ملتقى طلاب وطالبات جامعة الملك فيصل,جامعة الدمام - شعر مايدوم البرد والقيض يتسلل للمبيت

- ملتقى الفنون الأدبية (https://vb.ckfu.org/forumdisplay.php?f=150)

- - [ شعر ] : مايدوم البرد والقيض يتسلل للمبيت (https://vb.ckfu.org/showthread.php?t=238412)

مايدوم البرد والقيض يتسلل للمبيت

ما يــدوم البـــــرد والقيــــظ يْتســـلل للمبيــــت
والظـــلام ان طال مهما طال ... يمحيه النهــــار

والجبل أكسـر شمـــوخــه .. كان في راسـه بديت
والبـــحـــر مهما تباعــــدنـا قـراره .. له قــــرار

والزعل مثل الجليد ..ان ماقسى فيني .. قسيت
ليــــن تســــتلم جُزيئاتــه بيــــــد الأنصهــــار

هي سحابـــة صيـف لا تٌــعمــر .. ولا بـتْهــــد بيت
نظره / وبسمة / وخطوه..واعتبر ما شي صار

وانت ياللي مـــزعــل ٍ حالك .. وللـفرقــى نـــويت
لك مقــــام و إحتــرام ولك حضـور ولك وقـــار

بس تستــرجي تعـــدى حدك .. ان عنّـه سلــيـت
والله اني..لَـ اعمـر الخــارب واخرّب بالعمـــار

تخــطــي وتبغى محد يحكي معك.. مهما حكيـت
من معي...؟ شهبنـدر التجـــار والا شهـــريار

اذكـــر ان للـــفعـــل ردة فعل .. لـو انــك نسـيــت
ساويه له فَـ الحجم..ومْعاكسه له..فَـ المسار

لا تــظـــن بْكل مـره .. تطعــن متــوني عــفــيــت
إتـقـي شـر الحليــم ان مـال عن طــوره وثــار

احـتملـتـــك مــره واثنتيـــن . . يـــوم بْك َابتلــيـت
قلت صاحب!! والصحيب ان مانفع ماهـو..بَـضار
استحيــت ارجـي حيـاءك.. وانته ابـدا ً مستحيــت
ذاقت عيــونــك حلايه .. ولْهمـت كـل الخَضــار

كانـي مْغمّــض وساكــت .. مو بمعنـــاه انعميـــت
شايفك بس ما بودي. . يسبق اللوم الفقَـــار

لين ضيّقـت الوسيعـــه.. وارتمى صـبـــري شتيت
واخرجت يمنــاك سيـــفــي..طالبٍ رداعتبــار

لعنبـــوك اكبـــر علامـــك .. ما تقـــوم الا وكبيــت
العـرب تكبـر وتعلـى .. وانت تكبر .. فَـ انحــدار

والله انــي لـو خــطـيـت وبالخـــطـيــة إبتـــــديــت
ما يريحني ضميري .. لين اجي لك .. بَـ اعتذار

لــكــن انــي ما غلطــت ولا علــى طرفك وطيــت
ليـه اجل أرخص شموخي واكسي العز انكسار

كان تــــزعـــل من سواتك .. عنْـك والله مـــادريت
سكّـــن العين الدموع .. ولحّف الوجــه اصفــرار

أزعل ارضى \ أرضى ازعل..جعل عمرك ما رضيت
أركــب اعلى ما فَـ خيلك .. واقفل ابواب الحــوار

شف وش اللي يعجبك .. حطّم / وكسّر..مشهيت
واحد / اثنينه / ثلاثه / أربعه .. أقــــرب جــــدار

لـو شريـــت رضـــاك مرهـ .. كل مــرهـ ماشــريت
وان طلبت الــوصـــل مرهـ .. بطلب ابعادك مرار

منهــو انته لجل اجيــلك .. واتبعــــك لامن مشيت
لاانت ابوي ولاانت اخوي ولاانت خل ولاانت جار

واحـــــدٍ من جيز عـالـم .. لو عطيــتك / ماعطــيت
واجـب المسلم لمسـلم..والعـطا شيمة كبــار

ان قعدت اهـــلا ً هـلابــك.. وان تلملمت وســريت
فكـــة ٍ منّك غنيمـــة .. وبْعدد شــــر ٍ وطـــــار

رح عسى الله لا يردك .. وانقلــع من حيث جيــــت
جعل درب ٍ سار بك للورد .. فوق الشـوك ســار

وافتـــــرض لو افتراض اني على حقـك سطيــت!!
وش بيــدّك غيـــر تلطـم ..! يدْك ما تعطيك ثـار

لــو خطيت / ولو خطيت / ولو خطيت / ولو خطيـــت
فيك.. يا بخت الخطــايــا بــك .. ويا حلو الدمـار

لو عديت إلّي بخيـــرك .. يــمـك بْخــيــري عـــديت
وان تصـب القــــااز عينك.. تقدح عيوني شـرار

وان لعب شيطانــك بْراسك.. على نفـسـك جنيـت
جاك شيطاني يخمك..من يميــن / ومن يســار

بَـ اقتــــدار ارسلك خلف الشــمــس لو اني بغيــت
وان بغيت اعفي.. عفيتك..من جنوني بَـ اقتدار

لا تـــصـدق قــــولهــم طيّــب .. وما مثــلهـ لقيــت
إيه طيّــب.. لين يلفظ صبري الأنفــــاس .. نـــار

وانتبه....! لا فات فوتك .. ماتفيدك .. ألف ليـــــــت
والظـــلام ان طال مهما .. طال.. يمحيه النهــــار