|
خاص بطلاب وطالبات قسم English
صباح/مســـــــــاءالخيرشباب وصبايا
بما اني ادرس بالقسم وبالسنه الاخيره اذا اي احد عنده استفسار عن المواد او الدكاتره او يحتاج مساعد انا حاظر ومايردكم الا لسانكم لا نستقبل طلبات بعد الساعه 12 ليلا:lllolll: امزح طبعا لاتصدقون حياكم |
رد: خاص بطلاب وطالبات قسم English
يعطيك الـ ع ـآآفية اخوي
خلاص لااحتجنا شي مايردنا إلا كيبوردنا :cheese: *"مع خالص محبتي"* |
رد: خاص بطلاب وطالبات قسم English
اخوي بس ودي اسالك كم ساعه ندرس اللغه الانجليزيه ؟؟ ضروري اعرف السؤال الثاني ابي حل لمادة الاستماع بتخرج ونا ماني جايه اعدي مدري من ظلم الدكاترة ولا بلادة فيني :(:( |
رد: خاص بطلاب وطالبات قسم English
السلام عليكم ورحمة الله وبركاته
اختي نواره مافهمت قصدك في كم ساعه ندرس اللغه لو توضحين اكثر عشان اقدر اجاوبك اما بالنسبه لمادة الاستماع فهي سهله بس مين يدرسكم ؟ استماع واحد او 2 عشان اقدر اوضحلك طريقة المادة والا سئلة عندي مذكرات ممكن تخدمك كثير لو حبيتي بهالماده اسف ع التأخير بالرد واتمنى انك استفدتي واي شي تبينه لا يردك الا الكيبورد |
رد: خاص بطلاب وطالبات قسم English
السلام انا بنوته ضايعه مع الدنيا جديده يعني انا تربيه عام والحين انا شاء الله على خير راح اتخصص بي ابي اعرف عن الانجليزي اكثر لان متردده اتخصصه لو لا :000: طبعاً سبب التردد انا ما اعرف شى في الانجليزي :no2: وخايفه ادخل واتورط واحمل :Cry111: ابي اعرف اجليزي الجامعه ترجمه لو ادب ؟ وبعد ابي اعرف كيف صيغة الامتحان الي يخصصو على اساسه الى الانجليزي والي ما عدها ذيك الخبر ه تنصحوها تدخل لو لا :s3: انا ضايعه مع هالدنيا بلييييييييييييييييييييييييييييييييييز دلوني :Cry111: |
رد: خاص بطلاب وطالبات قسم English
اخوي عزيز مشكور عالمبادرة والرد بالنسبه لسؤالي اللي اقصدة كم ساعه ندرس حتى نتخرج من الجامعه ؟ انا خلصت 86 ساعه والان ادرس 14 ساعه .. ان شالله اعدي المواد كلهم وبالنسبه لمادة الاستماع ادرس استماع 2 مع الدكتورة فريدة اخذتها مرتين CRY111 وحملتني اياهم والان ماني مستعدة اضيع وقتي مع المادة فقررت ماخذها الا مع التطبيق :( شرايك عدل ولا لا |
رد: خاص بطلاب وطالبات قسم English
غــريبة نــوارة!!
تدرين مو انتي الوحيدة اللي حملت استماع 2 مع فريدة بقة اذكر السنة الماضية في السمستر الأول ثلاثة أرباع اللي اخذوها معها حملوها!! بس الحمد لله انا اخذتها السمستر اللي بعده واخذت B+ :c8: .. ماحملتها ولا مرة هع * شوفي ترى المشكلة في هالمــادة كانك ملاحضة.. غالباً الأزمة تكون في الإختبارات.. الكويزز ولا المدتيرم والفاينل انا والله اذكر في الفاينل من الصدمة والله اني جمدت مكاااني لما اعطتنا قصة رعب ماادري ايش.. لأني ماامداني استوعب شي.. المؤثرات الصوتية أعلى واوضح من الكلام!! وتسـرع المتحدثة في كلامها حييييييييييييل.. وربي مااكذب عليك كنت ببكي! :lllolll: * حــآآوليـ انك تضبطين الدكتيشن حتى بدون حفظ. لأنها في وقتي اللي اخذت استماع2 نكبتنا.. قالت لنا بتعطينا هالجزيئة من الملزمة واعطتنا جزئية ثانية ابد!,. عموماً فريدة بقة معـروفة باختباراتها الصعبة واسئلتها الموب صاحية :064: الله يعينكـ خيتو,. *"مع خالص مـ ح ـبتي"* |
رد: خاص بطلاب وطالبات قسم English
اخواني حــآآآبة اسئل عن الدكتور محمد النعيمي.. في الأدب الإنجليزي والأمريكي
كيف اسئلته للإختبار هل هي نفس طريقة مدخل إلى الأدب.. يعني يعطينا مجال نخـتار الفقرات اللي نبيها ونجاوبها ولا كيف؟ + في هالمــادة هذرة كثيييييرة وحفظ مووووب صاحي ×_× بيولف وقصص وأدباء كثييييييييريين.. لازم نحفظهم بكل التفاصيل كل واحد وش كتب وأي عصر و..الخ؟؟ :000: حوسة! * والتعـريفاتـ اللي بيجيبها.. هل هي الموجودة في حاشية الكتاب بس ولا فيه غيرهم؟ :g2: اختبارنا لهالمادة بعد العيد بأسبوعين واحس اني محــتـآآسة.. مــآآدة صعبة وانا مااضبط الحفظ حيل :c8: .. شي أخــير :c8: النعيمي في الإجــابات يدقق على الإملاء والستركشر وهالحوسات كثير؟ ولا وش الســآآلفة اللي تخلينا نفحط حيييل مع اننا مبسوطات على اجوبتنا! :cheese:.. اللي يعــور القلب انه مايعطي كويزز :000: فتطيييير الدرجااات بســرعة!!! *"حوحو"* |
رد: خاص بطلاب وطالبات قسم English
السلام عليكم اختي ضايعه لايهمك ترا الانجليزي مو صعب مره بس لازم تكونين معزمه وتبين تدرسين صح لانه يبيله تعب اشوي خاصه بالبدايه وبالنسبه ادب او ترجمه لا يغلب عليه الادب 7 مقررات اما الترجمه مقررين فقط
اتي اهم شي تكونين مقتنعه بالتخصص وتوكلي على الله |
رد: خاص بطلاب وطالبات قسم English
عزيزتي نواره اسف ع التأخير بالرد بس كنت مشغووووووووووووووووووووول
تحتاجين 132 ساعه عشان التخرج اما بالنسبه الاستماع انصحك انك تخلصينها قبل التطبيق بس اذا خلاص ماسكه الا بالتطبيق فحاولي انها تكون بروحها مامعها مادة تخصص ثانيه واسف ع التاخير اذا عندك اي شي انا حاضر |
| All times are GMT +3. الوقت الآن حسب توقيت السعودية: 03:16 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه