ملتقى طلاب وطالبات جامعة الملك فيصل,جامعة الدمام - يـاسنـة أولى نصائح لوجـة الله ومن تجـربة !؟

السلام عليكم ورحمة الله وبركـاتة
كيف حـالكم سنة أولى أن شاء الله أموركم مستتبـة !؟ :smile: مـاراح أطول عليكم باالمقدمات لكن حبيت أقدم لكم كمن نصيحـة لوجـه الله ومن تجربـة أتمنى أنكم تـاخذونهـا بعين الإعتبـار وتستفيدون منهـا الأهم مـاتأخذونهـا على أنهـا تحبيط باالعكس تنبيـه وتحفيـز وتفاؤل وكـل شيء جميـــــــــل :119:

أولاً // البـلاك بورد"حبيب الشعب" :biggrin: أقولهـا لكم بكـل صراحـه عليـه طلعـات نكبـه :biggrin: خـاصة في الأيـام الأخيرة من كثر الضغط يهنق تهنيقـات أليمـة :000: لذلك عشـان تكونون في السليم حـاولوا تخلصون شغلكم منـه مبكـر يعني مـاتجي الإختبارات إلا مشطبين عليـه وإلا أنواع التشتت والحوسـة شوي مذاكرة وشوي تشييك على البـلاك بورد وسـاعة على مـايفتح وسـاعة على مـايقبل المشـاركة وسـاعة على مـاترجع الصفحـة والوقت يمشي والملازم تشكـي :tongue: خـذوا لكم لفـه بسيطة على مواضيع العام بتشوفون أغلبهـا عن البلاك " الفزعة البلاك مـايفتح وأنـا بـاقي مـاشاركت ، شاالحل البلاك بورد بطيء ، اللي خلصوا من البلاك لاتزحمونه نبي ندخل وووالخ حتى التخصصـات الثـانية صـار عندهم فضول من كثر مـايتردد أسم البلاك بورد في المنتدى صـاروا يسألون شنو هذا البلاك بورد شكلهم متخيلينه غووول من كثر التحسب والتشكـي عليـه :lllolll:بس من جـد نصيحـــــــــــــة من قلب خـاصةً الموظفين والموظفات حـاولوا تخصصون لكم ســاعة على الأقل يومياً تخلصون فيها أمور البلاك بورد عشـان لاتنضغطون أيـام الإختبارات وتحتارون في أنفسكـم !!
__________________________________________________

ثانياً// صعوبة التعليم عن بعد من وجهة نظري تكمن في نظام الإختبارات :(177): يعني مثلاً أيـام تجيكم يكون عندكم أختبار الفترة الأولى "العصر" اليوم الثاني يكون عندكم أختبار الفترة الثانية "باالليل" عـاد تخيلوا على مـاتطلعون من الأختبار على مـاترجعون البيت تاكلون لكم شي ثم تنامون على مـاتجلسوون ببسـاطة الوقت مـايمدي إلا للمراجعـة أمـا المذاكـرة مستحيـــــــــل :119: إلا اللي نظامه تفرفر في الأوراق والسلام عليكم هذا شي ثـاني !!!!
أنـا باالنسبة لي أنرهقت من هاالنظـام من جد أثر علي بعد الأختبارات صراحـة بشكـل لدرجـة أني الأن مـابعد أشبـع من العطلـة :biggrin:
يمكن البعض بيقول مشكلتج مـاذاكرتي من وقت كـافي !؟ لأ المشكلة موب هنـا أعتقد أغلب الأعضـاء ذاكروا من شهـر بس المشكلة في نظام الأختبارات زي مـاشرحتـه لكم ضغط تحس أرهــــــــااااق بدنياً :icon9: باالنسبة لي نص العطلة راحت في تعويض النوم :biggrin: حتى قبل الأختبارات لاترهقون أنفسكم ولاتلخبطون أوقاتكم عشـان مـايطلع الإرهاق عليكم وقت الإستعداد والمذاكرة للأختبارات !؟
_______________________________________________

ثالثاً // باالنسبة للمادتين النحـو والتحرير أكيد في الأيام الجـاية بتنفتح مواضيع تسألون فيهـا عن الفرق بينهم والحقيقـة مـاكو فرق :biggrin: اللهم أن التحرير أدش حبتين لذلك أنصحكم تبتدون في النحو كتهيئـة بعدين تدخلون على التحرير كـذا يكون الوضع أهون شوي أنـا بديت في التحرير وأنصدمت نفسياً :000: طبعاً اللي متخرجين من الثانوية فرش باالعكس بيكون حليو عليهم عشان لاأحد يقول شغل تحطيم وتحبيط :wink: الإختلاف في المادتين بيكون في النهايات لكن نصيحـة لوجه الله ذاكروا هاالمادتين أول بأول الدكتور المصـاروة شرحـة رووووووعة أمـانةً وأعتبروا التشابه بينهم نقطة إيجابية وأكسبوهـا لصالحكم المـادة اللي بتكون ثانية بتصير مذاكراتهـا زي المراجعـة !؟ أحنـا مثلاً التحرير أختباره بعد النحو بأيام طبعاً ومن جـد حسيت وأنـا أرجعـه بمرونه وبشكـل سريـع بس لأن الإدارة كـان بنفس اليوم خـرب الجو والنفسيـة :icon9: أذكـر كنت مسويه خطة تكتيكية أخلص التحرير من نص الوقت عشان أطلع أراجع الإدارة على الراحـة لكن مـاضبطت للأسف :biggrin:
وعلى طـاري مـادة الإدارة أختبارهـا كـان الأصعب باالنسبة للأغلب لكن نصيحـة نصحتني فيهـا أخت هنـا بس والله مـايحضرني أسمهـا عموماً الله يجزاهـا خير المهم أنهـا نبهت عن أهمية متابعة محاضرة الإدارة أول بأول وتدوين أي شي يقوله الدكتور خارج الملزمة حتى الأمثلة !؟ شخصياً يوم خلصت متابعة محاضرات الإدارة مـاحسيت باالفرق وأذكر أني قلت لهـا هنا باالمنتدي وقالت لي بيوم المذاكرة بتحسين باالفائدة وفعلاً وقت المذاكرة للأختبـار وبيوم الأختبـار حسيييييييييت باالفرقhttp://www.ckfu.org/vb/images/icons/ei11.gif http://www.ckfu.org/vb/images/icons/icon21.gif طبعاً في الأختبار كانت في أسئلة خارج المحتوى بس أستنتجتها من المحاضرات المسجلة !؟ وأنتبهوا وأنتوا تدونون الأمثلة أو أي شي خـارجي يكون بخط واضح موب مثلي توهقت يوم جيت أذاكر عجزت أفهم خطي من السرعة والدوشـة :tongue:
__________________________________________________ _

رابعاً // مـاشاء الله هنـا في المنتدى التعاون ملحوظ وبشكـل كبير وشخصياً أستفدت من المواضيع اللي يفتحونهـا الأعضاء للمراجعة بشكـل جماعي وبشكـل كبير !؟ مـايقصرون والله خـاصة سنة أولى يكونون متحمسين وبادين بقوة :smile:
__________________________________________________ _

خامساً // أنصحكم عشـان مـاتصير أنواع اللخبطة والحوسـة أفتحوا مجلد على سطح المكتب وسموه "دراستي" مثلاً وفيه أفتحوا لكـل مـادة مجلد ونزلوا كـل مـحـاضرة مـادة في مجلدهـا عشـان تسهل عليكم المتابعة وتعرفون شاللي نزلتوه واللي بـاقي !؟
__________________________________________________ ____

سـادساً // طريقة أستعدادي للأختبار خليتهـا آخر شي لأنهـا تعتمد على كـل واحد وظروفه وطريقته لكن راح أذكرهـا عشـان لو أحد حس أنهـا تنفع معاه يجربهـا وأنـا شخصياً جربتهـا ونجحت بفضل الله وراح أعتمدهـا وهي : أبتدي المذاكرة للأختبارات من شهر وأحـاول أذاكر الجدول بشكـل تصاعدي"يعني بشكـل معكوس من تحت إلى فوق" عشـان تبقى المعلومـات لوقت أطول والمادة اللي أول يوم مـاأبدي فيهـا إلا قبل الأختبار بيومين"كانت عقيدة " لأني آوردي بكون موب مضغوطة ولا مرهقه فليش أذاكرهـا من أول وأضيع عليهـا وقت !! وكـل مـادة أحـاول أخلصهـا في 4 أيـام !!
أن شاء الله فهمتوا الطريقـة :smile:

هـذا اللي عندي وأعتذر على الإطـالـة أتمنى مـاثقلت عليكم ولـو أحد من السنوات السابقة عنده أي إضافة لايبخـل فيهـا على المستجدين
والله يسهـل عليكم ويوفق الجميــــــــــــــــع يـارب
:106: