|
ماذا بعد فتح البلاك بورد ؟
السلام عليكم ورحمة الله وبركاته يسعد اوقاتكم بكل خير .. مررنا بفترة انقطاع عن الدراسه بسبب الخلل في البلاك .. واليوم الحمدلله فتح النظام .. ونزلت تبعاً له محاضرات كثيرة لكل مادة .. وكلمات كثيرة بنسمعها تبعاً لفتح النظام اليوم .. (( ياولي انضغطنا - مايكفي وقت - بموووت كيف بخلصهم - عندي مسؤوليات ثانيه مو فاضيه للبلاك خلاااص بنسحب - ساعدوني شسوي .. الخ )) الكلام هذا نقوله لو كنا وحدنا لكن الحمدلله احنا هنا اخوان يد وحدة ونتحد في الازمات .. والآن بالذات (( المستوى الخامس )) لاننا اول دفعه ومافيه دفعات قبلنا وملخصات جاهزة ووو فهذا يحتم علينا نعتمد على انفسنا وبإذن الله لنا اجر على تعبنا اولا ولمساعدتنا للدفعات اللي بعدنا ثانياً .. طيب الحين جا وقت فزعتكم بازملائي وزميلاتي خلونا نتحد عشان نجتاز ازمتنا الحاليه وهو (( ازدحام المحاضرات )) لان التذمر والحسرة مابنستفيد منه الا ضياع وقتنا بدون هدف .. هذا الموضوع بيكون اتفاق بيننا كلنا .. كل واحد فينا يقول بيلخص اي مادة واذا لخصها يجي هون يقول انا لخصت المحاضرة الفلانيه للمادة الفلانيه .. ونحمس بعض لين ننهي من كل المحاضرات المنزله .. ادري ان بعض اخواننا عندهم اشغال وماعندهم وقت للتلخيص مومشكله دعمكم المعنوي يكفي :119: وانا ببدأ .. ان شاء الله انا حالياً بمسك 3 مواد اللي هي : 1- إدارة الموارد البشرية . 2- التعلم الالكتروني والتعليم عن بعد . 3- طرق التواصل الشفهي واليدوي والكلي . كلي ثقه بوقفتكم معنا برح الفريق الجماعي ^_^ تحياتي :106: |
رد: ماذا بعد فتح البلاك بورد ؟
.. :106:
يعطيك العافيه جوري على الالتفاته المهمه ان شاء الله كلنا نكون يد وااحده :53: تسلميين على الموضوع .. بصراحه تحمسست ان شاء الله راح الخص باقي المادتين الي بقت من جدولي للمستوى 5 :biggrin: اخذتيها كلها :biggrin: اعاقات النمو الشامل الاعاقات المتعدده :(204): فالناا وفالكم التوووفيق :d5: |
رد: ماذا بعد فتح البلاك بورد ؟
و آنا ان شالله راح الخخص مادتين . .
التخلف العقلي في ضوء النظريات ، مهارات السلوك التكيفي . . بـ التوفيق يَ رب . . :(204): |
رد: ماذا بعد فتح البلاك بورد ؟
يعطيك العافية اختي جوري
مووضوع مررة مهم .. انا ان شاء الله .. راح اكمل تلخيصي للمواد الي بديت فيهاا .. موارد بشرية .. طرق التواصل .. النمو اللغوي .. صحيح انتي راح تلخصينهاا .. وما تقصرين .. خليناا نكمل بعض يمكن انا اوقف ما اكمل لظرووف وتكونين انتي موجودة .. اللي متاكدة منه وان شاء الله راح اكمله للنهايه مواد تخصص السمعية .. اما الموارد ما اتوقع .. لاني اصلاا كان الهدف من كتابتي لهاا هوو التاخر في انزال المحتوى في البلاك .. ربي يكتب الي فيه الخير يارب .. وربي يوفقك ويسعدك على اهتمامك .. دائماا سباقه للخير .. |
رد: ماذا بعد فتح البلاك بورد ؟
اشكرك اختى جوري الملتقى على جهودك ودعمك وحماااااسك لنا
وكما قلت سابقا اعتذر عن التلخيص لان التلخيص مسؤولية وليس شيء سهل ولا هو نسخ ولصق لابد من متابعة المحاضرات المسجلة وكتابة كل ماهو مفيد ولانني اداوم من الساعه 8 صباحا حتى 5 عصرا ما عندي وقت اشاهد محاضرات مسجلة وبصراحه اعتمد على الله ثم على تلخيص الزملاء والزميلات الله يوفقهم لذلك انا ادعمكم باللى اقدر عليه ان شاء الله في غير التلاخيص تمنياتي للجميع بالتوفيق :d5: واعتذرا اشد الاعتذار لزملائي وزميلاتي |
رد: ماذا بعد فتح البلاك بورد ؟
اسعدني جدا جدا تجاوبكم مع الموضوع ..
غاليتي تالا .. مو مشكله لو كنا اكثر من وحدة نلخص نفس المادة .. يمكن تلخيصي يكون فيه نقص واللي يكمله تلخيصك .. يمكن اسلوبي في التلخيص مايعجب او مايستوعبه البعض قيستبدله بتلخيصك :119: ياليت كل مادة يكون فيه تلخيصين بصراحه افضل وافضل .. وبنطلع من المستوى بأبداااع وبصمات نفخر بوجودكم بيننا دائماً ^_^ |
رد: ماذا بعد فتح البلاك بورد ؟
اقتباس:
وانتوا بتساعدونا وكثير بعد وبيكون لكم شغله تتكلفون فيها ومراح يكلف عليكم ابد ابد وبيكون خاصه باخواننا الذكور (( ابو فهد - اهم - دولار السوديه - مديناوي - طالب كو )) اكثر الاشخاص حضور هنا حاليا واذا تواجد عدد اكبر بيكون افضل .. ان شاء الله قريبا بنطلب منكم مساعدتنا بشغله غير تلخيص المواد وان شاء الله مابيكون حمل ثقيل وشغله مرررة بسيطه .. |
رد: ماذا بعد فتح البلاك بورد ؟
يَ ححححبي لكم اذا تححمستوا . .
:mh318: |
رد: ماذا بعد فتح البلاك بورد ؟
الله يجزاكم الجنه و مَ يحرمكم الآجر ي رب .. |
رد: ماذا بعد فتح البلاك بورد ؟
|
| All times are GMT +3. الوقت الآن حسب توقيت السعودية: 09:45 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام