ملتقى طلاب وطالبات جامعة الملك فيصل,جامعة الدمام - ابـــــــــــــــــــداآاآاآع

مسائكم/صباحكم سعاده وراحه بال
..
بعد سنوات من معاناة البيوت والتنقلات قررت أخيرا آخذ بيت من الشركة وأستعوضت الله خير في بدل السكن ، ألزم ماعلى الواحد راحة باله
وبما ان تصميم البيت يحتوي على مجلس حريم وماعندي حريم ، فـ قررت احوله إلى ديوانية جلوسي ، تلفزيون وجلسه وكمبيوتر وشاي ومباريات ونقاشات حول مشاكل المجتمع << أمحق
واعذرونا على جودة بعض الصور ، شي بالجوال وشي بالكاميرا http://g.abunawaf.com/2011/7/24/centrino/yourecute.gif
..
أول شي ألقيت نظره على شكل الغرفة .. وماادري ليش تذكرت توقيف المرور في الموضوع هذا ! المهم بلاها الذكريات المريره ، نشوف الغرفه

http://g.abunawaf.com/2011/7/24/centrino/j_b42.jpg

وطبعا أول شي لازم يتغير لونها البائس ، فـ اخترت اللون وبدأت أم المعارك

http://g.abunawaf.com/2011/7/24/centrino/J_b4_2.jpg
..

’’ بقول شي قبل لاتصبغون أي شي في بيتكم ، لازم تعرفون اشياء مهمه ،،

* نوع الصبغ المناسب للجدار ، بلاستك أو زيتي
* اختاروا اصباغ نوعيات جيده.. جوتن ، سيغما ، الجزيرة هم الأفضل واتركوا الرخيص
* لاتشتري الصبغ و رولة الصبغ وتجي تراكض لبيتك فرحان :D اشتري العلبة اللي بتصب فيها بوياتك وخلطاتك ، ولا تنسى الفرشاه الصغيره للأماكن الضيقه
* وأهم شي تشتري شي تحرك الصبغ بعد ماتخففه بـ"تنر" بالنسبه للزيتيه أو بالماء بالنسبه للبلاستك وإلا بيصير فيك مثل ماصار فيني ومالقيت شي احرك فيه فكان التالي:

http://g.abunawaf.com/2011/7/24/centrino/j_jarir.jpg

وبطبيعة الحال ذابت أوراق الدليل لين اهتديت الى استخدام عصا رولة الصبغ

http://g.abunawaf.com/2011/7/24/cent...move_paint.jpg

((اللي تابع الموضوع السابق بيلاحظ انه في واحد جاني واشتغل وطار عقاله مع الحماس ،، هو نفسه ابو ثوب ، ويقاله هالمره كان حريص ونزل غترته وعقاله ، بس جاب العيد وجا يبي يفزع في صبغ بويه بالثوب http://g.abunawaf.com/2011/7/24/centrino/krkr.gif ))
كأني قليل خاتمه http://g.abunawaf.com/2011/7/24/centrino/hhh.gif
والحمدلله تمت عملية المزج والتخفيف بنجاح

وبدأت عملية الصبغ

http://g.abunawaf.com/2011/7/24/centrino/j_paint.jpg

أثناء العمل لاتحرمون أنفسكم متعة احتساء الشاي والقهوة
..
الآن إنتهيت من صبغ الجدران ، وصار وقت تغيير الأرضية ،،
ولازم ننظف كل شي قبل عملية التركيب

http://g.abunawaf.com/2011/7/24/centrino/j_trash.jpg

وهنا ودي اقول شغله : ان اي واحد فيكم اذا فكر ياخذ بيت وقالولك سيراميك لاتفرح لأن بعض الانواع لو يحطون مكانها تراب وتمشي عليه اصرف بسبب شكلها البايخ أولا ورداءة نوعها ثانيا
وكبديل ، مافي أحلى من الأراضي الخشبية "الباركيه"
وتم التركيب

http://g.abunawaf.com/2011/7/24/centrino/J_floor.jpg
..
الآن حان وقت شراء الاثاث والإكسسوارات والذي منه ، وكخيار أمثل (أو مافي غيره) توجهت إلى IKEA الظهران

http://g.abunawaf.com/2011/7/24/cent...9-1-_11533.jpg

- قبل تروحون ايكيا واذا في بالكم تشترون أغراض وايد لاتنسون تقدير حجم الأغراض مقارنة بالسيارة اللي رايحين فيها تحسبا لأي وهقه
الحمدلله تم (حشر) كل ماتم شراءه في السيارة

http://g.abunawaf.com/2011/7/24/centrino/j_car_box.jpg
..

بعد مانزلت الأغراض
بدأت تركيب الستاره ولكن للأسف واجهتني مشكله (حمقاء) بعد ماسويت الفتحات في الجدار

http://g.abunawaf.com/2011/7/24/centrino/j_tips_1.jpg

والمشكلة هي ان القطع البلاستيك اللي المفروض تدخل فيها المسامير ماهي موجودة (ضيعتها)
اللي هي هذي

http://g.abunawaf.com/2011/7/24/centrino/n_drilhole.png

ولكن اهتديت الى حل جميل ومناسب .. تابعوا معي:
أول شي نجيب قطعة خشب صغيره من أي مكان

http://g.abunawaf.com/2011/7/24/centrino/J_wood.jpg

ونحشرها في الفتحات بهذا الشكل بحيث ان الخشب يكون مالي الفتحة

http://g.abunawaf.com/2011/7/24/centrino/j_tips2.jpg

بعدين نكسر الأطراف الزايده

http://g.abunawaf.com/2011/7/24/centrino/j_tips3.jpg

ونركب المسامير عادي

http://g.abunawaf.com/2011/7/24/centrino/j_tips4.jpg

بعد ماسويت هالحركه اكتشفت ان الخشب اصرف من قطعة البلاستك لأن الخشب لا يتبربر بالحراره ولا ينكمش بالبروره http://g.abunawaf.com/2011/7/24/centrino/daa.gif
وتم تركيب الستارة

http://g.abunawaf.com/2011/7/24/centrino/J-stara.jpg
..

الآن وقت تركيب الإضاءات
وهنا لازم ناخذ بالنا من شغله مهمه بخصوص الاضاءات في "إيكيا" لما نشتري أي نوع من الاضاءات لازم نتأكد إننا شرينا اللمبات لأنها تجي بدون لمبات
وبعد لازم نتأكد اننا اخذنا لمبات بنفس قوة الكهرباء في البيت 110v أو 220v وممكن بعد تختار قوة اللمبه 50w والا 60w أو 100w حسب الرغبة
انا اخترت هذا النوع

http://g.abunawaf.com/2011/7/24/centrino/j_lightbox.jpg

وركبنا إضاءة السقف

http://g.abunawaf.com/2011/7/24/centrino/j_light.jpg

وبعدها ركبت إطارات الصور وفوقها ركبت إضاءة معارض .. بالنسبة للإضاءة وعلشان لايتشوه منظر الجدار بسلك الإضاءة صبغت السلك بنفس لون الجدار

http://g.abunawaf.com/2011/7/24/centrino/j_frame.jpg

الحين جا دور الخفايف ، تركيب الرف وتعليق الساعة وأي شي يحتاج سلم وتخريم جدران علشان نقفل على موضوع التركيب ونبدأ الترتيب
ركبت الساعة والرف على اليمين ودخلت أول كنبه

http://g.abunawaf.com/2011/7/24/centrino/J_krakeb.jpg

http://g.abunawaf.com/2011/7/24/centrino/j_krakeb2.jpg

ونظفت الأرض من الفوضى

http://g.abunawaf.com/2011/7/24/centrino/j_tools.jpg

ودخلت الكنبة الثانية وركبت الطاولات وأضفنا شوية اكسوارات وحركات لين وصلنا للشكل النهائي

http://g.abunawaf.com/2011/7/24/centrino/j_tv.jpg

http://g.abunawaf.com/2011/7/24/centrino/j_fin1.jpg

http://g.abunawaf.com/2011/7/24/cent...final_look.jpg

وانتهت المهمة بحمد الله

http://g.abunawaf.com/2011/7/24/centrino/j_bear.jpg
..

المضحك المبكي إني ماقعدت في هالبيت أكثر من 4 أشهر وبعدها تركت الشركة والبلد كلها
أتمنى الموضوع عجبكم

لاتحرموني ردودكم:119::119:
ودي وحبي:106::106: