|
كارثه النظام الجديد!!
السلام عليكم ورحمة الله وبركاته
طبعا هالموضوع خاص حق الي يبون يتخصصون من الكورس الجاي مثل حالتي طبعا انا مخلص كل المواد العامه ماباقي لي غير كيمياء حيويه والعضويه قاعد أدرسها هالكورس وانا ناوي اتخصص من الكورس الجاي وكنت اتردد دائما على مكتب التسجيل وكل شوي يقول اذا جاني خبر بنزل إعلان شفت المسأله طولت والتسجيل ماباقي عليه شي قلت بروح لوكيل الشؤون الاكاديميه المسؤول عن التخصصات قال ان النظام تغير مافيه تسجيل رغبات تخصص إلا آخر الكورس الجاي ودراسة مواد التخصص من بداية السنه وهالنظام راح يستمر على طول يعني ماحد يقدر يسجل من الكورس الاول ويدرس الكورس الثاني بصراحه نظام كارثي مدري يبونا نجلس سبع سنوات في الكليه المفروض يسهلون الامور للطالب مو يسدونها في وجهه ويصعبون الامور ماقول غير حسبنا الله ونعم الوكيل :Cry111: وأبي أشوف آرائكم ياحبايب لكم أجمل تحيه ،،، |
رد: كارثه النظام الجديد!!
بجد نظام الجامعه تحطيمممممممم
|
رد: كارثه النظام الجديد!!
انا مستغرب منه ب جامعة الملك فيصل ان المواد العامة تاخذ اربعة اترام .. بعكس جامعة الملك سعود 3 اترام
ومع نظام السنه التحضيرية ، تصير تدرس مواد السنه التحضيرية وتدش ع المستوى الثالث تخصص .. وتكمل دراستك عادي... ليش هالحووسه .. انا اتوقع ان كلية الزراعة الوحيده في الجامعات الي في مواد الاعداد العام تاخذ 3 اترام أو 4 .. بعكس كلية الهندسه الي فيها 8 تخصصات .. وكلية العلوم الي فيها قرابة ال 10 تخصصات وياخذون ترمين .. ابفهم وش الفايده من هالاترام الزايده لهالدرجة مافي مواد يدرسونها الطلبه ف قاعدين يسوون مواد من عندهم عشان يزهقون الطالب بدراسته .. مو كافي انه متعقد من اسم الكلية .. كلية العلوم ب جامعة الملك سعود الترام الاول تاخذ 15 ساعه بس .. والثاني تاخذ 14 .. ليش انا اول ما درست بالكلية اخذت 17 ساعه والثاني 18 والثالث 19 .. ليش هالكد .. والمشكلة انو لمن تخرجت من الكلية اكتشفت ان نص المواد تكرار ل بعضها .. طيب ليه هالحموله الزايده ف المواد الي يدرسها الطالب دام المسألة تكرار × تكرار .. اذا ودها كليات الزراعة على مستوى المملكة يتطورون .. لازم يطورون من مواددهم ... و يطورون من الخطة الدراسية ... عشان نقارع الكليات الكبار ويكون لنا هيبه .. وللحديث بقيه ....... |
رد: كارثه النظام الجديد!!
اقتباس:
حياك الله أخوي فيصل ونورت الموضوع بصراحه مدري وش أقول كفيت ووفيت والمشكله بعد مانلقى أي مساعده ولاتعاون من إداريين الكليه أحسهم ضد الطالب مو معه المفروض يسهلون الطريق قدامنا مو يصعبونه |
رد: كارثه النظام الجديد!!
يا زعم ضمن معايير الجوده اللي خابين فيها رؤوس الطلاب وهم حتى update للخطة اللي صار لها سنين
ولا في تطوير واي شي من هالكلام !! |
رد: كارثه النظام الجديد!!
وعليكم السلام ورحمة الله وبركاتة
الله يعينا وياك ياخي .. ان شاء الله بقدم على التخصص فالسمستر الجاي بإذن الله تعالى .. والله يوفقنا وياك |
| All times are GMT +3. الوقت الآن حسب توقيت السعودية: 09:51 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه