ملتقى طلاب وطالبات جامعة الملك فيصل,جامعة الدمام

سلام

كيفكم ياحلووين

اليوم صار شيل وحط وبط ووز :(269):

في موضوعاً ما :wink:

الى تقول خل الرجال يتزوج ثلاث واربع

والي تقول والله لذبحه ههههههههه

والي تقوول العنووسة تهددنا :biggrin:

وانا كنت اراقبكم بصمت << اي هييين اكثر واحد يبربر انت :(269):

المهم انا وعدتكم بنزل موضوع عن العنوسه

المهم

خلونا من المهايط ونبي ندحدر في الماااضوع المنشطح أدناه

دايم يقول لي جدّي الله يرحمه / لاوجع إلا وجع الضــرس ولا هم إلا همّ العــرس ..

انا عاد جامعن الثنتين مع مرتبة الشـرف :biggrin:..

نصف أسناني محلحله والعـرس هاذاني أحلم فيه ليل ونهار:mh318: ..

أمي تقول بنزوّجك فلانه .. قلت ( لا .. فلانه مابيها .. فلانه ماتعرف من العرس إلا اسمه وجايني عنها خبر بعد أنها تطوّل في التلفون مع خويّتها بين عشاوين .. مابلا بربره جعل لسانها يطوى ) .. تقول الوالده ياحبني لها ( خلاص لاتعرس خلّك عانسhttp://www.ghla2.com/vb/images/smilies/biggrin.gif طول عمرك ) .. قلت أبركـ !

:(177):

وسُبحان الله وتمرّ الايام .. ومير اشوفها هالبنت اللي ذكرتها لي امي ظاهرتن من ملحمة قريبة من البيت " وشاقلتن " بيدها أربعة كيلو حاشي ومير من قزّنتي ماعاد فيها عرق .. قامت تنافض كنّ فيها سكني .. يادواتس السكني صدز والا وش اللي حادتس على أنتس تطلعين من البيت بليّا محرم وتدخلين في المحل مع العامل وتحاشرينه تقولين أنتس رجّال .. تزليلة الحيا ياجماعه :017:.. عاد هي دواها " العرس " .. بس تفكّر في ( مستقبلها الزهري ) عشان تصير زي فلانه السمرا اللي باطراف السكّه ..

:53:

يقول بحــااار الله يطوّل بعمره - وهو فاغرن فاه ومادّن ساقه وقلبه منغرف وواصلن الرياض وماجاورها - :

علام البنت تسفهني == وانا طول العصر محتار
تقول ابي المستقبل الــوردي == وانا اقول : على شحم ولايكثر يامره :cool:

بيت الشعر ماقدرت أكمّله واطلّع قريحتي الشعريه إللي ماتفوح إلا قبل العشا بشوي .. والسبب ( مستقبل البنت المليح :mad: )

في بيت أبو ناصر جارنا ( خمس بنات ) .. طبعن كلّهم صبايا ومابعد دخلو عش الزوجيه الخاثر ..

وحده تدرّس خياطه ومن خبرتها وهي تروح للمشاغل وتسولف مع الهنود وكل من مرّ مع الشارع درى انها بنت فلان وانها جايّتن ( تصلّح زرارن طايح والا كفتتن تبي تعدّلها :biggrin:) ..

واختها الثانيه تدرّس رياضيات ودخلت في سوق الاسهم وخسرت ماوراها ودونها وماعاد صرت تشحن جوّالها بمية ريال وكل مابغت تكلم رفيقاتها ارسلت " كول مي:cool: " ياشين الفقر ياجماعه :bawling:..

اختهم الثالثه تدرس بالجامعه وعلى باب التخرّج من كلية الطب .. والضعيّفه كل يومن اشوفها عند المستشفى تراجع .. تحاليل وغربله ومرّتن لقيتها عند الصيدلية تقول ( بدّل علاجي جعلك الناجبه ابيك تعطيني غيره وقاعده تشّر على كرتون أحمر فيه ثلاث خطوط :(107):) ..

واختها الرابعه توّه متخرّجتن من الثانوية وتقول أبي ادخل كُليّة الحاسب ومن خبرتها وهي تلعب " حبشه " مع بنات عمّي ! .. مالك ومال الحاسب ياصفيه !:biggrin: ..

اختهم الخامسة الاخيره كل سنه ترسب وتعيد وتفحّط بمكانها وخوياتها تعدوها وهي شكلها مصممه تاخذ الدكتوراه بفصلها وتقعد عظم للمديره وراعية المقصف :hahahahahah:..

طبعاً مما يُستفاد من الكلام المذكور والمبطوح آنفــاً أن البنات كلّهم تجمعهم كلمتين يخططون عليها من سنّة جدّي - الله يرحمه - ( نبي نبني مُستقبلنا ) ... مافيش أي حاقه .. مستقبلكم في الجيب بس لايكثر
:biggrin:

البنات الخمس اللي ذكرت عنهم ( ذِكر تفصيلي كامل إلا ربع ) كل ماجاهم واحدن يخطبهم قالوا والحلق يتنافض ( نبي نبني مستقبلنا :(177):) .. بس تقول كل وحده ( أخاف أعرس ثم يدمّر رجلي مستقبلي ) .. وهُنا ( المشكلة ) .. وهُناك ( الحل ) << حركة .. كنّي بدعاية تايد لتنظيف الخلاقين ! :53:

خلوكم معي طيّب ..

وحده وحده -الله يخليكم -

المشكلة طبعاً تقع على رأس الأخت ( المتنيّل بستين نيله:g2: ) .. أي مُستقبل وأنتي إلى الآن مارسمتي خُطّة حياتك الزوجيه مع زوجك اللي راح يكون لك عون على مسيرة حياتك معه .

أي مستقبل تعيشينه من دون ( أجمل مافي الكون ) .. [ البنون ] اللي هم زينة الحياة الدُنيا كما قال الله عنهم .

أي مستقبل راح تؤمّنينه بين

( مقلى بيض ) وخبزة توســت تصلّحينها قبل تروحين للجامعه :(269):

أي مستقبل .. وخويّتك " فاطمة " طقّت لها بزرين كل واحدن أطلق من الثاني

صحيح أن الزوج يمكن يكون " طفران " و " مقطّع اربع " ويمكن مايكدّ عليك ومايوديك لـ " سوق حجاب :hahahahahah: " لكن هذا مايخليك تفرّطين بزهرتك اللي كل يوم تذبل ومع مرور الوقت راح تموت :(269):

تأمين مستقبلك ضروري .. لكن ماهو في تأخير زواجـك عشان مقولة

( أركبي المستقبل قبل يشغلك بزرك )

طبعاً أنا طرحت المشكلة .. وبِحُكم أني ماخذ الماجستير من شارع منفوحة وتخصصي المهايط وقول الصدز ..

فخذوا الحكمه مني ياحريم اليوم وياصبايا النوم ..

خذوها واكتبوها على جباهكم بالخط العريض ( الحرمه زينتها وهي ورده وكل ماكبرت ذبلت وكل ماذبلت قلّوا الخطّاب وبتصير طول عمرها متوسده شهادتها من دون ماتشوف بزر يدعي لها باتسر إذا وسدوها القبر ! ) .. :mh12:

وصلى الله وسلم على نبينا محمد وأقِمْ الصلاة

:(284):

:: بح ــــااار ::