ملتقى طلاب وطالبات جامعة الملك فيصل,جامعة الدمام - أخي الطالب ـ تسدح وتبطح مع النظام الجديد ـ وان شاء الله سوف تنجح وتكون زي الحديد::

- قسم المحذوفات و المواضيع المكررة (https://vb.ckfu.org/forumdisplay.php?f=33)

أخي الطالب ـ تسدح وتبطح مع النظام الجديد ـ وان شاء الله سوف تنجح وتكون زي الحديد::

<< قسم اني اكره الهرج الزايد <<طق الحديد وهو حاامي << عز الله انه راح وطي المثل

مساء الإختبارات ..

اللي حومت كبود الطلاب والطالبات ..

جئتكم اليوم ببضعة كلمات ...

تعينكم لتتغلبوا على مثل هذه الحالات ..

لإن الحياة نفسيه ..

ريح بالك وتعيش عيشه هنيه ..

أسألوني أنا جربت ..

ولولا الله ثم الخلطه السريه مانجحت ..

وها أنا بين ايديكم تخرجت ..

اليكم بعض الأسرار الخنفشاريه ..

اللي تخلي ذاكرتكم ذاكرة مصريه

ومما لايخفى عليكم إن اخواننا المصريين ..

من عمر عمرهم دافورين ..

خلف الله علينا يالسعوديين ..

لو نسهر الليل كله وماننام ..

مخنا مايعطي لمجهودنا إهتمام ..

نقلب في الكتاب يمين ويسار ..

وتطير المعلومه في قاعة الإختبار !!

ولو نحفر مخنا تحفيير ..

راح نتنح بالأخير ..

عشان كذا استخلصت لكم نتيجه خبراتي ..

والحكمه اللي طلعت بها في حياتي ..

وهي كــ الآتي ..

عزيزي الطالب ..

تسدح وتبطح

وبإذن الله سـ تنجح ..

ماذا يعني الإختبار ؟؟

خير إن شاء الله وش صار ؟؟

السؤال الأول إختيار ..

والثاني إعصار ..

والثالث خراب ديار !!

إذن مافائدة الإستذكار ؟؟..

عزيزي الطالب ..

وكأني أراك وقت النتائج ..

كــ الثور الهائج ..

والبحر المائج !!

لماذا الإرهاق والعذاب ..

وقد عملت بالأسباب !!

أما أنتي أيتها الطالبه ..

اسمعيني زيــــــن !!

كم لك من سنه تدهرين !!

متى ودك تنامين !!

لاتخافين .. لاتخافين ..

النجاح من رب العالمين ..

ارمي الكتاب اللعين ..

وقولي روح .. روح يامسكين ..

كسري الأقلام ..

وقولي وداعاً للآلآم !!

عيشي بإنتعاش .. !!

وأنواع الطناش

وأعرسي على واحد كاش ..

ولا الدراسه مهناااش !!

تعالوا معي في جوله ترفيهيه ..

إلى أوضاع الطلاب والطالبات في السعوديه ..

خذ عندك مثال ..

لبعض العيال ..

يبتز المدرس على غير سنع ..

يعني ماوراه نفع ..

دفع أبوه ولا مادفع ..

نجي الحين لأشكال البنات

ويابثر اللي لاطلعوا يراجعون الإجابات ..

الإختبار وخلصناه ..

زود الحرص الحين مابيعدل اللي هببناه

الغش وما أدراك ما الغش ..

هو اشد بلاء من الحش !!

ياخي ان كنت ناوي تغش ..

يرحم والديك للقاعه لاتخش ..

البراشيم وما أدراك ما البراشيم ..

هي مهاره لايجيدها سوى الفهيم ..

اللي يضيع يومه كله ..

مسوي فطين على باله أسهل له !!

ياخي بدال ماتضيع وقتك وتبرشم ..

شغل مخك وأفهم !!
شوفوا الفرق بين هالأثنين ..

كلهم رغم إختلاف أسالبيهم تعبانين ..

اما الآن مع صورة شيء مسكييييييييييين ..

مو قادر يستوعب معلومات تتوارثها الأجيال على مر السنين ..

وفي الختام ..

عزيزي الطالب .. عزيزتي الطالبه ..

هي خاربه .. خـــــــاربه !!

فضفضوا فضفضوا قد ماتقدرون ...

الموضوع كتبته لكم لعلكم ترتاحون ..

يعني مؤهل لإستيعاب كل المواضيع الإنسانيه ..

يرحم والديكم ردوا لاتسفهون ..

ترى كذا تحطموون !!

يعني وش مصلحتي اكتب غير إنكم تسفهلون ..

وداعة الرحمن

منقول من العضو بحااار