ملتقى طلاب وطالبات جامعة الملك فيصل,جامعة الدمام - وش ينفع العذر لامن ضاعت أيامي؟؟؟؟

وش ينفع العذر لامن ضاعت أيامي؟؟؟؟

"
"
"
"
"
"

ماقلت لي شي وش خليت ماقلته
اسكت وخل الكلام لجرحي الدامى

لوغيرك اللي يسولف ماتحمّلته
لكن على شان عينك هانت ألامى

للحب مفهوم عمرك ماتخيلته
ماأظن يستوعبه تفكيرك السامى

هذا الفراق الطويل وهذي أسئلته
هذا حصاد السنين وهذي أيامى

ياما وياما عليك البال طولته
والعمرعدى وأنا عايش على أوهامي

حتى طريق الفراق اللي تساهلته
لقيته أصعب على نفسي من أقدامى

اصبرلي شوي لودمي تثاقلته
بحاول أستوعب اللي صار قدامي

الحب ضحكة بعينك بس ماطلته
عمرك بهالكون شفت أبسط من احلامي!

القلب لوماخفق لك كان ماشلته
ولوما أنت ملهم قصيدي جفت أقلامي

هذا قصيدي بعينك لو تجاهلته
ينزف على شأن يروي قلبك الضامى

العام طاري غيابك ماتقبلته
واليوم حرماني أصبح مصدر إلهامى

لاتعتذرلي وابنسى كل ماقلته
وش ينفع العذر لامن ضاعت أيامى ؟

"
"
"
"
"

الشاعر الرائع .. متعب التركي