلام اللي حولي والتربية والتربية .. صديقتي تربية خاصه تقول دخل عليهم الدكتور قال شهادتكم ودراستكم هذي عالفاضي بلوها وشربوا مويتها .. انتي طالبه جامعه تدرسين مواد ماتروح هدر كذا . تدرسين بتخصص تستفيدين فيه بحياتك . والتربية الخاصه قفلوه مافيه الا رياض اطفال . . الانجليزي راح تستفيدين منه في المستقبل .. وهي لغة مرغوبة واولى رغبات الوظيفه يكون عندك مخزون لغه :tongue: لاتسمعين كلام البنات لايودي ولا يجيب . وماراح يدخل الاختبار الا انتي وماراح يتعب الا انتي وماراح يستفيد من تخصصه الا انتي . . , :106: هههه والبنات يقولون لك فيه ادب وكذا !! هههه اساليهم اول تعرفون شنو الادب وكيف دراسته بالانجليزي . يختلف تماما واحلى بكثير من الادب العربي . , تدرسين روايات , شعر ,القرون الوسطى والحروب اللي صارت . رائع صراحه وكلها زي القصص .. انا مااغصبك بالتخصص لكنه تخصص ممتع واشجع كل وحده عندها ميول تدخله . . واهم شيء ثقي تماما بربك وتفائلي .:106: . وبإذن للله ربي يكتب لك مافيه الخير .. |
رد: تخصص اللغه الانجليزيه ام التربيه الخاصه :s
^
رآئــعه ردودكن ومشجعه فـعلآ ربي يجزيكم خير ويوفقكم ويسهل عليكم الله يرزقني هذا التخصص الجميل لانه من جد ميولي واحبه |
رد: تخصص اللغه الانجليزيه ام التربيه الخاصه :s
ارتواء + احتواء .. يعطيكم العافيه ماقصرتو والله
وكلامكم رفع معنوياتي سحابه الله يوفقك ويوفقني ويسهلها وندخله :106: |
رد: تخصص اللغه الانجليزيه ام التربيه الخاصه :s
الله يوفقك وشدي حيلك
|
رد: تخصص اللغه الانجليزيه ام التربيه الخاصه :s
طالبة ادآب
اللهم امين الله يسمع منـــك يارب ترزقنا هذا التخصص وتسهل اختبار التخصص لنا احببت مرورك العطر :106: |
رد: تخصص اللغه الانجليزيه ام التربيه الخاصه :s
ارتواء ,, احتواء يعطيكم ربي ألف عاااافية كلاااام جميييل جداااا ويرفع المعنوياااات الله يوفقكم ويسهل اموركم وياااارب نكون من المقبولين :love080: |
| All times are GMT +3. الوقت الآن حسب توقيت السعودية: 10:01 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه