ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   ابي احول تخصصي بس ماني عارف (https://vb.ckfu.org/showthread.php?t=246678)

عبداللطـيف 2011- 11- 13 06:27 PM
ابي احول تخصصي بس ماني عارف
 
ودي احول لكلية الآداب لغه انجليزيه والحين ماباقي ع الاختبارات غير شهر
كيف الطريقه لاني بصراحه مالقيت نفسي بإدارة اعمال وش تنصحوني
فيه الله يخليكم ردو علي محتاج احد يساعدني

أسير نجد 2011- 11- 13 06:37 PM
رد: ابي احول تخصصي بس ماني عارف
 
اخى العزيز والله بودى ان اخدمك وافيدك ولكن لا علم لى بذلك واتمنى من الاخوة والاخوات ومن لديه معرفه بالتحويل ان يجيبك في اسرع وقت ممكن وانشاء الله نشوفك في القسم الذى ترغب فيه وانت في احسن حال ياعزيزى والى اللقاء .... شكرا .....

عبداللطـيف 2011- 11- 13 07:05 PM
رد: ابي احول تخصصي بس ماني عارف
 
حتى وان ماتملك الاجابه يكفيني ردك ودعاك لي
عسا الله يوفقك بالدنيا والاخره*

'سمآ 2011- 11- 13 07:15 PM
رد: ابي احول تخصصي بس ماني عارف
 
خييوو الحين مايمديك..شوف الشروط..
شروط تغيير التخصص المعلنة وهي:
- انهاء فصلين دراسيين.
- النجاح في 24 ساعة على الاقل.
- المعدل التراكمي 2 فأكثر.
- التقديم في الوقت المحدد على ايقونة تغيير التخصص على الخدمات الطلابية.
- اي تقديم او طلب يدوي لتغيير التخصص لن ينظر له مطلقا، فلابد ان يكون التقديم تم بطريقة الكترونية.
مووفق:106:

عبداللطـيف 2011- 11- 13 07:22 PM
رد: ابي احول تخصصي بس ماني عارف
 
يابعد المشوار والله مالي خلق انتظر يعني لو انسحب تهقون يقبلوني مره ثانيه ولا اشوف لي جامعه غيرها
ياوالله النشبه ماقصرتي اختي على المعلومه بس من جد ماقدر اصبر الا ان يشآء الله

'سمآ 2011- 11- 13 07:40 PM
رد: ابي احول تخصصي بس ماني عارف
 
من جد والله مشوار وكل شي عندهم بشرووط:lllolll:
الا اتوقع تقدر تسحب وتقدم من جديد هم يقبلون اي أحد ع طول:biggrin:
بس فلوسك بتروح عليك:(177):

ســراب 2011- 11- 14 02:03 AM
رد: ابي احول تخصصي بس ماني عارف
 
اخوي انا كلمت احد المسؤلين قالي تقدرين تحولين بعد السمستر الاول يعني بعد الاختبارات من خلال الايقونه بس انت انتبه للايقونه متى تفتح وغير تخصصك ربي يوفقك

ANGEL for EVER 2011- 11- 14 02:16 AM
رد: ابي احول تخصصي بس ماني عارف
 
وانا بعد ارسسلت للنجار متى اقدر احول
قالي بعد مسستوى واحد
:love080:

عبداللطـيف 2011- 11- 14 05:28 AM
رد: ابي احول تخصصي بس ماني عارف
 
ماعاد ابي هالجامعه لاهي ولا بلاكها
يعني زي مايقولو بالعامي طابت النفس
اتمنى لكم التوفيق

farahq8 2011- 11- 14 08:10 AM
رد: ابي احول تخصصي بس ماني عارف
 
يا اخوي هونها وتهون!!
الكور الجاي انت اللي راح تختار موادك،،يعني حتي لو افترضنا انك رسبت بالمحاسبه والرياضيات((لان هالمادتين اكيد اللي خلوك تفكر تغير تخصصك!!)) مو مجبور تاخذهم الكورس الجاي اذا بالك تحول!!
اخذ مواد سهله وعامه عشان مايضيع عليك الكورس وتقدر ترفع معدلك ولما تفتح الايقونه ،،اضغطها وانت تضحك!!!
هذا اللي سواه زوجي،،حول من ادارة اعمال الي علم اجتماع،،ونصيحه اذا انت موظف والشهاده بس تبيها عشان الدرجه اخذ تخصص سهل عشان تخلص بدون لاتضغط علي نفسك،،،واتوقع علم الاجتماع سهل،،،مع اني ما ادري عن مستواك بالانجليزي ،،،بس اخاف تتوهق بهالتخصص ،،اختار الاسهل!!!
وبالتوفيق،،،


All times are GMT +3. الوقت الآن حسب توقيت السعودية: 10:20 PM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه