|
قصتك مع القبول والتسجيل
بسم الله الرحمن الرحيم
فكرة جت في بالي واتمنى تتفاعلوا معاها كل عضو يقول لينا سالفته مع القبول والتسجيل بداية بمعدله - وش كان طموحه قبل القبول؟؟ - بعدها وين سجل؟؟ - وين مانقبل ووين انقبل؟؟ - وحاليا وين يدرس؟؟ - وهل هو راضي عن دراسته كل الرضا؟؟ طبعا الموضوع مفتوح للكل يعني حتى اللي تخرجوا من سنين عادي انهم يشاركوا في الموضوع يالله كل واحد يكتب لنا مغامراته ان كانت مفرحه ولا محزنه طبعا لما اشوف تفااعلمع الموضوع بكتب مغامرااتي :Cry111: |
رد: قصتك مع القبول والتسجيل
بسم الله الرحمن الرحيم
صبااااااااااااح الخير على الجميع الله يعطيك العافيه على هالموضوع - وش كان طموحه قبل القبول؟؟ طموحي طموح وحده ما تنوصف اكمل دراستي والداخل المجال الا ابغي بس مااقول الا الله كريم.... - بعدها وين سجل؟؟ في جامعه الملك فيصل والكليه التقنيه.... - وين مانقبل ووين انقبل؟؟ والله لين الحين وانا ارجع وان شاء الله من المقبولين انا والجميع .... - وحاليا وين يدرس؟؟ لالالالالا مادرس... - وهل هو راضي عن دراسته كل الرضا؟؟ ان شاء الله ان نقبل واكون راضي عن دراستي...:011: |
رد: قصتك مع القبول والتسجيل
انا سالفتي سالفه طويله عريضه - وش كان طموحه قبل القبول؟؟ كنت اتمنى ادخل جامعه بالتخصص الي ابيه - بعدها وين سجل؟؟ سجلت بكل مكان - وين مانقبل ووين انقبل؟؟ انقبلت بجده ووديت اوراقي ومو باقي الا يسلموني البطاقه الجامعيه واذا تحدث لي مصيبه يحولوني جغرافيا وانا مابيه وقررت اسحب ملفي واذا فيه دكتوره تعطيني اوراقي وتسحب مني شهاده حسن السيره والسلوك مارضت تسلمني اياها وقالت اذا تبيها روحي الارشيف رحت الارشيف قالوا من زمان دخلت في فرامه الورق الي مانحتاجها وجلست انوح وابكي ع حظي وتالي انقبلت بالفيصل لكن كيف وليس عندي شهادة حسن سيرة وسلوك وضليت بالبيت ورجعت طلعت لي هالسمستر شهادة حسن سيره وسلوك - وحاليا وين يدرس؟؟ ادرس بين جدران البيت |
رد: قصتك مع القبول والتسجيل
- وش كان طموحه قبل القبول؟؟ أدخل الجامعة وأدرس وأرفع راس أهلي بقبولي. - بعدها وين سجل؟؟ في جامعة الملك فيصل والتقنية.... - وين مانقبل ووين انقبل؟؟ ماأنقبلت في الجامعة مع أنا حاولنا وراجعنا وخذوا أسمي ورقمي بس ماأتصلو علينا ورحنا راجعناهم مرة ثانية وقالوا لنا كل اللي راجعونا وخذنا أسمائهم وأرقامهم أتصلنا عليهم وخذناهم ويوم قلنا لهم أنهم أكتبوا أسمي ورقمي قالوا لوكتبناة شان دقينا عليكم ..حسبي الله ونعم الوكيل فيهم..والتقنية حطتني أحتياط وبعدين قالوا المقاعد مكتفية. - وحاليا وين يدرس؟؟ في البيت قاعدة أنتظر الفرج.. - وهل هو راضي عن دراسته كل الرضا؟؟ الصراحة موراضية لأنهم ضيعوا علي سنة وبسبة القدرات الصراحة تحطيم لقلوب بنات المملكة.... يسلمو ع الموضوع تحياااتي,, ..فراشة الليل.. |
رد: قصتك مع القبول والتسجيل
- وش كان طموحه قبل القبول؟؟
ادرس في جامعة الفيصل - بعدها وين سجل؟؟ انشاء الله يكتب لنا رزق و يقبلونا - وين مانقبل ووين انقبل؟؟ سجلت في كل مكان الله كريم السنة سجلت في الفيصل والتقنية - وحاليا وين يدرس؟؟ في البيت :s11: - وهل هو راضي عن دراسته كل الرضا؟؟ الحمد لله مشكورة غناتي |
رد: قصتك مع القبول والتسجيل
أما أنا فقصه حزينه ماعانه مع هالدراسه00
كنت أبغى رياضيات بس أمي رفضت المدرسه الأهلي في ثاني ثانوي وضطريت ادخل أدبي وأجيب معدل عالي وادخل انجليزي المهم بعد جهد جهيد وبعد عذاب وسهر الليالي وكنت المدرساتي شديدات بما تعنيه الكلمه بدون رحمه ولاشفقه المهم جبت نسبه 96طبعاً أعلى وحده في المدرسه مافيه أحد جاب في نفس المدرسه نسبه بتسعين المهم قررت أن أدرس في جامعة الرياض للغه انجليزيه وبعد انتهى من الأمتحانات انهائيه سفرت للرياض عشان امتحان قدرات لآن مافيه عند في الحفر مركز أختبار قدرات ولا مطلوب على طالبات الحفر أختبار قدرات يعني بس أنا اللي أختبارت قدرات وتحصلي على أني أدرس في جامعة الرياض المهم طلعت نتائج القدرات بعد انتظار قاتل وبعد انتظار ايضاً فتحت بوابة التسجيل في جامعات الرياض وسجلت وبعد انتهى من التسجيل بدات أخذ دورات لغه انجليزيه يعني ادرس بعد وبعد انتظار طلعت النتاااااائج وكانت صدمه قويه أحبطتني وبكيت مراً على حالي أن من أنزل مني نسبه تم قبولهم وأنا لم يتم قبولي فبدات كل صباح اقدام شكوى ولاحياة لمن تنادي فشكوت لربي وبعد اسبوعين مرة كااانه سنين طلعت نتائج جامعة الملك فيصل والكليه لاتطلب بأختبار القدرات وتحصيلي يعني راااااح تعبي هبًا منثوراً,وتم قبولي في للغه الأنجليزيه بعد تحطيم نفسي وقهر وظلم,,,وهاأنا في الأنجليزي اتمنى الموت على الحياة لأني لما أدخل القاعه أحس بخنقه وخوف شديد ,,وابي أحول عربي وقالوا انتهى التحويل وابي أجل وقالوا انتهى التأجيل مافيه الإاعتذار وأخف أعتذر والسنه الجايه مايحولوني بعد00المهم أنا الحين حالي يشفق عليه شعر راسي طلع فيه شيب من الهم وتفكير00وهذه ققتي مع هالكليه00:Cry111: |
رد: قصتك مع القبول والتسجيل
تقدرين تطلبين من الجامعه او الثانوية
إلي انتي درستي فيها شهادة حسن سيره وسلوك ولو شهادتي عندي عطيتك اياها |
رد: قصتك مع القبول والتسجيل
اني نسبتي في الثانوية العامة 96 ونسبتي الموزونة 80 كان طموحي قبل القبول ان ادرس هندسة ديكور وتصميم داخلي سجلت في جامعة الملك فيصل وفي الرياض وفي المنحة الداخلية في جامعة الامير محمد بن فهد ومانقبلت وحاليا بدرس يوم السبت القادم ان شاء الله في معهد الرخصة الدولية لقيادة الحاسب الالي icdl لمدة شهرين واني ولله الحمد راضية عن ذلك في البداية اتازمت بس بعدين عادي اكيد هذا في صالحي والفصل الثاني بدرس في جامعة الملك فيصل في كلية الدراسات التطبيقية وخدمة المجتمع برسوم تخصص محاسبة الرجاء الدعاء لي بالتوفيق
|
رد: قصتك مع القبول والتسجيل
انا الصراحه كانطموحي ادخل تخصص علم نفس لاني احب هذا التخصص كثيييييييييييييييييير بس ماحصل نصيب وانا الحين ادرس تخصص لغه عربيه والحمدالله مرتاحه بالتخصص هذا لان كان رغبتي الثانيه وكل طموحي ان انجح في دراستي وارفع راس امي
وفي النهايه اشكرك على الموضوع : : الجميل |
رد: قصتك مع القبول والتسجيل
مشكوريييييييييين ع الرد والتفااااااااعل
والي ماانقبل ان شاء لله ينقبل والي انقبل بالتوفيق له ياارب قصصكم محزنه بس يمكن قصتي اكثر من يشوف مصيبه غيره تهون عليه مصيبته شجعتوووني اكتب قصتي:Cry111: |
| All times are GMT +3. الوقت الآن حسب توقيت السعودية: 01:00 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه