|
قال: الشقى وش هو الشق ؟؟ قلت: الشقى ظلم السنين !!
قال: الشقى وش هو الشق ؟؟ قلت: الشقى ظلم السنين !! أحد (ن) يمر و يتعبه . . و أحد (ن) يمر ويقهره قال: الحزن وش هو الحزن ؟؟ قلت: الحزن دمعو وعين .. !! أحد (ن) قوي يسطبر . . و أحد (ن) تبلل محجره قال: الوفاء وش هو الوفاء ؟؟ قلت: الوفاء مسلم يدين .. !! واللي يغدر بصاحبه . . عاد الليال بتغدره قال: الجفا وش هو الجفا ؟؟ قلت: الجفا قسوة ولين .. !! أما تغلى صاحبك . . وإلا ملغيك ظهره قال: قال الوصل وش هو الوصل ؟؟ قلت: الوصل ما له وزين .. !! يبري جروح (ن) ما برت . . و العفو عند المقدره قال: الأمل وش هو الأمل ؟؟ قلت: الأمل في نظرتين .. !! أحد (ن) يحاول يكسبه . . و أحد (ن) يخاف (ن) يخسره قال: الرجاء وش هو الرجاء ؟؟ قلت: الرجاء قلب (ن) حزين .. !! يمشي على تراب الأمل . . و يخاف لا يسفى ثره قال: الوجيه وش هي الوجيه ؟؟ قلت: هي من جانبين .. !! وجه (ن) يزينه العفاف . . وجه زين بمظهره قال: الحكي وش هو الحكي ؟؟ قلت: الحكي ما بين بين .. !! خير الحكي ما دل قل . . و زبدة القول اثمره قال: الخجل وش هو الخجل ؟؟ قلت: الخجل بالعام زين .. !! بس الخجل لا صار دون الحق . . ماله مغفره قال: الزمن وش هو الزمن ؟؟ قلت: الزمن في ساعتين .. !! ساعة طرب ونفس و هوى .. وساعة خشوع و تذكره قال: الغلا وش هو الغلا ؟؟ قلت: الغلا حب (ن) دفين .. !! والحب لا قده حقيقة . . ودك إنك تستره قال: الخطأ وش هو الخطأ ؟؟ قلت: الخطأ الله يعين .. !! أحد (ن) مال لخطأه عذر . . و أحد (ن) لا أخطأ تعذره قال: المرأة وش هي المرأة ؟؟ قلت: المرأة ضلع (ن) لدين .. !! يبقى و هو فيه اعوجاج . . من جاء يعدله أكسره قال: الرجل وش هو الرجل ؟؟ قلت: الرجل في نظرتين .. !! أبختصرها و الذكي لا جاء حكي فسره . . رجل (ن) سليط وكلمته ما هي تغديلك كلمتين ورجل (ن) مع العالم لكن مسيرته مره .. !! ابداع حمد البريدي |
رد: قال: الشقى وش هو الشق ؟؟ قلت: الشقى ظلم السنين !!
رجل (ن) سليط وكلمته ما هي تغديلك كلمتين صح لسان الشاعر وسلمت الأنامل المبدعه ع هذا النقل دمت بودي :106: |
رد: قال: الشقى وش هو الشق ؟؟ قلت: الشقى ظلم السنين !!
صح لسان قائلها
أبدعت في الانتقاء أخوي يسلمووووا/،، |
رد: قال: الشقى وش هو الشق ؟؟ قلت: الشقى ظلم السنين !!
صح لسااااااااانك غريييييييب
تقبل تحياتي ومشكوور ع القصيده اختك ذكرياتي |
رد: قال: الشقى وش هو الشق ؟؟ قلت: الشقى ظلم السنين !!
اقتباس:
اقتباس:
اقتباس:
مروركن..... اخواتي....... اسعدني http://www.ckfu.org/vb/images/icons/ei28.gifhttp://www.ckfu.org/vb/images/icons/ei28.gifhttp://www.ckfu.org/vb/images/icons/ei28.gif |
| All times are GMT +3. الوقت الآن حسب توقيت السعودية: 06:36 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام