|
كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
بسم الله الرحمن الرحيم بما انه قرب وقت تسجيل المواد وترتيب الجدول اكيد راح تطلع استفسارات واسئيله كثيره ومتكرره عن هذا الشيء :000: وخصوصا من الطالبات المستجداات فـ بفتح الموضوع هذا لاس استفسار او خدمه وبكتب لكم طريقة تسجيل المواد وكيف تسجلينها من الالف الى الياء واتمنى انها تكون واضحه للكل بسم الله نبدا ,, 1 - اول شيئ شوفي انتي في اي دفعه عشان تعرفين موعد تسجيل موادك يوم السبت 8 -1 - 1433هـ / 2008 (انتظام وانتساب) ومادون يوم الاحد 9 - 1 - 1433هـ / 2009 (انتظام وانتساب ) فقط يوم الاثنين 10 - 1 -1433هـ / 2010 فقط يوم الثلاثاء 11 - 1 -1433هـ / 2011 فقط يوم الاربعاء 12 - 1 - 1433 هـ / 2012 فقط من يوم الخميس الى يوم الاربعاء 13-1-1433هـ الى تاريخ 20 -1-1433هـ سيكون لجميع الدفعات ملاحظه : التسجيل من الساعه 6 مساء ولمدة 24 لكل دفعه كل وحده تربط اليوم برقم دفعتها عشان ماتنسى لاسمح الله :oao: 2- الشيئ الثاني تشوفين وش المواد المطلوب تاخذينها على حسب المستوى اللي بتنتقلين له اقصد فيه الخطه الخاصه لكلية التربيه . 3- النقطه هذا يبي لها تركيز في تطبيقها وهو انك ترتبين لك جدول يناسبك ومايكون عندك تعارض في الاوقات تشوفين الاساتذه والدكاتره اللي ترتاحين لهم والوقت المناسب * طبعا تمسكين لك ورقه وقلم وترتبين الجدول فيها واهم شي تتاكدين من الرقم المرجعي للمقرر . . لان الرقم المرجعي للمقرر وهو اللي بيعتمد عليه اثناء التسجيل هذا الرابط فيه الجداول الدراسيه (المواعيد - الدكاتره - الاساتذه - ارقام المقررات ...) http://www.kfu.edu.sa/ar/deans/admis...ual143120.aspx 4- اذا تاكدتي من الجدول اللي رتبتيه لك والارقام المرجعيه تنتظرين الى وقت تسجيل مواد وبعدها تبداين تدخلين موادك اللي اخترتيها وعلى حسب الخطه بحط طريقة مصوره للتسجيل في نظام البانر وبنزلها قبل وقت التسجيل . . :(269): |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
بما اني لقيت طريقه مصوره وجاهزه بنزلها لكم :53: << فيها 16 الف عرق سوداني :hahahahahah: المهم أثناء وقت التسجيل عليك اتباع الخطوات التاليه على نظام البانر الدخول على نظام البانر من هذا الرابط اولا : كتابة البيانات الشخصيه . . ثانيا : الدخول على ايقونة التسجيل ثالثا : التسجيل الحذف والاضافه خامسا : تسجيل ارقام سي ار ان سادسا : اختيار الامر تنفيذ =========================================== ملاحظات تهمك : 1- طوال فترة التسجيل المحدده لك يمكنك الحذف والاضافه . 2- عليك بالصبر اثناء تسجيل المواد , لان بتطلع لك الشعب مغلقه ولكن حاولي ومليون مره حتى تدخل لك << اعاني منها كل وقت تسجيل :bawling: 3- طبعا كل اللي سويته هو تسجيل مبدأي :lllolll: 4- بداية تاكيد المواد للفصل الثاني هي 2,3,4,5 /3/1433هـ و اي استفسار عندك الكيبورد :biggrin: |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
:d5:السلام عليكم ورحمه الله وبركاته.
مشكوره جداً:d5::d5:يا راعيه الكيف هاذي مش المره الاولى التي تردين فيها عن استفساراتي،وهذا ان دل على شيء فهو يدل على انك شخص معطاء يهمه من حوله ،وكريم ويسعى للمساعده،(وعسى ربي ان يجعل هذه اللفتات المميزه في ميزان حسناتك ،يوم نلقاه. ودمتي بأمان الله وحفظه.:love080: |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
اقتباس:
العععععععفو ي قلبي وتسلمين :mh318: و بـ التوفيق لدرجات العُليا :106: |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
الله يعطيك الف عافية
ماقصرتي موضوع جاء بوقته اللحين هذي الجدوال قديمة متى يغيرونها لانه انا دفعة ٢٠١٢ شكرا لك * |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
اقتباس:
ويعافيك ي قلبي هذي الجداول جديده حتى اول ماتفتحين رابط الجداول بتلاقين في بداية الصفحه مكتوب الجداول الدراسية لكليات الجامعة للفصل الدراسي الثاني من العام الجامعي 1432/1433 هـ يعني تشمل الكل حتى دفعتك |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
طيب وفيها كل المواد لانه ماشفت فيها قضايا ثقافيه معاصره وانا بالخطه عندي هذي الماده
ونفس الشيء تذوق أدبي هالمواد آخذهم من جدول التربية ولا ويعطيك العافيه |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
اقتباس:
المواد تاخذينهم من الجدول المخصص لقسم التربيه بس التذوق الادبي موجود بقسم اللغه العربيه صفحه 2 ركزي بالجدول وتشوفينها أما القضايا مالقيتها بالجدول :000: بتاكد لك وبعطيك خبر |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
روز الخطه اللي عندك
مكتوب فيها قضايا ثقافيه معاصره او سلم 2 ؟ ؟ |
رد: كل مايهمك عن التسجيل ( اوقات التسجيل - طريقة التسجيل - البانر ....) للطالبات المستجدات
هلا فيك راعية الكيف
اي التذوق الادبي موجود بس مكتوب انه دفعة ٢٠١١ ياخذون اللي رقم المقرر ٢٢٧ واللي موجود التذوق الادبي الرقم غير ولا هذا مايطبق على المواد العامه وقضايا مكتوب سلم ٢ وشكرا جزيلا لك على سرعة استجابك * |
| All times are GMT +3. الوقت الآن حسب توقيت السعودية: 07:57 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه